fríggjadagur 30. november 2001síða 16

Nr. 232 - 30. november 2001 31 Eftir fleiri góð úrslit á rað kom Tjaldur niður á jørðina, tá teir fingu rættiligan bank frá Neistanum HONDBÓLTUR – MENN Jákup Mørk Seianstu vikurnar hevur Tjaldur givið fleiri ábend- ingar á, at leikluturin sum botnlið ikki er so øgiliga aktuellur í Runavíkini long- ur. Tríggir dystir á rað uttan tap hava ikki bert lyft liðið av botnsessinum, men so sanniliga eisini givið vónir um, at liðið framyvir kann fara at gera ein vørr í stríðnum um heiðursmerk- ir. Hetta sást eisini aftur í høllini í Runavík, tá Neistin kom á vitjan mikukvøldið. Tjokkandi fult av fólki var komið at hyggja, men sum úrslitið sigur, so fóru tey flestu av hesum vonsvikin aftur til hús. Týðandi jugoslavi Fyrstu løtuna av dystinum var tað tó einki, sum bendi á, at Tjaldur skuldi gerast offur fyri einari styrkisupp- vísing frá Neistanum. Tvørtur ímóti vóru teir á heimaliðnum við yvirlutan, tó at tað gekk sera javnt á. Ikki minst hevði Neistin alstórar trupulleikar av skotsterka Dragisa Stojo- vic, og um miðjan hálvleik- in hevði neistavenjarin sæð nóg mikið, og gav tí monn- um sínum boð um at taka jugoslavan úr spælinum. Hetta gjørdi alt fyri eitt mun. Tjaldursspælið steðg- aði at kalla upp, og at fleiri bóltar vorðu tveittir burtur, skapti sjálvandi møguleika fyri nøkrum løttum málum til gestirnar. Neistin vann sær soleiðis eina hampuliga trygga leiðslu undan steðginum, og í seinna hálvleiki tóktust teir eina mest at hugsa um at fasthalda hesa. Skrædnaði Munurin øktist heldur ikki nakað serligt fyrstu løtuna av seinna hálvleiki, men eftir kundu tjaldursmennin- ir akkurát tað sama vera farnir undir brúsuna. Tað hevur áður víst seg, at venjingarstøðan er størsti meinbogin hjá liðnum, og hóast hon er batna, so er hon enn ikki hædd við bestu liðini í landinum. Alt skrædnaði, tá Tjaldur í eina góða løtu spældi 4 móti 6 (og nøkur sekund 3 móti 6). Neistin fekk tá trý mál á rað, og so góvust teir á heimaliðnum bara at spæla. Sum so høvdu teir tá heldur ongan møguleika at venda dystinum, men sjálv- ir kunnu teir neyvan vera nøgdir um, at teir soleiðis fóru niður við flagginum. Endin var, at Neistin gjørdi 12 mál seinastu 12 minutt- irnar, og tí gjørdist støðan á máltalvuni alt annað enn góð hjá heimaliðnum. Hugburðsbroyting Hóast stórtapið, so merkir hetta ikki, at Tjaldur einki sum helst kann gera við lið- ini, sum eru omanfyri Runavíkina á stigatalvuni. Í løtum prógvaðu teir tvørtur ímóti, at hondbólts- evnini á liðnum eru góð, og í øðrum dystum hava teir eisini borið prógv um tað sama. Tað, sum nú tykist resta, er neyðuga treystið til at stríðast. Eisini tá rákið gongur ímóti, men hetta er helst nakað, sum fer at taka tíð. Tá leikarar so leingi hava verið partur av einum botnliði, kann ein hug- burðsbroyting gerast trup- ul, men tað er lítið at ivast í, at hon fer at koma. Spurn- ingurin er bara nær. Mansverjan sum trumfur Hjá Neistanum gjørdist dysturin at enda bert ein venjing í skjótálopum, men hóast greiða sigurin, so eru ivaleyst fleiri lutir, sum venjarin fegin vil arbeiða meira við. Her tykist tann týdning- armesti helst at vera, at fáa verjuna at rigga