fríggjadagur 25. september 2009síða 6

6 tíðindi Nr. 183 - 25. september 2009 20 milliónir svølta Meiri enn 20 milliónir fólk á Afrikanska Horninum hava tørv á mati. Tað sigur matvørustovnurin hjá ST, WFP. Orsøkin til neyðina er áhaldandi turkur í Eritrea, Somalia, Ethiopia og Kenya. Sagt verður, at tað hevur ikki regnað í umráðnum í samfull tvey ár. ST sigur, at matvøruhjálp er á veg til tey neyðstøddu, men at tað gongst illa at fáa matin fram, millum annað tí at havnin í Djibouti er ov lítil til tær stóru nøgdirnar, sum koma hagar. World Food Programme sigur, at støðan er serliga hættislig í Eritrea, og at søðan versnar í hvørjum. Vatn á mánanum Vísindafólk eru ovfarin av nýggjum kanningum, sum vísa, at tað er helst nógv meiri vatn á mánanum, enn vísindin hevur hildið. Tær nýggju kanningarnar byggja millum annað á myndir, sum indiska kanningarfarið Chandrayaan hevur tikið. Amerikanski vísindamaðurin Larry Taylor sigur við BBC, at eftir hansara meting ber tað til at fáa ein litur av vatni við at kroysta ein rúmmetur av mánatilfari. Myndir, sum amerikanska farið Deep Impact og tað evropeiska Cassini hava tikið, siga somu søgu sum myndirnar hjá tí indiska kanningarfarinum, sigur BBC. Gerhard Lognberg hóttir við at fara úr bæði samgonguni og Javnaðarflokkinum, um Sandoyartunnilin ikki fær pengar á komandi fíggjarlóg Fíggjarlóg Heini í Skorini Heini_skorini@yahoo.com Hósdagin seinnapartin kundi Gerhard Lognberg vátta tíðindini um, at lands­ stýrið hevur strikað játtanina til Sandoyartunnilin og tunlarnar norður um Fjall í fíggjarlógaruppskotinum, sum formaðurin hjá Ger­ hardi, Jóannes Eidesgaard, í næstum fer at handa tingin­ um. Og hesum kann ting­ maðurin úr Skopun ikki liva við. ­ Løgmaður er Føroya størsti svíkjari, tí hetta er greitt í stríð við samgongu­ skjalið. Fíggjarlógin skal ikki samtykkjast fyrr enn í desember, og eg ætli mær at stríðast til tað seinasta, sigur Gerhard Lognberg. Tað eru m.a. floksfelagar­ nir hjá Gerhardi í Javnaðar­ flokkinum, sum hava grund­ givið fyri, at ráð ikki eru til ein Sandoyartunnil, soleiðis sum búskapurin hevur tað í løtuni. Gerhard lovar at taka “eina kraftiga avgerð”, um endin verður, at Sandoy­ artunnilin ikki fær pengar á ársins fíggjarlóg. Men merk­ ir hetta, at hann fer at taka seg úr flokkinum og sam­ gonguni? ­ Tað er í øllum førum nærliggjandi, sigur Gerhard Lognberg. - Løgmaður er Føroya størsti svíkjari Bæði undirsjóvar­ tunnilin til Sand­ oynna og tunlarnir norður um Fjall eru strikaðir í fíggjarlógar­ uppskotinum, sum fer niðan í tingið í morgin. Líkt er til hart stríð í Fíggjar­ nevndini Fíggjarlóg Heini í Skorini heini_skorini@yahoo.com Hósdagin 29. november var veitsludagur í Sandoynni. Fýrverk, floytandi bilar og hundraðtals fólk høvdu leitað sær oman á keiina at taka ímóti teimum báðum tinglimunum úr oynni, Ger­ hardi Lognberg úr Javnaðar­ flokkinum og Pálli á Reyna­ túgvu úr Tjóðveldi. Orsøkin til veitslurómin var, at løgtingið sama dag hevði samtykt at gera fast samband millum Gomlurætt á Streymoynni og Traðardal á Sandoynni við 24 atkvøð­ um fyri, tveimum blonkum og tveimum ímóti. Fólkaflokkurin tapt Men knøpp tvey ár seinni sær svart út. Keldur í sam­ gonguni vátta, at bæði undir­ sjóvartunnilin til Sandoynna og tunlarnir norður