hósdagur 24. september 2009síða 29

29 vinnudagurin '09 Nr. 182 - 24. september 2009 Nú Vinnudagurin 2009 verður í morgin, og Ársins Virki 2009 og Ársins Átak 2009 verða avdúkað, hava vit spurt ymisk framstandandi vinnulívsfólk um hvønn tey halda hava uppiborið hesa viðurkenning. Starv: Synergi Heiti: Stjóri Hvør heldur tú skal vinna heitið Ársins Virki 2009? Tað kundi verið fleiri, t.d. Bakkafrost, Miðlahúsið, Hotel Føroyar ella Marine Harvest Grundgeving Bakkafrost hevur bygt upp eitt portiónsvirkið frá grundini og við samanleggingini vera tey millum stórstu framleiðarar í verðini. Miðlahúsið hevur klára seg sera væl, í einari harðari kapping um eitt nú lýsarar. Hotel Føroyar er rættur trendsetari innan sítt økið og Marine Harvest Føroyar hevur eisini klára seg væl, eitt nú í mun til Marine Harvest Group. Harafturat hava tey eitt nú fingið GlobalGap góðkenning. Hvør heldur tú skal vinna heitið Ársins Átak 2009? Faroe Adventure Grundgeving Faroe Adventure er eitt gott boð, tey hava veruliga gjørt nakað við at bjóða Føroyar fram, sum eitt veruligt Adventure land. Hetta er eitt nýtt virkið, sum eg vænti og vóni fer at fáa vind í seglini. Ása Andreasen Starv: Magn Heiti: Stjóri Hvør heldur tú skal vinna heitið Ársins Virki 2009? Christian í Grótinum samtakið í Klaksvík Grundgeving Við nýggju Norðborg hava teir enn einaferð brotið upp úr nýggjum og víst føroyingum vegin inn í framtíðar vinnuhættir. Teir eru innovativir og framskygdir samstundis sum teir duga at vinna pengar. Hvør heldur tú skal vinna heitið Ársins Átak 2009? Samstarvsavtalan millum SEV og DONG um at brúka Føroyar sum testlaboratorium fyri grønari orku Grundgeving Nýggja leiðslan í SEV hevur frá fyrsta degi lagt dent á framhaldandi menning av grønari orku í Føroyum, og avtalan við DONG er ein týðandi varði á leiðini Hendrik Egholm Starv: Reyni Service Heiti: Stjóri Hvør heldur tú skal vinna heitið Ársins Virki 2009? Eg haldi at eitt gott boð kundi verði Bakkafrost á Glyvrum. Grundgeving Teir hava havt góð úrslit og miðvísan vøkstur seinastu árini. Hava eisini duga væl at framleitt røttu vøruna til røttu tíðina. Eitt væl skipa virkið sum heild. Hvør heldur tú skal vinna heitið Ársins Átak 2009? Veit ikki rættuliga, um tað er naka boð. Eg kom at hugsa um ”Gullhornið” v/Leif Erik Niclasen Grundgeving Tað er ikki beinleiðis eitt átak fyri árið í ár, men eitt áhaldandi árligt átak. Hann virkar ótroyttuligur við at hjálpa teimum sum treingja mest, so hann eigur í hvussu er ein heiður fyri sítt áhaldandi átak eftir at hjálpa. Eivind av Reyni Starv: Eysturkommuna Heiti: Borgarstjóri Hvør heldur tú skal vinna heitið Ársins Virki 2009? Meti eg fer at vera, ella kanska eigur at vera: TAVAN í Leirvík. Grundgeving TAVAN hevur í fleir ár havt góð úrslit, meðan flest onnur fiskavirkir hava havt trupult at fáa endanar at røkka saman. Framleiðslan er eisini slóbrótandi í stóran mun. Framleiðslunøgdin og sølan hevur eisini verið støðugt vaksandi. Alt hetta meðan, gullaksa stovnurin er tann einasti, mær vitandi, ið hevur fingið góðkenning sum burðadyggur. TAVAN hevur altíð leita nýggjar leiðir, og hevur hetta eydnast sera væl. Bakkafrost er eitt annað gott boð. Hvør heldur tú skal vinna heitið Ársins Átak 2009? Er nógv verri at tippa um. Mær rennur 2 virkir til hugs, men sum nokk er ov nýggj til at vinna í ár. Talan er um Primafisk í Leirvík, og HSJ í Gøtu. Grundgeving Primafisk og teirra vøra er í skriv­ andi løtu borðin út til stórar handils­ ketur í Danmark. Hetta er eitt stórt framstig, fyri útflutningin í Føroyum. Av tí at fiskurin verður fiskaður, fram­ leiddur og virðisøktur her í Føroym, og síðandi seldur uttanlanda er sera gott fyri Føroyska útflutningin. HSJ er eitt nýtt firma. Heri Schwartz er uppfinnarin av einari skipan, ið endurvinnur hitan úr spillvatninum í t.d. húsarhaldi. Fokus hevur verið í nógv ár uppá hitakelduna. T.e. hitapumpur, sólorku v.m. Har hevur HSJ, við einari einfaldari skipan, gjørt tað møguligt at endurvinna mestsum allan hitana aftur, sum fyrr fór út í kloakkina. Talan er um brúsuvatn, uppvaskimaskinur o.s.fr. Teir hava fingið norðurlendsk patent uppá skipanan, og arbeiða í løtuni við at fáa heimspatent. Jóhan Christiansen Hvør heldur tú skal vinna heitið Ársins Virki 2009? Norfra Grundgeving Tí tað er føroyskt Hvør heldur tú skal vinna heitið Ársins Átak 2009? Edmund Grundgeving Tí tað er føroyskt Finn Jørgensen Starv: Solar Føroyar Heiti: Stjóri Starv: el-in Heiti: Stjóri Hvør heldur tú skal vinna heitið Ársins Virki 2009? Føroya Bjór Grundgeving Gomul familjufyritøka sum í 4 ættarlið hevur megna at endurnýggja seg í eini sera harðari kapping og sum hóast hesa kapping kann vísa á ein sunnan rakstur. Hvør heldur tú skal vinna heitið Ársins Átak 2009? Jón N Olsen, Fuglafirði Grundgeving Royndir hansara at nýta flótitrols­ lemmar til fisking við botntroli, sum sigast at spara í miðal 15% av oljunýtsluni umframt at minka slitið á havbotnin. Hilmar Danielsen