mikudagur 25. november 2009síða 7

7 tíðindi Nr. 226 - 25. november 2009 Blóðug uppgerð Í Filipsoyggjunum finnur herurin framvegis fólk, sum vórðu myrd í einum hópdrápi í landspartinum Maguindanao á oynni Mindanao fyrst í vikuni. Í gjárkvøldið hevði herurin funnið 46 lík, og tá vóru 20 fólk ikki komin afturíaftur. Myndugleikarnir halda, at hópdrápið var lið í einari uppgerð um tað politiska valdið í økinum. Millum tey myrdu eru kona varaborgarstjóran og tvær systrar hansara. Gloria Arroyo, forseti, hevur lýst Maguindanao og tveir aðrar landspartar í undantaksstøðu. Krígsharrar fyri rættin Í gjár fór altjóða krígsbrotsmannadómstólurin í Haag undir rættarmálið ímóti tveimum fyrrverandi krígsharrum í Kongo, sum millum annað eru ákærdir fyri álop á sivilfólk, neyðtøkur og fyri at hava brúkt børn sum hermenn. Sambært ákæruritinum stóðu Germain Katanga og Mathieu Ngudjolo Chui á odda fyri einum álopi á eina bygd har norðuri í Kongo í februar í 2003. Álopið kostaði meiri enn 300 mannalív. Teir báðir ákærdu nokta seg sekar og hava sagt seg hava samkenslu við teimum avvarandi. Fyri fyrstu ferð er ein kærleikskúla latin einari føroyskari fyritøku, og tað var reingerðingar­ fyritøkan, Kemilux, ið fekk fyrstu kúluna KÆRLEIKSKÚLA Leo Poulsen leo@sosialurin.fo Tað var ein ovfarin Debes Petersen, stjóri á Kemilux, sum seinasta fríggjadag fekk at vita, at hansara fyri­ tøka var vald út til at fáa fyrstu kærleikskúlu, sum lation er í Føroyum. Tað er Dugni, ið skipar fyri hesum tiltaki, sum fyri fyrstu ferð er roynt í Føroy­ um, men sum hevur verið fyriskipað síðani 2003 í eitt nú Íslandi. Kærleikskúlan verður lat­ in einum virki, fyri at gera serliga nógv fyri at taka starvsfólk inn við skerdum førleika. ­ Eg gjørdist sera rørdur, tá eg fekk hetta at vita, og havi eisini hugsað nógv um hetta til nú, eg fekk kúluna handaða, sigur Debes Peter­ sen. Hann sigur, at teir hava lagt stóran dent á at taka fólk inn við skerdum før­ leika. ­ Vit hava altíð raðfest hetta sera høgt, og hava eisini havt eitt sera gott sam­ starv við Dugna í sambandi við fólk við breki, sum hava verið hjá okkum, sigur Deb­ es Petersen. Hann heldur ikki, at tað finst nøkur umbering hjá nøkrum stovni ella fyritøku fyri ikki at taka fólk við skerdum førleika í starv. Hesin heiðurin kann eis­ ini hjálpa Kemilux á annan hátt. ­ Eg haldi, at hetta kann hjálpa okkum bæði uttan­ lands, men serliga her heima. Tað kann verða við til at varpa ljós á okkum sum fyritøku og á fram­ leiðslur hjá okkum, sigur Debes Petersen. Dámar væl Fróði Húsgarð, sum er bein­ leiðis orsøkin til, at Kemilux fekk hendan heiðurin, dám­ ar væl arbeiðið. ­ Jú, tað dámar mær væl. Tað eru sera fittir starvsfel­ agar, sum eg arbeiði saman við, sigur hann. Hann hevur nú arbeitt har í hálvtannað ár. ­ Eg byrjaði hjá ALV, sum nú eitur Dugni, og tey hjálptu mær so at koma út á Kemilux at arbeiða, sigur Fróði Húsgarð. Hann tekst mest við at tappa sápu í dunkar og at klistra etikettir á framleiðsl­ una. Og hann er eisini sera fegin um heiðurin, sum arbeiðspláss hansara hevur fingið. ­ Eg haldi tað er ótrúliga stórt, at Kemilux hevur fing­ ið hendan heiðurin, sigur Fróði Húsgarð. Kærleikskúla til Kemilux Ein fegin og errin Debes Petersen, stjóri í Kemilux, saman við listamanninum, Tróndi Patursson, Johan Samuelsen frá Dugna, Fróða Húsgarð og Kristinu Toftegaard Larsen, leiðari á Dugna Mynd: Jens Kristian Vang