mikudagur 21. oktober 2009síða 2

2 tíðindi Nr. 201 - 21. oktober 2009 Umval eingin loysn Eitt valumfar afturat kann loysa ta aktuellu politisku kreppuna í Afghanistan, men umvalið loysir ikki trupulleikarnar við teirri sera umfatandi korrupsjónini í landinum. Tað sigur amerikanski verjumálaráðharrin, Robert Gates. Hann leggur ikki fingrarnar ímillum og sigur, at korrupsjónin er allastaðni í teirri almennu umsitingini, eisini á stjórnarstigi. Robert Gates, sum er á vitjan í Japan, segði á tíðindafundi í Tokyo, at korrupsjón og vánalig embætisførsla eru trupulleikar, sum mugu loysast. Einki skjøldur uttan fyri NATO Amerikanska stjórnin hevur ongar ætlanir um at seta upp rakettverkuskipanir í londum, sum ikki eru limir í verjusamgonguni NATO. Tað sigur amerikanski varaverjumálaráðharrin, Alexander Vershbow. Ráðharrin, sum er á vitjan í Georgia, segði á tíðindafundi í gjár, at USA tingast nú við hini NATO-londini um, hvat skal gerast, nú ætlanin um ein rakettverjuskjøldur í Evropa er løgd í skuffuna. Alexander Vershbow legði dent á, at USA tisar ikki við lond uttan fyri NATO um tann spurningin, og hann vissaði um, at USA hevur ongar ætlanir um at fáa sær herstøð í Georgia. Felagið handan Pipar & Salt, sum Sjúrður Skaale og Jákup Veyhe eiga, stendur á so djúpum sjógvi fíggjarliga, at tað ikki longur grynnur. Eitt miseydnað parta­ brævaævintýr er orsøkin RoknskapuR Rógvi Nybo rogvi@sosialurin.fo SP/F Pipar & Salt, sum er felagið hjá Sjúrði Skaale og Jákupi Veyhe, fer helst í søguna skjótt. Orsøkin er, at felagið er komið út í fíggjarligt óføri, og at eginpeningurin er bliv in negativur. Tað gongur fram í sein- asta roknskapinum hjá SP/F Pipar & Salt, sum vísir eitt negativt ársúrslit upp á 897.290 í rakstrarúrslitinum fyri tíðarskeiðið 01.02.2008 til 31.01.2009. Hetta er tann beiski veru- leiki, sum menninir handan allar Pipar & Salt fram- førslur, sendingar og annað, sum hava undirhildið før- oy ingum í óteljandi tímar, mugu fyrihalda seg til í dag. Orsøkin til hetta er hvørki, at teir ongar pengar fingu fyri at framføra á festi valinum Við Múrin, ella at teir hava oyðsla peng arnar burtur í einum marg lætisrúsi, men heldur eitt heilkiksað ævintýr inn í partabrævaheimin. Mist alt upp á partabrøv Sjúrður Skaale greiðir frá, at orsøkin til ovurstóra hall- ið er, at teir hava mist allan peningin upp á íløgur í parta brøv. - At gera sendingar og at hava Pipar & Salt hevur í veruleikanum bara einaferð veruliga givið yvirskot, og tað var í 2005. Annars er tað fíggjarliga tungt at fram leiða sjónvarp og at skipa fyri undirhaldi, greið- ir Sjúrður Skaale frá. Tað er hetta yvirskotið í tíðarskeiðinum 2004/2005 og 2005/2006, sum til sam- ans er umleið ein millión, sum teir hava brúkt til at seta í partabrøv. Fylgdu ráðgeving frá Eik Tá Sjúrður Skaale og Jákup Veyhe settu pening í parta- brøv, var tað eftir ráðgeving frá Eik Banka. - Tað var tá alt gekk væl í 2007, sum jú nokk var tíðin, tá man kanska ikki eigur at seta pening í partabrøv. Vit áttu eina eginogn í Eik, og vit læntu upp á eginognina og settu alt í partabrøv, eis- ini eginognina. Tað var Eik, sum stóð fyri ráðgevingini, men sjálvandi er ábyrgdin okkara, sigur Sjúrður Skaale. Í roknskapinum hjá SP/F Pipar & Salt sæst, at virðis- brøvini við endan á rokn- skaparárinum 2007/2008, tann 31.01.08 høvdu eitt virði á góðar 1,5 millión krón ur. Eftir hetta er fíggj- arkreppan komin, og so at siga øll partabrøv eru fallin í virði. Tann 31.01.09 høvdu virðisbrøvini hjá SP/F Pipar & Salt einans virði á 697.242 krónur, sum merk- ir at teir hava mist góðar 830.000 krónur upp á eitt ár. Samstundis stendur fe - lagið eftir við einari banka- skuld upp á 1.057.509 krón ur, umframt aðra skuld, sum ger, at felagið stendur við einari samlaðari skuld upp á 1.283.234 krónur. Fyri felagið merkir hetta, at tann samlaða eginognin hjá felagnum, sum tann 31.01.2008 var 311.000 krónur, tann 31.01.2009 er minus 585.992 krónur. Tó kann viðmerkjast, at partabrøvini eru hækkaði nakað síðan hetta, tó ikki nóg nógv til, at felagið kem ur undan negativu egin- ognini. Felagið fellur Framtíðin hjá felagnum er sostatt sera ivasom. Lítið sannlíkt er at felagið fer at hóra undan. Tað er ikki uttan so, at tey partabrøv, sum felagið eigur í, brádliga vaksa líka nógv í virði, sum tey eru fallin, og sum út - litini eru í løtuni, er tað ósannlíkt. Sjúrður Skaale fegnast tó um, at felagið ikki skyldar nøkrum nakað. - Eik hevur veðrætt í øll- um partabrøvunum, og teir stóðu fyri ráðgevingini. Men sjálvandi er ábyrgdin okkara. Tað eru tveir partar, sum hava gjørt ein handil, Eik og Pipar & Salt, og eing in annar enn hesir hev- ur mist pening. Bæði eg og Jákup fegnast um, at eingin annar er raktur av okkara óhappi, sigur Sjúrður Skaale. Menninir standa tó Menninir handan Pipar & Salt, Jákup Veyhe og Sjúrð- ur Skaale, fara tó ikki í søguna við felagnum. Tískil skuldi møguleiki kunna verið fyri, at teir aftur tríva í eitthvørt skemtiligt, um áhugin var fyri tí. Tó er greitt, at tað neyvan verður við hesum smáparta- felagnum aftanfyri seg. Pipar & Salt á húsagang Tað verða ongar stórar sigarir og hvítir klædningar til Jákup Veyhe og Sjúrð Skaale úr felagnum SP/F Pipar & Salt. Eitt stórt lán í partabrøv, sum síðan fullu í virði, hevur ført felagið út av fíggjarligu eggini (Savnsmynd)