fríggjadagur 6. november 2009síða 10

10 tíðindi Nr. 213 - 6. november 2009 Ikki bara leiðsla og íleggjarar hjá íslendsku trygging­ arfyritøkuni, Vörðu, eru feginum, at Før­ oya Banki hevur keypt mirilutan av partabrøvunum í fyritøkuni. Ein meiningakaning vísir, at meinigi íslendingurin tekur ímóti føroyingum við opnum ørmum TRYGGING Leo Poulsen leo@sosialurin.fo Altjóða fíggjarkreppan, sum hevur herjað seinasta stíva árið, hevur sum kunnugt rakt íslendska búskapin serliga meint. Eingin er í iva um kreppuna, sum íslending­ ar ganga ígjøgnum í løtuni, og tí leita íslendskar fyri­ tøkur við ljós og lykt eftir fremmandum íleggjarum. Føroya Banki hevur sæð ein møguleika í Íslandi, og hevur gjørt eina íløgu í íslendskt tryggingarfelag, har teir hava keypr 51% av partabrøvunum og harvið meirilutan í fyritøkuni. Stjóri í Vörðu er Guð­ mundur Jóhan Jónsson, og hann heldur ikki, at tað hevur verið so trupult at rikið eitt tryggingarfelag í Íslandi seinasta árið, hóast stóru fíggjarkreppuna. ­ Okkara royndir hava víst, at tað er lættari at reka eitt trygginagrfelag tá tíð­ irnar eru ringar, enn tá alt er á einum aldutoppi. Í niðurgangstíðum vísir tað seg, at vit hava færri bil­ skaðar og færri skaðar inn­ an byggivinnuna, sigur Guð­ mundur Jóhan Jónsson. Hetta merkir so, at tað eru færri tryggingarkrøv sum so aftur merkir, at úrslitið á niðastu linju er betri enn í góðum tíðum. ­ Eg sigi ikki, at tað er ynskiligt við ringum tíðum, men úrslitið vísir, at hesar tíðirnar hava verið betri fyri okkum, sigur Guðmundur Jóhan Jónsson. Vörði hevur serliga lagt seg eftir at tekna privatar tryggingar, og helmingurin av tryggingunum stava frá biltrygging. ­ Tað er rætt. Megnparturin eru húsarhalds tryggingar og privatar tryggingar annars, sigur Guðmundur Jóhan Jónsson. Føroyingar vælkomnir Tað er ikki bara leiðsla og íleggjarar, sum fegnast um nýggjan kapitalsterkan partnara í Vörði. ­ Íslendingar sum heild hava tikið stak væl ímóti føroyingunum. Øll vit starvsfólk, sum eru góð 50 í tali, vóru sera fegin um tíðindini, og tað er eisini gjørd ein meiningakanning millum vanliga íslendingin, har eini 800 vóru spurd. 70% av teimum søgdu seg vera sera væl nøgd við at Førya Banki keypti seg inn í Vörðu, meðan 28% onga meining høvdu um tað, sigur Guðmundur Jóhan Jónsson. Tað merkir við øðrum orðum, at bert 2% av teimum spurdu ynsktu ikki, at føroyingar blanda seg í íslendskt vinnulív. Guðmundur Jóhan Jón­ son heldur, at yvirtøkan hjá Føroya Banka av Vörði hevur latið upp nýggjar møguleikar fyri tryggingar­ felagið. ­ Ja, tað hjaldi eg, serliga tí yvirtøkan er so væl móttikin í Íslandi. Vit hava upplivað seinastu vikurnar, at fólk eru komin til okkara og vilja tekna tryggingar hjá okkum, og tá vit spyrja hví er svarið: Føroyingar eiga tykkum, sigur Guð­ mundur Jóhan Jónsson. Hann roknar við, at Vörði kann byggja á bylgjuna av vælvild, sum íslendingar kenna mótvegis føroyingum, og metir tað sera positivt, at Føroya Banki hevur gjørt íløgur í felagið. Framtíðin ljós Viðurskiftini hava gjøgnum allar tíðir verið sera góð millum føroyingar og íslendingar, og tey eru ikki vorðin minni góð eftir kreppuna, sum tók seg upp í oktober í fjør. Við Føroya Banka í rygginum, hvussu sær stjórin í Vörði so framtíðina. ­ Eg haldi at framtíðin sær ógvuliga ljós út hjá okkum. Men einki kemur av sær sjálvum, so vit mugu arbeiða hart fyri tí, sigur Guðmundur Jóhan Jónsson. Men hann ivast ikki í, at teir fara at merkja fram­ gongd. ­ Hetta er nakað positivt, sum er hent okkum, og vit fara at syrgja fyri, at úrslitið verður hareftir, sigur Guðmundur Jóhan Jónsson, stjóri í tryggingarfelagnum Vörði í Íslandi. Føroya Banki vælkomin til Íslands Guðmundur Jóhan Jónsson er eins og íslendingar sum heild fegin um, at Føroya Banki hevur gjørt íløgur í trygginagrfelagið Vörði Mynd: Jens Kristian Vang USA skakað av hópdrápi Ein heryvirmaður myrdi í gjárkvøldið 12 fólk á einari herstøð í amerikanska statinum Texas og særdi 31 onnur. Amerikanska herleiðslan sigur, at drápsmaðurin, Nidal Malik Hasan, arbeiddi sum sálarfrøðingur hjá herinum. Hann hevði fingið boð um, at hann skuldi til Irak at gera hertænastu, men tað vildi hann ikki. Í gjárkvøldið var Nidal Malik Hasan við í einari venjing á herstøð­ ini Fort Hood, men alt í einum fór hann at skjóta eftir sínum feløg­ um. Tá avtornaði, vóru 12 fólk deyð og 31 særd. Tey fyrstu tíðind­ ini søgdu, at gerningsmaðurin var deyður, men seinni bleiv fráboð­ að, at hann var á lívi og er á einum sjúkrahúsi. Nidal Malik Hasan hevur jordanskar røtur, men er uppvaksin í USA. Brúka nógv til mentanina Í ritinum Key Data of Education in Europe 2009, sum júst er útkomið, sæst millum annað, at Danmark og Ísland eru tey londini í Evropa, sum brúka mest pengar til mentamál. Sagt verður, at í 2006 brúktu meiri enn helmingurin av teimum 31 londunum meiri enn fimm prosent av síni bruttotjóðar­ framleiðslu til mentamál. Men Danmark og Ísland vóru langt omanfyri við ávikavist 8,0 og 7,6 prosentum. Í ritin­ umn sæst eisini, at altsamt fleiri evropeisk børn ganga í barnagarði, og at í fleiri londum eru meiri enn 90 prosent av teimum fýra ára gomlu børnunum í barnagarði.