mánadagur 21. september 2009síða 30

30 Nr. 179 - 21. september 2009 tíðindi Leygardagin hevði felagið Hjartabørn upplýsandi og hugnaligt tiltak á segl­ loftinum á Tvøroyri. Eini 70 fólk ymsastaðni í Suðuroy og norðaneftir vóru komin saman at lurta eftir fyrilestrum um við­ føddar hjartasjúkur, hjarta­ sjúkur annars, um reahabilit­ ering, um týdningin av at eta heilsugóðan mat og um týdningin av at røra seg. Og annars beyðst eisini høvi hjá hjartasjúkum at fáa eitt prát og somuleiðis var tað kærkomið hjá for­ eldrum at hjartasjúkum børnum at hittast til prát og hugnaliga samveru. Tað vóru teir báðir hjarta­ læknarnir, Hans Petur Niel­ sen og Heðin Thomsen, sum hildu læknafrøðiligar fyrilestrar um ávikavist við­ føddar hjartasjúkur og um hjartasjúkur annars. Fysioterapeuturin á Suð­ uroyar Sjúkrahúsi, Sára Danielsen, tosaði um rørslu og Kostráðgevarin, Beinta Leo, tosaði um heilsugóðan mat. Annars greiddu sjúkra­ røktarfrøðingarnir Amy Ljósheim og Marjun Thom­ sen frá um hjarta­rehabilit­ eringina á Landssjúkra­ húsinum. Sum tað sæst á myndun­ um, var eisini fimleikur á skránni. Hjartabørn hittust á Tvøroyri Seks hjartabørn vóru við á tiltakinum á Tvøroyri og hendan myndin er tikin av teimum á Seglloftinum. Aftara rað frá vinstru eru tey Páll Herman Sveinsson úr Hvalba, Bogi Arnason av Argjum og Jógvan Fríði Tróndarsson úr Havn. Fremra frá vinstru eru tey Jonna Magnussen úr Vági, Bjørk Bruhn av Tvøroyri og Fríði M. Dam úr Havn