um Fjall, sum ganga úr Klaksvík til Árnafjarðar og av Árnafirð­ um til Norðtoftir, eru strikað­ ir í ársins fíggjarlógarupp­ skotið, sum landsstýrismað­ urin í fíggjarmálum, Jóannes Eidesgaard, skal bera niðan í tingið fyrsta dagin. Sjálvur hevur fíggjarmálaráðharrin onga viðmerking, fyrr enn uppskotið verður lagt fram í næstu viku. Sum skilst hava tunlarnir verið ein snúningsdepil í telvingunum millum lands­ stýrisfólkini seinastu dagar­ nar. Og sambært keldum í samgonguni hava Javnaðar­ flokkurin og Sambands­ flokkurin tvíhildið um, at samgongan ikki hevur ráð til hesar báðar íløgurnar á komandi fíggjarlóg. Fólka­ flokkurin hevur haraftur­ ímóti strongt á fyri at fáa pening játtaðan til tunlarnar, men hann hevur ikki fingið sítt ynski ígjøgnum. Í komandi fíggjarári er talan einans um nakrar fáar milliónir krónur at spara, men samanlagt kosta hesar báðar verkætlanir omanfyri eina milliard, sum lands­ kassin kann spara í 2011 og 2012, um samgongan slepp­ ir ætlanunum um tunlarnar. Brot á samgonguskjalið Fyrr í vikuni søgdu bæði Javnaðarflokkurin og Fólka­ flokkurin, at útspælið hjá Sambandsflokkinum um at prístalsregulera blokkin var í stríð við samgonguskjalið og kundi tí ikki gjøgnumførast. Men trupult verður at sam­ eina orðingarnar í samgongu­ skjalinum um Sandoyartunn­ ilin við tað fíggjarlógar­ uppskot, sum nú fer niðan í tingið. Um undirsjóvartunnil­ in til Sandoynna stendur soleiðis í samgonguskjalin­ um: “Arbeitt verður víðari við verkætlanini at gera fast samband um Skopunarfjørð herundir við at finna fígg­ ingarleist. Tá liðugt er at gjalda til Norðoyatunnilin næsta ár, verður samsvarandi árlig upphædd flutt til Sand­ oyartunnilin, og farið verður í gongd í 2011”. Einki er avgreitt Men einki er liðugt, fyrr enn alt er liðugt. Sum til ber at lesa um aðrastaðni í blaðnum vátta fleiri ting­ limir, at samskiftið millum tinglimir og landsstýrisfólk hevur verið lítið og einki. Samgongutinglimirnir úr Norðoyggjum Jákup Mikk­ elsen, Anfinn Kallsberg og Bjørn Kalsø vilja allir hava tunlarnar norður um Fjall á ársins fíggjarlóg. Og Ger­ hard Lognberg lovar sum vera man at kempa til tað seinasta fyri undirsjóvar­ tunlinum til Sandoynna. Tí er líkt til hart stríð í løgtinginum og ikki minst í Fíggjarnevndini, tá lands­ stýrismaðurin hevur handað tinginum uppskotið. Seinnu árini hevur fíggjarlógarupp­ skotið verið fyri ovurstórum broytingum undir viðgerðini í løgtinginum, og tí er slagið um tunlarnar ikki avgreitt, fyrr enn fíggjarlógin enda­ liga skal samtykkjast við árslok í 2009. Sambært keldum í sam­ gonguni hevur Fólkaflokk­ urin tapt fyrsta umfar í telv­ ingini um tunlarnar. Men Fíggjarnevndin hevur ein formann við navninum Anfinn Kallsberg, sum í mong ár hevur havt tunlar­ nar norður um Fjall sum sítt hjartabarn. Og hann hev­ ur áður víst, hvussu man fær sítt ígjøgnum. Landsstýrið strikar tunlarnar Hvørki fíggjarmálaráðharrin Jóannes Eidesgaard ella Kaj Leo Johannesen, løgmaður, hava nakra viðmerking, men keldur í samgonguni vátta, at landsstýrið hevur strikað játtanirnar til bæði Sandoyartunnilin og tunlarnar norður um Fjall í ársins fíggjarlógaruppskoti. Gerhard Lognberg hóttir við at fara úr bæði samgongu og flokki, og samgongulimir úr Norðoyggjum kennast heldur ikki við avgerðina