mikudagur 21. oktober 2009síða 20

ÍTRÓTTARBLAÐIÐ Sosialurin 21. oktober 2009 Tey fæstu mundu so frægt sum minnast navnið, fyrr enn í gjárkvøldið. Men við útisigri á verjandi meistarunum langaði russiska Rubin Kazan sítt navn í europisku fótbóltssøgubøkurnar Eingin ivi er um, hvør stóra sensa­ tiónin var í Champions League í gjárkvøldið. Barcelona eru verjandi meistarar, og í sponsku liguni eru meistararnir byrjaðir í somu øði, sum teir gjørdu tað í fjør. Men í gjár komu teir so syngjandi niður á jørðina. Dysturin var bara góðan minutt gamal, tá Ryazantzev langaði eitt dundurskot í spanska málið, og hóast Barcelona hevði yvirvág, so gekk striltið at sleppa framat russiska málinum. Tað tóktist tó ganga rætta vegin, tá Zlatan Ibrahimovic skoraði beint eftir steðgin, men heldur ikki hetta var nóg mikið. Eitt stórt korter fyri leiklok skapti Gokdeniz sensatiónina, og so munnu tey flestu kennast við Rubin Kazan. Full ferð á Rubin Kazan er søgan um eitt lítið felag, sum brádliga er byrjað at spæla millum tey stóru. Fram til 1997 livdi felagið eina tilverju millum tey trið­ og fjórð bestu í Russlandi. Og tað eru bara seks ár síðani, at liðið fyri fyrstu ferð spældi í bestu russisku deildini, og við einum bronsumerki staðfestu teir alt fyri eitt, at teir ikki ætlaðu sær einki. Næsta árið gekst einki serligt, men síðani tá hevur Rubin Kazan støðugt verið partur av odda stríð­ num, og í fjør gav hetta úrslit, tá teir vunnu sítt fyrsta russiska meistara­ heiti. Eitt bragd, sum ikki verður minni, tá hugsað verður um, at talan bert er um triðja meistaran, sum ikki er úr Moskva. Í Europa hevur tó gingið minni væl. Í 2004 varð ligið varð liðið sligið út longu í næsta undan kapp ingar um­ farinum. Í 2006 komu teir eitt umfar longur, og í Intertoto í 2007 komu teir ikki víðari úr bólka spælinum. Sum russiskir meistarar komu teir tó beinleiðis í bólkaspælið í Champ­ ions League, og her hevur so sanni­ liga bragdað. Fyrsta dystin taptu teir á útivølli móti Dynamo Kiev, men síðani hevur talan verið um heiður­ ligan javnleik móti Inter fyri síðani at skapa sensatiónina í gjár. Trýstið á Benitez økist Fyri fyrstu ferð í 22 ár hevur Liverpool tapt fýra dystir á rað, og tað fellur ikki í góða jørð á Anfield Pallurin og trýstið verða neyvan størri enn tað sama. Rafael Benitez hevur sum venjari havt góð úrslit í Liver­ pool, men við fýra tapum á rað merkir hann nú av álvara trýstið frá bæði áskoðarum og eigar um. Enntá nøkrum eigarum, sum ikki alla tíðina hava bakkað eins treytaleyst upp um væl lýdda venjaran. Sunnudagin klokkan 14 líkist tað einum do­or­die hjá Beni tez, tá Liverpool á heimavølli tekur ímóti arvafíggindunum og meistarunum úr Manchester United. Í gjár var tó lítið, sum bendi á, at Liverpool skuldi tapa dystin. Hóast fráveru av Torres, og ein um Gerrard, sum noyddist skaddur út eftir bert 25 minutt um, so sat Liverpool tungt á tí mesta fyri steðgin, og tað var fult uppiborið, at Benayoun skoraði til 1­0, hóast málið sá heldur tilvildarligt út. Eftir steðgin fall korthúsið tó saman. Gonalons javnaði fyri gestirnar, og í yvirtíðini avgjørdi innskifti Delgado dystin eftir kontraálop. Atfinningarnar hava verið harðar í ensku miðlunum. Ser­ liga viðvíkjandi avgerðini at brúka Steven Gerrard. Men Benitez lurtar ikki eftir hesum. ­ Gerrard vildi spæla, og hann hevði vant við fullari ferð. So vit hildu hann vera til reiðar. At hann so verður skaddur, er svartasta óhapp. Tey fýra tapini 29.09 Fiorentina­Liverpool 2­0 04.10 Chelsea­Liverpool 2­0 17.10 Sunderland­Liverpool 1­0 20.10 Liverpool­Lyon 1­2 mørk jakup@sosialurin.fo Jákup Mørk Rubin hvat Fagnaðurin var øgiligur, tá Henry og hinar stjørnurnar á heimavølli máttu leggja rygg til sensationelt tap móti Rubin Kazan Úrslitini í gjár Bólkur E Debrecen­Fiorentina 3­4 Liverpool­Lyon 1­2 Bólkur F Barcelona­Rubin Kazan 1­2 Inter­Dynamo Kiev 2­2 Bólkur G Rangers­Unirea Urziceni 1­4 Stuttgart­Sevilla 1­3 Bólkur H Alkmaar­Arsenal 1­1 Olympiakos­Standard Liege 2­1 Dystir í kvøld Bólkur A Bordeaux­Bayern München Juventus­Maccabi Haifa Bólkur B CSKA Moskva­Manchester United (TV2 Sport) Wolfsburg­Besiktas Bólkur C Zürich­Marseille Real Madrid­AC Milan (3+) Bólkur D Chelsea­Atlético Madrid (TV2 Sport) Porto­Apoel Nicosia FAKTA