hósdagur 22. november 2001síða 8

Nr. 226 • hósdagur • 22. november 2001 • 75. árg. Síðst í oktober var verkførarin á last- biladeildini hjá VR Bilum, Torleif Nón, saman við 135 øðrum lastbilaumboðum í Gøteborg, tá nýggju FH og FM røðirnar av Volvo lastbilarnir vóru avdúkaðir. BILAR Magnus Gunnarsson Tá Volvo avdúkar nýggjar bilar, er tað ofta við eini stórari leiksýning. Tá nýggju FH og FM lastbila- røðirnar vóru sýndar fram í oktober, var onki undatak. Har vóru nógvir artistar sum sýndu fram síni kynstur, og á stórskíggja sást ein tyrla koma við einari byngju hangandi undir sær. Tá tyrlan steðgar og skal lora byngjuna niður, kemur ein ein Volvo FH 12 niður úr loftinum, og lendir á gólvinum millum borðini har áskoðarnir sótu og ótu. Hetta kom heilt óvart á teir, tí hetta var ein spildur- nýggjur bilur, sum teir ikki høvdu sæð áður. Volvo FH og FM Talan var um nýggjastu Volvo FH12, FM9 og FM12 lastbilarnar. FH 12 fæst við 12 litur motorum frá 340 til 500 hk., og FM9 fæst við 9 litur motorum frá 260 til 380 hk. FM 12 fæst við 12 litur motorum frá 340 til 420 hk. Næsta ár kemur ein nýggjur 16 litur motorur. Fýra ymiskir gear kassar verða at velja ímill- um: Powertronic er ein heilautomatiskur gearkassi. Geartronic er ein 14 trins gearkassi. I-shift er ein heilt nýggjur heilautomat- iskur ella manuelt stýrdur elektroniskur gearkassi. VT er ein gearkassi ið hevur kaðalsamband ístaðin fyri stengur. ABS og ESP Allir Volvo lastbilar við luftfjaðraskipan hava skivubremsur á øllum hjólunum. Eisini hava teir elektroniskt stýrdan re- tardara, ið kann aktiverast automatiskt tá man brems- ar, og heldur ferðina sum bilførarin hevur sett hann til í undanbrekku. Við tað at ABS bremsur eru standard, fæst bilurin eisini við ESP (Elektronisk Stabilitet Pro- gram). Við hesi skipan fær bilførarin hjálp í torførum umstøðum, tí skipanin regulerar til dømis bremsu- kraftina og motorkraftina eftir tørvi. Hetta er við til at bøta munandi um trygdina á vegunum. Til Gøteborg í januar Hetta er bert nakað av tí nýggjasta sum Volvo last- bilarøðirnar koma við í næstum. VR Bilar skipa fyri einum túri til Volvo miðstøðina í Gøteborg í januar mánaða. Tey sum hava áhuga, kunnu venda sær til VR Bilar, at fáa meira at vita um túrin. Ann- ars verður eitt skriv sent út til allar lastbilakundarnar, har møguleiki er at tekna seg. Nýggir Volvo lastbilar á marknaðin í 2002 Torleif Nón, verkførari á lastbiladeildini hjá VR Bilum, var í Gøteborg tá nýggju Volvo lastbilarnir vóru sýndir fram fyrstu ferð Instrumentborðið er heilt nýtt og sera arbeiðsligt fyri bilføraran Volvo FH 12 við heilt nýggjum designi. FH røðin fæst við fýra ymiskum førarahúsum Volvo FM 12, ið fyrstu ferð kom á marknaðin í 1998, kemur næsta ár við heilt nýggjum designi 15 14 Nr. 226 - 22. november 2001 FÓLKATINGSVAL Magnus Dam, Keypmannahavn Lagið var gott á ferjuni Sjælland týskvøldið, har Vinstra hátíðarhelt søguliga valsigurin, sum gav flokk- inum 56 fólkatingsessir. Við rungandi fagnarrópum tóku tey fleiri hundrað