mánadagur 31. august 2009síða 32

32 Nr. 164 - 31. august 2009 tíðindi Ein 14 ára gomul genta á súkklu varð sunnukvøldið árend av einum bili sutt frá norðara munna á Kollafjarðartunlinum. Hevði hon ikki havt fallhjálm, hevði verri verið vorðið, sigur politiið Ferðsluóhapp Randi Jacobsen randi@sosialurin.fo Sunnukvøldið fór ein 14 ára gomul gentu á súkklu úr Havn norðureftir. Tá ið hon var komin gjøg­ num Kollafjaðartunnilin og nærkaðist busssteðgiplássin­ um, ætlaði hon at snara inn á stegiplássið, har vinkona hennara stóð og bíðaði. Hon gjørdi klárt at snara til vinstru, men í tí sama varð hon árend av bilinum, ið koyrdi aftaná henni. Bil­ førarin hevði ikki varnast, at hon ætlaði sær yvirum og skuldi til at yvirhála hana, tá ið hann rendi á gentuna. Gentan varð slongd upp á bilin. Hon var tíbetur í fall­ hjálmi, tí høvdið tók. Slagið var so mikið hart, at hjálm­ urin brotnaði. Tí er tað ikki ov nógv sagt, at hjálmurin bjargaði henni, heldur pol­ itiið. Einki brot Gentan varð flutt á Lands­ sjúkrahúsið til kanningar. Hon hevði ilt um allan kroppin, men sambært polit­ inum hevði hon ikki brotið nakað, hevði bara ilt um all­ an kroppin. Vinkona hennara var vitni til óheppið. Hon var púra skelkað, og tí noyddist fólk at taka sær av henni eisini. Óhappið hendi beint eftir klokkan 19.30. Politiið veit ikki, um gent­ an hevði ljós á súkkluni, og um hon gjørdi tekin um, at hon ætlaði sær at snara tvørtur um vegin. Tað eru spurningar, ið svarast skulu, tá ið finnast skal útav, hvør hevði skyld­ ina av óhappinum. Hjálmurin bjargaði henni Tíðin er komin at taka niður ella festa trampolinurnar Vindur Randi Jacobsen randi@sosialurin.fo Nú summarið er farið at halla, og heystið stendur fyri, kunnu vit vænta dagar við nógvum vindi. Sunnunáttina var nógvur vindur, og tá fór ein tram­ polin Millum Gilja í Hoyvík á flog. Sløkkiliðið fekk boð um at fara út at savna leivd­ irnar saman. Politiið ger vart við, at nú eiga fólk at ansa eftir tram­ polinunum. Antin mugu tær takast niður ella festast heilt væl. Trampolin fór á flog Eru trampolinirnar ikki væl festar, verða tær lætt tiknar av vindi