nóg væl. Sum er, hevur tað nærum í hvørjum dysti verið neyð- ugt hjá liðnum at fara út í mansverju, og hóast hendan hevur givið úrslit mest sum hvørja ferð, so er spurning- urin helst, hvussu leingi hetta fer at halda. At tað ofta gerst minni undirhaldandi hjá áskoðar- unum við mansverju, man venjarin ikki leggja so nógv í, alla ta tíð at stigini koma inn á kontina, men hetta skuldi helst verið ein trumfur at spælt út, tá avgerandi dystirnir í enda- spælinum standa fyri framman, og ikki nakað, sum mótstøðuliðini longu nú kunnu fara at fyrireika seg til. Dysturin í tølum Tjaldur-Neistin 24-41 (12- 19) Málskjúttar Tjaldur: Dragisa Stojovic 7, Zoran Sarcevic 5, Hart- vig Joensen 5(2), Mortan Hansen 4(2), Sverri Justin- ussen 2, Svein í Heiðunum 1 Neistin: John Petersen 10(1), Hans Áki Dal- Christiansen 7, Kári Mor- tensen 6, Jacob Jónsson 6, Elmar Ósá 6, Heini Joensen 5(1), Ragnar Stakksund 1 Brotskøst: Tjaldur 5, Neistin 2 Útvísingar: Tjaldur 5, Neistin 2 Dómarar úr Kyndli: Uni Wardum & Hannis Wardum Kvinnur: Simona Dziugyte Stjørnan 83 (24) Gabriella Fekete VB 81 (21) Asta Petrauskine Sóljan 73 (9) Lotte Sørensen Kyndil 63 (23) Ioana Rápa VÍF52 (14) Katrin á Neystabø Neistin 44 (21) Birita Wardum Neistin 39 (3) Ileana Manulescu StÍF39 (4) Jacklin Durhuus VÍF38 (2) Annika Ljósstein Kyndil 38 (9) Anna K. Samson Stjørnan 37 Nicoleta Radu VÍF35 Sóleyð Mikkelsen VÍF35 (4) Regina Radó VB 35 (6) Hertha Simonsen Sóljan 31 (1) Menn: Costin Dumitrescu StÍF62 (18) Jacob Jónsson Neistin 58 (6) Finnur Hansson H7158 (16) Høgni Klein Kyndil 54 (2) Heini Joensen Neistin 53 (17) Halgir Dahl Olesen H7152 (9) Bjarni Wardum H7151 (12) Sámal Joensen VÍF50 (8) Ingi Olsen VÍF47 (6) Dragisa Stojovic Tjaldur 44 Hans Áki Dal-Christiansen Neistin 42 (6) Mortan Hansen Tjaldur 40 (4) Jónleif Sólsker Kyndil 40 (15) Kári Mortensen Neistin 39 Dorica Tomic KÍF 37 (7) Tjaldur-Neistin 24-41 (12-19): Tjaldur fekk frammaná Mortan Hansen og teir úr Tjaldri gjørdu at enda ikki annað enn at hyggja at, meðan Jacob Jónsson og hinir neistamenninir veruliga settu ferð á málskjótingina Mynd:Álvur Haraldsen Máltindarnir Hóskvøldið hevði Simona Dziugyte møguleika at leggja størri fjarstøðu niður til kappingarneytarnar á máltindinum 31 30 Nr. 232 - 30. november 2001 Kvinnurnar úr Vest- manna vunnu ein tryggan sigur á strandingum, uttan at meistararnir nakran tíð høvdu fyri neyðini at spíla seg út HONDBÓTLTUR – KVINNUR Jákup Mørk VÍF var risa favorittur, tá tær mikukvøldið vitjaðu inni á Skála. Meistararnir úr Vestmanna hava ikki roynt at tapt síðani aprí mánað í fjør, og longu eftir fáum minuttum stóð eisini greitt, at tað ikki skuldi vera hesaferð, at nakar fór at koppa teimum. Ferðin fór niður VÍF legði nevnliga bragd- liga fyri, og tó at bæði Ioana Rápa og Nicoleta Radu byrjaðu á beinkinum, so varð full ferð sett á málskjótingina alt fyri eitt. Eftir sjey minuttum var støðan 6-1 til gestirnar, og so var alt líka sum avgjørt. Tá var Nicoleta so eisini komin á vøllin, men Ioana varð sitandi á beinkinum alla tíðina, og hetta sigur kanska ikki so lítið. Hesa løtuna sá veruliga út til, at tær gulu ætlaðu sær mest sum at gera av við StÍF, og