fríggjadagur 23. november 2001síða 7

12 Nr. 227 - 23. november 2001 Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Tíðindaleiðari: Jústinus Eidesgaard justinus@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Anja Weihe anja@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Turið Kjølbro turid@sosialurin.fo Stefan í Skorini stefan@sosialurin.fo Heri á Rógvi heri@sosialurin.fo Ítróttur: Jákup Mørk jakup@sosialurin.fo Myndamenn: Jens Kristian Vang jensk@sosialurin.fo Álvur Haraldsen alvur@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1 700 Klaksvík tel. 458686 fax 458687 e-post: klaksvik@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Tjóðveldisflokkurin hevur tikið uppaftur sína støðu frá 1950’unum, har vit føroyingar einki kunna og einki eiga, uttan vit hava loyst. Nú brúka teir bara fínari orð og siga, at danir hava ikki viðurkent rættin til hetta og virða ikki føroyingar sum hatta. Í botn og grund trýr Tjóðveldisflokkurin ikki uppá, at vit føroyingar hava rættin til nakað sum helst undir heima- stýrislógini Serfrøðingaúttalilsir bíta ikki á hjá leiðsluni í Tjóðveldisflokkinum. Teir hava sínar egnu serfrøðingar, ið eru samdir í, at føroyngar einki eiga og einki kunna, uttan loysingin er framd - teir kalla tað bara "at verða viðurkendur sum tjóð". Leiðslan í Tjóðveldisflokkinum sigur, at danir ikki viðurkenna rætt føroyinga til oljuna, hóast tað júst eru ráevnini í undurgrundini, ið eru yvirtikin. Hava danir nakrantíð formelt viðurkent rætt føroyinga til fiskin? Nei tað hava teir neyvan, men tað nýtast teir heldur ikki, tí einki er at ivast í. Ivast Tjóðveldismenn? Danski løgmálaráðharrin segði ikki eitt orð um olju, í sínum úttalilsi, ið var nýtt í vallýsing hjá Tjóðveldisflokkinum. Hóast hetta, so verða orðini vend til at danir ikki viðurkenna rætt føroyinga til oljuna. Hetta er manipulatión, og átti løgmaður at tikið hetta upp. Vit síggja, at Tjóðveldisflokkurin ætlar sær at koyra uppá hetta til næsta løgtingsval. Tað má ikki henda, og tí eiga óseriøsu úttalilsini hjá varaløgmanni at verða tikin aftur beinanvegin. Skaðin er kanska longu hendur við at onkur vil vísa á, at Føroya varaløgmaður eftir øllum at døma ikki trýr uppá avtaluna frá 1992. Stuttligt er sum søgan endurtekur seg. Ikki nokk við at Tjóðveldisflokkurin er farin aftur í 50’ini, men so leypa teir harafturat so dyggiliga framav við oljuni. Tá vit skuldu fáa 200 fjórðinga markið í 70’unum, var sagt frá Tjóðveldismonnum, at føroyingar fóru at gerast so ríkir av hesum, at vit ikki nýttust at hugsa um fjarleiðir. Hevði Javnaðarflokkurin ikki hildið fast um fjarleiðirnar tá, so hevði verið svangligt í Føroyum í dag, um vit bert høvdu landgrunnin at dúva uppá. Nú koma somu argument frá Tjóðveldismonnum um oljuna, sum teir høvdu um landgrunnin í 70’unum. Søgan vísir okkum, at tað ikki loysir seg at leypa framav. DAGSINS MEINING Sosialurin Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Søgan endurtekur seg Atli Hansen valevni fyri Sambandsflokkin Aftaná valið eru komnar nógvar tulkingar, forklár- ingar og burturforkláringar av valúrslitinum, men nøkur úrslit eru so greið, at tað gongur an gera nakrar innlýsandi niðurstøður. Sambandsflokkurin gjørdist størsti flokkur til hetta valið og hevði størsta atkvøðutal til eitt føroyskt fólkatingsval nakrantíð. Og hann fekk ikki bara fyrst valda limin í Føroyum hesaferð, men eisini fyrstu føroysku kvinnu valda á fólkating nakrantíð og harvið ein dyggan stuðul til hennara sum formann. Sambandsflokkurin fekk meira enn dupult so nógvar listaatkvøður sum nakar annar flokkur. Hetta bendir nógv á, at tað er sam- bandshugsjónin, sum er grundarlagi og tað berandi, tá íð vit heita á fólk um stuðul. Vit bóðu veljarnar at- kvøða, sum um hetta var ein fólkaatkvøða um loys- ing