vinstrafólkini móti for- manninum, tá hann trein á pallin at takka fyri stuðulin í valstríðnum. - Eg fegnist um álitið, sum er víst mær og Vinstra. Eitt álit, sum eg fari at gera mítt ítarsta at liva upp til. Eisini tey, sum hava tapt her í kvøld, skulu vita, at eg fari at verða forsætisráð- harri fyri øll, segði Anders Fogh Rasmussen við ovurfegnu viðhaldsfólkini, sum svaraðu aftur við at skjóta propparnar av sjampagnufløskunum. Flokkurin yvirhálaði Socialdemokratarnir fyri fyrstu ferð síðani 1920, og saman við hinum borgar- ligu flokkunum, Konserv- ativa, Kristiliga og Danska Fólkaflokkinum hevur nýggi forsætisráðharrin ein stóran meiriluta aftanfyri seg. Tá teir fýra føroysku og grønlendsku fólkatingslim- irnir ikki eru taldir við, hevur borgarligi vongurin 98 sessir og vinstravong- urin 77. Drotningin lat í gjár Anders Fogh Rasmussen upp í hendur at skipa nýggja stjórn, eftir at Poul Nyrup Rasmussen hevði boðað henni frá, at stjórnin leggur frá sær. Truplar tingingar Eingin veit, hvussu nýggja stjórnin í Danmark fer at síggja út. Anders Fogh fór í gjár undir tingingar við flokkarnar, fyrst og fremst teir konservativu, sum við vissu verða við í nýggju stjórnini. Tað er ikki sann- líkt, at Danski Fólkaflokk- urin við Piu Kjærsgaard sleppur upp í stjórnina, og somuleiðis er óvist, hvussu verður við Kristiliga Fólka- flokkinum. Tað mest sannlíka er, at Vinstra og Konservativu skipa minnilutastjórn, men Pia Kjærsgaard fer at krevja týðilig fingramerki á politikkin — fyrst og fremst útlendingapolitikkin — fyri at styðja stjórnini. Og nakað av ávirkan skal hon hava, um metast skal eftir góða úrslitinum hjá flokkinum. Flokkurin fekk eina framgongd uppá níggju fólkatingssessir og situr nú sum triðstørsti flokkur við 22 sessum í fólkatingssalinum. Anders Fogh skal ikki rokna við nógvum stuðuli frá vinstravonginum. Soc- ialdemokratarnir, Sosialist- iski Fólkaflokkurin og Eindarlistin fara at gera alt, teir eru mentir, at koppa stjórnini skjótast gjørligt. Ótrygg støða Tað er sostatt langt frá nøk- ur trygg politisk støða, sum Danmark er í eftir valið týsdagin. Anders Fogh Rasmussen hevur lovað nógv í valstríðnum, og velj- ararnir fara at krevja av honum, at hann heldur mongu lyftini. Útlendingapolitikkurin skal herðast, bíðirøðirnar til sjúkrahúsini skulu burtur, tey gomlu skulu hava betri heimarøkt og fleiri røktar- heimspláss, og barnafamilj- urnar skulu hava longt barsilsfarloyvi. Samstundis hevur Anders Fogh lovað, at skatturin ikki skal hækkast í hansara tíð sum forsætisráðharri. Lyftini eru stór og gylt, og vónirnar frá veljarunum upp aftur størri. Anders Fogh Rasmussen hevur vunnið fyrsta slagið, men tað fara at koma nógv onn- ur í tíðini, sum kemur. Danmark fór til høgru Danmark tók eitt risalop til høgru á Fólkatingsvalinum. Vinstra og Danski Fólkaflokkurin vunnu stórsigur. Men hjá Anders Fogh Rasmussen standa truplar stjórnarting- ingar fyri framman. Pia Kjærsgaard skal ikki hava ov stóra ávirkan, men hon verður ikki til at koma uttanum. C M Y K 14