hósdagur 24. september 2009síða 8

8 tíðindi Nr. 182 - 24. september 2009 Jólainnkeypið skal gerast, og nú ongin annar skipar fyri jólatúri, so hava politistarnir, Kristian Dahl og Unn Bjarnadóttir, leigað eitt flogfar til Aberdeen. – Eg skal nokk vera berari, soleiðis plagar at vera, sigur Kristian Dahl, sum fer við saman við konuni Innkeyp Eirikur í Jákupsstovu eij@sosialurin.fo – Vit spurdu Atlantic, um tey fóru at skipa fyri einum jólatúri. Tað gjørdu tey ikki, so vit avgjørdu at leiga eitt flogfar, sigur Kristian Dahl, sum saman við Unn Bjarna­ dóttir skipar fyri túrinum til Aberdeen. Tá Unn nevndi hugskotið at leiga eitt flogfar til Aber­ deen at keypa jólagávur við, so var Kristian beinan­ vegin við. – Eg hevði stutt framm­ anundan leigað eitt flogfar í samband við ein starvs­ fólka túr, so eg visti manna­ gongdirnar og so framvegis. Tí var eg beinanvegin við, og nú er við at vera klárt, greiðir Kristian Dahl frá. Stór tilmelding Umvegis sms, teldupostar og Facebook vórðu boð send út til vinir og kenn­ ingar. – Vit sendu tey fyrstu út fríggjadagin, og tá hendi ikki so nógv, men mána­ dagin og týsdagin streymaðu tilmeldingarnar inn, greiðir Kristian Dahl frá. Tað sleppa eini 85 fólk við í flogfarið, og í løtuni eru eini 25 á bíðilista. – Fólk hava ikki endaliga váttað, um tey eru við ella ikki. Men hetta verður av ­ greitt í dag, og tá vita vit endaliga, hvussu verður, staðfestir Kristian Dahl. Men greitt er, at við 25 fólkum á bíðilista, stendur ikki á at fáa mannað eitt flogfar. – Blívur tað við at leggjast afturat, so gera vit ein túr afturat, staðfestir Kristian Dahl. Mannfólk fyriskipari Tað kann tykjast eitt sindur óvanligt, at eitt mannfólk er við at skipa fyri einum shopp ingtúri. – Eg skal vera berari, so ­ leiðis plagar tað at vera. Vit eru fleiri sum fara, og tað verður nokk soleiðis, at kon urnar fara at keypa, meðan vit fara at hyggja at onkrum øðrum. Men tað skal nokk blíva ein góður túrur, heldur Kristian Dahl. Tons eftir Fyri nøkrum árum síðan skipaði Atlantsflog fyri tí ­ líkum túrum, og seinast hann var stóð sera nógv við føri eftir í Aberdeen, tí ov nógv var keypt. Hetta viðføri kom tó til Føroya seinni. – Tað sleppa nøkur 90 fólk í flogfarið, men á túr­ inum verða 85, fyri at tað skal bera til at hava 30 kilo av viðføri við í part, fortelur Kristian Dahl. Túrurin sjálvur verður í novembur. Farið verður úr Føroyum fríggjadag 13. novembur og komið verður aftur til Føroyar 15. no ­ vemb ur. Spurningurin er bara, um flogfarið kemur uppfrá við øllum gávunum. Sjálvboðið Tað eru í høvuðsheitum Unn Bjarnadóttir og Krist­ ian Dahl, sum skipa fyri túrinum, og tey ætla sær ikki vinning av túrinum. – Vit skulu bara hava tað inn, sum tað kostar at leiga flogfarið. So fáa vit sjálvi ein góðan túr eisini, sigur Kristian Dahl. Tað kostar 2.650 krónur fyri ferðaseðilin og eitt bí ­ ligt hotell er funnið, so sjálvur túrurin kostar beint omanfyri 3000 krónur, men tá er ongin jólagáva keypt. Kristian leigar flogfar til shopping Kristian Dahl skipar saman við Unn Bjarna­ dóttir fyri shoppingtúri til Aberdeen í ein flog­ farið, tey hava leigað fyri at keypa jólagávur Tilgjørd mynd Vilja hava fólkaatkvøðu Konservativi andstøðuflokkurin í Bretlandi kunngjørdi í gjár, at vinnur flokkurin parlamentsvalið næsta ár, fer hann at skipa fyri fólkaatkvøðu um Lissabon­sáttmálan. Ein treytr fyri einari bretskari fólkaatkvøðu er tó, hvat Kekkia og Írland gera, tí Bretland vil ikki einsamalt átaka sær at vraka sáttmálan. Kekkiski forsetin, Vavlav Klaus, hevur ikki staðfest sáttmálan enn og sigst vera í iva um, hvat hann skal gera. Í London ljóðar, at tann konservativi formaðurin, David Cameron, hevur skrivað Vaclav Klaus bræv og biðið hann bíða við at staðfesta sáttmálan. Írar hava fólkaatkvøðu um sáttmálan 2. oktober.