ella ríkisfelagsskap og svarið var greitt. Ein meirluti var fyri ríkisfelags- skapinum og tá liggja helst nakrar ríkisfelagsskaps- atkvøður eftir í Fólkaflokk- inum, sum kundu verið taldar við til fyrimuns fyri ríkisfelagsskapin. Sambandsflokkurin fekk eitt framúr gott val, sum vit í fremstu røð eiga at takka fyri. Ein loyalitetur og eitt trúfesti frá okkara veljar- um, sum bert er at finna í Sambandsflokkinum. Tá íð á stendur vita sambands- fólk, hvar teirra pláss er. Hetta er kveikjandi at vita fyri okkum, sum skulu mynda flokkin og fáa boðskapin út til onnur. Okkara veljarar og okkara álitisfólk fylgja við í okkara arbeiði og eru til reiðar at hjálpa, tá íð biðið verður um tað. Og tað verður tað skjótt aftur. Løgtingsvalið er í hond og vit kunnu vera púra vís í stórum ágangi frá øðrum flokkum eins og t.d. Javnaðarflokkurin royndi seg til hetta valið. Men teir mistóku seg. Teir tóku ikki hædd fyri, at tað vóru støðuføst sam- bandsfólk, sum teir vóru farnir í holt við. Men teir vórðu riknir á dyr. Hevði teirra poltiski snevil verið eitt sindur betri, vóru teir farnir inn um onkur onnur mørk at fiska og sigurin fyri ríkisfelagsskapinum kundi verið fullkomin. Fólkaflokkurin bað fólk- ið um at vísa løgmanni sítt álit og við hesum hjálpa einum fólkafloksumboði á fólkating. Kortanei, segði fólki, og gav flokkinum størstu afturgongd av øllum. Nú er parlamentar- isma ikki eitt mál millum ein poltikara - her løgmann - og fólkið, men millum løgmann og parlamentið (løgtingið) og tað kann løgmaður vera glaður fyri. Annars var hann dumpaður í tinginum eisini. Flokkurin bað um álitisváttan. Fólkið segði nei. Annars er tað væl eisini eitt annað slag av misálitisváttan, at ein løg- maður bara gerst nr. tvey í sínum flokki. Og so hurlivasin í tí minsta flokkinum, hvørs luttakaratal er í fríum falli. Ein syrgilig sjón. Hann fær ilt við at fóta sær aftur. Eg fari við hesum at takka øllum sum stóðu so væl saman um Sambands- flokkin hesaferð og heita á tykkum um at halda damp- inum uppi til løgtingsvalið. Tá verður ikki minni brúk fyri tykkara hjálp til at føra eina góða sambandsloysn út í lívi. Men eg havi eitt hjarta- suff, sum hevur nakað við tað praktiska arbeiði í flokkinum at gera. Tá íð á stendur sum t.d. upp til eitt val kundu vit brúkt nógvar hendur afturat. Vit hava ein fastan skara, sum er fúsur hvørja ferð, men tað hevði ofta verið so nógv lættari, hugaligari og stuttligari, um fleiri herðar vóru til at bera hesar byrðarnar. Tí fari eg at heita á tykkum, sum halda tykkum hava hug og yvirskot til at gera okkurt fyri flokkin, at geva tykkum til kennar. Komið á fund til dømis og prátið við okkum ella setið tykkum í samband við lokalfeløgini fyri at fáa nærri at vita. Eg vænti, at fleiri sambandsfundir fara at vera runt landi í næstum og har eru øll sambands- hugaði so hjartaliga væl- komin. Øll eru vælkomin at ringja til høvuðsskrivstov- una hjá Sambandsflokk- inum, tlf. 31 88 70 fyri at fáa at vita, hvar íð nærm- asta lokalfelag er. Øll eru eisini vælkomin ar ringja til undirritað 44 21 44. Haldi tykkum bara ikki aftur, tí tað eru nokk av uppgávum til allar tær hendur, sum vilja gera okkurt fyri Sambandsflokkin. Eg takki enn einaferð so hjartaliga fyri góða undir- tøku - bæðið til Sam- bandsflokkin og til mín persónliga. Drívið framvegis á. VIÐMERKINGAR Sigur fyri Sambandsflokkin og ríkisfelagsskapin Frá fríggjadegi 23. november til hósdagin 29. november Møti í Malta Agent 007 i ilden A Fish called Wanda Sjónvarpið fer nú undir eina sendirøð í 9 pørtum um myndlistina í Føroyum Myndlist í Føroyum Okkara matstovur – Rio Bravo Harem 2001 Sunnudagin kl. 16.00 Hóskvøldið kl. 20.00 Mikukvøldið kl. 19.00 Mánakvøldið kl. 20.40 Sunnukvøldið kl. 20.00 Týskvøldið kl. 21.00 C M Y K 13 12 har tað hendur nakað