hósdagur 15. oktober 2009síða 14

14 Nr. 197 - 15. oktober 2009 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Kunngjørt verður fyri ætt og vinum at Turið Dahl ættað úr Havn búsitandi í Ballerup andaðist á Herlev sjúkrahúsi mánadagin 12. oktober, 61 ára gomul. Jarðarferðin verður úr Skovvejskirken, Digterparken 1, Ballerup leygardagin 17. oktober klokkan 14.30. Familjunnar vegna Hanne, Niels, Sverri, Tóra, Monika og Emma Anna Midjord Vági ættað av Økrum andaðist á Landssjúkrahúsinum mánamorgunin, 63 ára gomul. Kistan fer úr landssjúkrahúskapellinum fríggjakvøldið kl. 17 umborð á »Smyril«. Jarðarferðin verður úr Betel í Vági leygardagin kl. 13.00. Tey, ið ynskja at minnast Annu, kunnu lata Traktatgrunninum eina gávu, konto í peningastovnunum Dagurin 15. oktober. Heiðveig, deyð ár 1243. Hon var greivadóttir úr Bayern og giftist hertuganum Heinriki fyrtsa í Slesiu. Hon bygdi fleiri sjúkra hús og kleystur. Gav seg í nunnukleystur, har hon doyði. Hon varð skírd halgikvinna í 1267. Heiðveig er føroyska navnið fyri Hedvig. Navnið er upprunaliga týskt, samansett av tveimum orðum, sum merkja stríð og víggj. (Axel Tórgarð: Dagar og nøvn í álmanakkanum, 2. broytta útgáva 2008) Ikki vardi tað okkum, tá vit sóu fløggini veitra í hálvari stong hend­ an vakra sunnumorgunin tann 30. august, at boð høvdu verið eftir Jónhild kvøldið fyri. Bygdarfólkið hevði júst hildið summardag og heilsað heystinum vælkomið við øllum tí, ið tað hevur at bjóða. Men rætt var, fløggini veitraðu fyri okk­ aru góðu vinkonu, Jónhild, sum alt ov ung fekk álvarsama sjúku. Tolin sum hon var, bar hon sjúkuna og misti ikki mótið, men tók hvønn dagin, sum hann lagaði seg. Men sjúkan gjørdi nógv um seg og eftir stutta sjúkratíð, vórðu hennara dag­ ar á foldum taldir. Jónhild hevur verið ein av okkum nýggju í bindiklubbanum í nógv ár. Vit minnast aftur á hugnaligar løtur, har tosað varð bæði um gama og álvara, og har vit skemtaðu og flentu í ovfarakæti eftir onkrum, sum vit kanska sjálvar høvdu gjørt ella upplivað. Vit minnast tær hugna ligu løtur í hennara heimi uppi á Steig, har vit merktu, hvussu væl Jónhild dámdi at hava bindi­ klubba og varta okkum upp. Vit minnast jólabindiklubbarnar, sum nakað serligt, tá vit sum børn, við stjørnum í eygunum, royndu at finna út av, hvør hevði mandluna. Jónhild var still og frintlig og altíð við tí góða orðinum; talaði ongantíð ilt um nakran. Vit merktu, hvussu góð hon var við síni; mann­ in, børnini, ommubørnini, versonin og systrarnar Hon fylgdi væl við, tá Annfinnur og dreingirnir vóru til skips, hvar teir vóru og hvussu nógv teir fiskaðu. Dótturina, Kristi­ annu var hon sera góð við og stolt av. Vit merktu eisini, at Kristianna hevði umsorgan fyri mammu síni. Jónhild tosaði nógv um ommu­ børnini, og henni dámdi væl at hava tey rundan um seg. Tá vit vóru uppi hjá Jónhild, var tað ofta at hon, við einum blíðum eygnabrái, segði, tá vit fingu onkra sjálvtsama góða køku, at Kristianna hevur bak að. Veðrið var av tí fagrasta, ikki ein ond rørdist, hendan dagin, Jónhild varð løgd til hvíldar her á foldum. Soleiðis, sum hesin dagurin var, soleiðis var Jónhild eisini sjálv, still, mild og góð. Tað kennist tómligt, nú hennara stólur stendur tómur. Fyrstu ferð vit møttust aftur aftan á at Jónhild var farin, hildu vit eina stilla løtu til minnis um okkara góðu vin­ konu. Hvíl í friði góða Jónhild. Bindiklubburin Minningarorð um Jónhild Petersen í Sandavági Gullbrúdleyp Sunnudagin 1. nov. hava Kristina og Hans Andrias Jacobsen, gullbrúdleyp. Dagurin verður hildin 7. nov. í Bøgøtu 3, Klaksvík. Vælkomst verður frá kl. 19. Tey, ið ynskja at heilsa uppá Kristinu og Hans Andrias, kunnu siga frá á tel. 456737 ella 458625. Silvurbrúdleyp Leygardagin 17. okt. kunnu hjúnini Aud og Siggvard, Joensen, halda silvurbrúdleyp. Vælkomst verður í heiminum: Lauritsargøta 7, Tórshavn, frá kl. 17. 90 ára føðingardagur Sunnudagin 18. okt. fyllir Poul Jacobsen, Svínoy, 90 ár. Dag­ urin verður hildin úti í Svínoy leygardagin 17. okt. kl. 19. 80 ára føðingardagur 15. okt. fyllur Malla Jacobsen, Norðragøta, 80 ár. Dagurin verður hildin saman við familiuni. 80 ára føðingardagur Týsdagin 20. okt. verður Hildigarð Høghamar, Eiði, 80 ár. Føðingardagurin verður hildin leygardagin 24. okt. á Hotel Eiði Frá kl. 18. Tey, ið vilja heilsa uppá Hildigarð verða biðin at siga frá á tlf. 423045 (Hildigarð), 283541 (Annsy), 229727 (Nomi) áðrenn 17. okt. Kunngjørt verður fyri ætt vinum og kenningum, at elskaði maður, pápi, verpápi, abbi og langabbi okkara Hans Sørensen ættaður úr Trongisvági búsitandi í Tórshavn andaðist í heiminum týsdagin, 82 ára gamal. Bønarhald verður í Landssjúkrahúskapellinum fríggjadagin kl. 19.00. Jarðarferðin verður úr Havnar kirkju leygardagin kl. 13.00. Familjunnar vegna Kamilla, Tummas, Sigrid, Sofía, Maja og Sonja Tey, ið ynskja at minnast Hans, kunnu lata Hjartafelagnum eina gávu, konta í peningastovnunum. Tøkk Hjartans tøkk fyri sýnda samkenslu tá góði maður, pápi, 'verpápi og abbi okkara Eli Danielsen Tórshavn andaðist og varð jarðaður. Takk, Heri Joensen, prestur, fyri troystarík orð. Vit takka sangarum berarum, kirkjutænarum og gravarum. Takk, tit starvsfólk á B8, fyri tykkara hjálpsemi. Takk fyri kransar, blómur og gávur til Hjartafelagið. Takk øll, ið fylgdu honum til hansara seinasta hvíldarstað. Familjunnar vegna Katrin Páll og Súni