sum so helt gongdin eisini fram restina av hesum hálvleikinum. Tað stóð tó greitt, tá liðini fóru til hálvleiks, at ferðin hjá VÍF var niðurgangandi, og hóast tær neyvan ætlaðu tað, so fór ferðin longur niður í seinna. Sigurin kom tó ongan tíð í vanda. Til tess var mun- urin millum liðini alt ov stórur, men tað er tó undrunarvert, at VÍF mest sum í hvørjum dysti sleppur undan at skula savna seg um dystin í samfullar 60 minuttir. Og í øllum førum kann hetta gerast ein vansi, tá tær um stutta tíð skulu royna seg í europeiskum høpi, tí sleppa tær ikki at royna seg undir trýsti her heima, so kann tað gerast sera torført, tá ferð verður sett á allan dystin á tamb móti útlendskum mótstøðuliði. Fleiri skaðar Hetta við mótstøðuni fær helst venjararnar hjá lið- num at hugsa sítt, men hóast trygga sigurin miku- kvøldið, so gav hesin dyst- urin teimum eisini annað at hugsa um. Fyrst og fremst av teirri orsøk, at Nicolina Eyð- bjørnsdóttir noyddist út við skaða. Vanliga er hon ein stinnur liður í verjuni eins og í týdningarmikla kontra- spælinum, men eftir at hon fyrst noyddist út við eym- um ryggi, og síðani keikti sær tummilin, verður hon kanska noydd at hava ein steðg í nakrar dagar. Tað hevur Jórun Ludvig eisini í løtuni, so hóast hópurin er breiður, so skulu vest- mannagenturnar helst ikki fáa fleiri skaðar, nú tað stundar til europeisku dystirnar, og í heimligu kappingini stendur helst torførasti dysturin í grund- spælinum fyri framman, tá VÍF um góða viku skal til Klaksvíkar á vitjan. Dysturin í tølum StÍF-VÍF 9-23 (3-14): Málskjúttar: StÍF: Poula D. Olsen 3, Ileana Manolescu 3(1), Anna Maria Berthelsen 1, Alina Olaru 1, Anna B. Danielsen 1 VÍF: Jacklin Durhuus 7(1), Sóley Mikkelsen 6(1), Fríða Marjunardóttir 6(1), Nicoleta Radu 2, Nicolina Eyðbjørnsdóttir 1, Randi Kúrberg 1 Brotskøst: StÍF 6, VÍF 3 Útvísingar: StÍF 3, VÍF 3 Dómarar úr Tjaldri: Kári Hansen & Trúgvi Mortensen. Høvdu millum lítið og einki at taka støðu til. VÍF sýndi stórspæl í eitt korter, men vóru kortini hepnir at fáa sigurin við sær av Skála HONDBÓLTUR – MENN Jákup Mørk Fyrstu løtuna av dystinum millum á Skála millum StÍF og VÍF var lítið, sum bendi á, at talan skuldi gerast um nakran spennandi dyst. Beint framman undan høvdu kvinnuliðini hjá báðum feløgum spælt, og mannfólkini úr Vestmanna tóktust bara at halda fram, har kvinnurnar sleptu. Flúgvandi byrjan VÍF var nevnliga snøgt sagt flúgvandi fyrsta knappa korterið av dystinum. Verj- an riggaði væl, strandingar vórðu meira ella minni noyddir at skjóta úti frá, og tá Bárður Nielsen í mál- inum dugdi væl at lesa skotini, fór einki inn um hjá honum. Í hinum endanum sóu vit veruliga, hvat meistararnir eru førir fyri í álopspart- inum. Pressað varð upp alla tíðina, soleiðis at glottar komu í strandaverjuna, og við teimum skjúttum, sum VÍF hevur, so var hetta sjálvandi ikki ókeypis fyri vertirnar. Soleiðis fór VÍF upp á sjey mál áðrenn heimaliðið hevði gjørt nakað, og tá so André F. Danielsen eisini hevði fingið reytt kort í hesum tíðarbilinum, tóktist alt at vera avgjørt. StÍF hevði takið Helst var tað eisini hetta, sum vestmenningar hildu, tí ótilvitað byrjaðu teir at seta ferðina