fríggjadagur 20. november 2009síða 17

nr. 223 · 20. november 2009 17 VIKUSKIFTI kropsprýði Inna Törnroos inna@sosialurin.fo Jákup Pauli er í svørtum jakka, hatti og converse-skógvum. Hann hevur reytt skegg og eina piercing í tunguni. Vit byrja við at taka myndir. Hann letur seg úr, og vísur stoltur armarnir, sum eru tatoveraðir sum »ermar« ella »sleeves«, sum tað verður kallað. Høgri armur er liðugur, og vinstri er komin hálvegis. Litir skulu bara fyll- ast í. – Tað tekur nokk eini 15 tímar afturat, til armurin er heilt klárur, sigur Jákup Pauli, sum sama kvøld vit hittast, skal út til tatovørin Michael Lomholt í Yndi at halda áfram við tatoveringini av arminum. Jákup Pauli hevur fyriuttan arm ar nar eisini tatovering á búkinum og á beininum. Tatoveringarnir á ørmunum eru av monstrum og óndum klovnum. – Mær dámar væl 1950-ara horror, sigur hann. Ein, sum tó er alt annað enn ræðu- ligur, er Homer Simpson, sum Jákup Pauli hevur á vinstra beininum. – Eg hevði hug at gera Homer til ein fótbóltshooligan, sigur hann og flenn ur. Jákup Pauli er heilt vísur í, at hann ongantíð fer at angra sínar tatoveringar. Hann hevur umhugsað tær væl, áðrenn hann fór ígongd við tær. – Hetta er ein stórur partur av mín- um stíli og image, sigur hann. At tatoveringarnar skulu gerast ein trupulleiki, tá hann eldist, trýr hann ikki uppá. – Eg verði gamal og rukkutur við ella uttan tatoveringar. Tað ger akkurát tað sama, sigur hann og suffar eitt sindur – eg eri neyvan tann fyrsti at seta henda spurning. Fer tú at fáa tær fleiri tatoveringar? – Ja, fyrst skal vinstri armur gerast lið ugur. Síðan er ætlanin at tatovera rygg in, leggirnar og kanska eisini bring una. Hevur tú nøkur mørk? – Eg kundi ikki hugsa mær at tatovera andlitið. Tá fólk skulu lýsa Jákup paula Gaard Olsen, siga Tey helsT: Tað er hann við Teimum nógvu TaToveringunum. Jákup pauli hevur nevniliga fleiri og sJónligari TaTOverInGar enn flesTu onnur. ‒ eg havi alTíð vilJa sæð soleiðis úT, sigur hann. Eg hevði hug at gera Homer til fótbóltshooligan Eg ErI føddUr rocK'n rollarI Hetta er ein stórur partur av mínum stíli og image myndIr: jens kristian vang Homer sum hooligan á beininum hjá Jákup Paula Fakta Jákup pauli G. Olsen Aldur: 32 ár Bústaður: Havn Tatoveringar: Fimm Fyrsta tatovering tá eg var: 19 ár