niður, soleiðis at strandingar nú eisini sluppu upp í part. Spakuliga fingu teir betri tak um dystin, og efitr eina langa og deyða periodu hjá vestmenningum, var brád- liga bert hitt eina málið á muni. Av venjarabeinkinum royndi vestmannavenjarin, Páll Poulsen, at broyta gongdina. Millum annað við einum time-out og fleiri útskiftingum, men hóast hetta bøtti nakað um, so fingu gestirnir ongan tíð sama tak á dystinum. Tvørtur ímóti so vóru tað strandingar, sum høvdu yvirvág størsta partin av seinna hálvleiki.æ Vest- menningar fylgdu við, men tað var leingi líkt til, at teir – eins og í fjør - skuldu koppa á Skála. Ikki minst mundi hugurin hjá bæði ásoðarum og leikarum vera góður, tá StÍF bert átta minuttir undan leikloki økti upp í 20-17. Vestmenningar gjørdu tá av at mansverja Costin Dumitrescu, og hendan seinasta royndin eydnaðist teimum. StÍF fekk bert eitt mál afturat, og seinastu seks minuttirnar fekst bólturin als ikki inn í málið. Hjá VÍF hepnaðist nakað betri. Teir togaðu seg nærri og nærri, og tá farið varð undir seinasta minuttin, stóð á jøvnum millum liðini. Vestmenningar dugdu – onkur helt ov væl – at dríggja sær hetta álopið. Endin varð, at teir vunnu sær tríggja metra kast, og eftir at Áki og Sámal høvdu tosað um, hvør skuldi skjóta, endaði alt við, at Sámal hamraði sigurin heim til Vestmanna. Krevur meira Við sigrinum helt VÍF fast um oddastøðuna, har teir eru júst sigurin á Skála framman fyri argastu kapp- ingarneytarnar. Hóast sig- urin, so skerst tó ikki burt- ur, at tað fer at krevja størri stabilitet frá oddaliðnum, um teir framhaldandi ætla sær at halda fast um odda- sessin. Hesa ferð spældu teir upp til sítt besta í eitt korter, og tá er neyvan nakar, sum skalar teimum, men ein dystur fevnir altso um 60 minuttir, so neyðugt verður uttan iva at leingja um góðu løturnar framyvir. Hjá StÍF er søgan hin- vegin framvegis tann sama. Stabiliteturin væntar í ólukkumát. Tað kann væl vera, at teir onkun tíð hava kent seg vónsviknar av dømingini, men hetta er so ikki einasta frágreiðingin. Liðið megnar – tað vístu teir aftur hesaferð - at spæla upp til tey bestu í landinum, men hinvegin eru stig eisini mist móti øðrum liðum, og tað eru fyrst og fremst hesi, sum skulu vinnast, um teir skulu blanda seg upp í oddin hetta kappingarárið. Dysturin í tølum StÍF-VÍF 21-22 (10-11) Málskjúttar: StÍF: Sveinur Justinussen 5(2), Alexandur Johansen 3, Jón Rasmussen 3, Costin Dumitrescu 3(1), Anfinnur Joensen 2, Bent Djurhuus 1, Artur Johansen 1 VÍF: Sámal Joensen 7(2), Harald Bjørgvin 4, Áki Olsen 3, Ingi Olsen 3, Johnny Joensen 2, Ragnar Zachariasen 1, Agnar Joensen 1, Daniel Rápa 1 Brotskøst: StÍF 3, VÍF 3 Útvísingar: StÍF 3, VÍF 4 Dómarar úr Tjaldri: Kári Hansen & Trúgvi Mortensen StÍF-VÍF 21-22 (10-11): Tepurt hjá meistarunum Fyrstu løtuna av dystinum vóru skjúttarnir hjá VÍF flúgvandi, men restina av dystinum máttu meistarnir stríðast av øllum alvi til tess at tryggja sær sigurin Mynd: Álvur Haraldsen StÍF-VÍF 9-23 (3-14): Tómgongd í stórsigri VÍF hevði ikki stórvegis trupulleikar av StÍF, og sum dysturin leið, var alt bara ein spurningur um støddina á sigrinum Mynd: Álvur Haraldsen C M Y K 30