týsdagur 1. desember 2009síða 6

6 tíðindi Nr. 230 - 1. desember 2009 Á landsfundi Fólka­ floksins kundi Annika Olsen, lands­ stýriskvinna í inn­ lendismálum, avdúka, at arbeitt verður við at gera eina lands­ byggireglugerð og eina yvirskipaða byggilóg fyri landið LANDSFUNDUR Leo Poulsen leo@sosialurin.fo Annika Olsen greiddi í høv­ uðsheitum frá nøkrum av teimum málsøkjum, sum hon umsitur, og hvat sødi seg í innlendismálaráðnum. Innan lógarøkið nevndi hon verjumálslógina, ið betrar munandi um rættar­ støðuna og rættartrygdina hjá veikum bólkum so sum fólk við demens, sálarsjúk og menningartarnað. Eisini nevndi hon mongu broytingarnar í revsilógini. Talan er um 55 broytingar, millum annað herda revsing fyri siðamisbrot, at hava barnapornigrafiskt tilfar í varðveitslu og at breiða hetta tilfar út, herd revsing fyri neyðtøku, fyri mannahandil og fyri vanligan harðskap. Eisini eru broytingar í rættargangslógini gjørdar, ið umfata hægri krøv til advokatar, eitt nú til útbúgv­ ing, broyting í rættargangs­ lógini viðvíkjandi heimild­ ini hjá løgregluni til at verða virkin í SSP samstarv­ inum, eitt samstarv millum sosialar myndugleikar, skúla og politi til tess at fyri­ byrgja harðskap so tíðliga sum gjørligt. ­ Á lógarøkinum havi eg fyrireikað tríggjar yvirtøkur, har felagslýsingar eru undir­ skrivaðar við danska løg­ málaráðharran. Talan er um fíggjarrættin, ið er samtykt­ ur at yvirtaka í Løgtinginum, og yvirtøkurnar av revsirætti og lógin um sakføraravirk­ semi liggja í Tinginum til viðgerðar í løtuni, segði Annika Olsen. Hon nevndi eisini, at lóg­ in um dna­profilar, sum er ein liður í at avdúka harð­ skaprmál, verður løgd fyri Tingið í hesi tingsetuni. Á byggitekniska økinum verður arbeitt við at gera eina landsbyggireglugerð og eina yvirskipaða byggi­ lóg fyri landið. ­ Viðvíkjandi landsbyggi­ reglugerðini verður tað far­ ið stigvíst til verka. Fyrsti partur av arbeiðinum fevnir um bjálving og tetting, sum verður sett í gildi fyrst í komandi ári. Hetta skyldast í høvuðsheitinum førda veðurlagspolitikkinum, segði Annika Olsen. Ein partur av landsbyggi­ reglugerðini eru atkomuvið­ urskiftini fyri tey, ið bera brek. ­ Hesin parturin er nú lið­ ugur, og fari eg á landsstýr­ isfund mánadagin við kunn­ gerðini, sum vónandi fær undirtøku. Tað hevur verið tosað um hesa kunngerð í meiri enn 20 ár, so tað er at fegnast um, at hon loksins sær dagsins ljós, segði Annika Olsen. Hon kom eisini inn á ferðslumál, ið hon eisini umsitur. ­ Sum landsstýriskvinna í ferðslumálum raðfesti eg ferðslutrygdina ovarliga. Vit hava ikki ráð at missa fleiri fólk í ferðsluni, segði landsstýriskvinnan. Hon vísti á onkrar av mongu broytingunum, sum eru gjørdar í ferðslulógini, eitt nú nullmark fyri rúsandi evni. Mong ung blanda rús­ evni, eitt nú narkotika og hassj, saman við alkoholi, og hevur hetta víst seg at verða ein vaksandi trupulleiki. ­ Krøvini fyri at sita í bilbelti eru herd, samstundis sum bøturnar eru hækkaðar. Eisini er promillumarkið sett niður í 0,2, segði Ann­ ika Olsen. Hon kom eisini stutt inn á ábøturnar, sum í løtuni verða gjørdar við vegamót­ ini í Streymnesi og Hósvík, og arbeiðið at hegna fram við vegunum, har sáttmáli er fingin við eigararnar. Somuleiðis hevur lands­ stýriskvinnan sett ein arbeiðsbólk at kanna møgu­ leikarnar fyri einari hálku­ breyt í Føroyum, eitt arbeiði, ið skal verða liðugt í ár. Nýggj kommunuskipan Landsstýriskvinnan nam eisini stutt við útlendinga­ málið og segði, at ein felags­ lýsing er undirskrivað við danska integratiónsráðharr­ an um yvirtøkuna av útlend­ ingamálum í seinasta lagi 1. januar 2011. ­ Í hesum sambandi verður arbeitt við at orða ein inte­ gratiónspolitikk fyri Føroyar. Krøv verða sett til føroyskt mál, kunnleika til føroyska mentan, politikk, og samfel­ agsviðurskifti til tess at veita teimum veruliga rættartrygd og eina sunna integratión í Før­ oyum, segði Annika Olsen. Eitt annað av stóru málun­ um, sum Annika Olsen umsit­ ur, er kommunumál. Álit er skrivað sambært samgongu­ skjalinum og arbeiðssetning­ urin var: • kommunueindir • millumkommunala javningarskipan • raðfesting av greiðum uppgávum og ábyrgdarbýti millum land og kommunur • blokkstuðul • eftirmeting Talan er um ein samlaðan pakka, og tað er ikki ætlanin at gjøgnumføra nøkur punkt, meðan okkum liggja. ­ Matrikkullógin og býar­ skipanarlógin eru liberali­ seraðar, bæði fyri óðalsjørð og kongsjørð. Matrikkullóg­ in er frá 1962 og er á mang­ an hátt stirvin, segði Annika Olsen. Taka ábyrgd Mest aktuella økið, ið Ann­ ika Olsen umsitur, er umhvørvi og veðurlagsmál. ­ Breið politisk semja er fingin millum allar politisku flokkar á Tingi um at Før­ oyar skulu skerja útlátið við í minsta lagi 20% í 2020 í mum til útlátsstøðið í 2005, segði landsstýriskvinnan. Støðufrágreiðing skal leggjast fyri Tingið annað hvørt ár til tess at vita, um vit kunnu røkka einnum størri niðurskurði av CO2 útláti. ­ Tað eru bert fáir dagar til altjóða veðurlagsráðstevnan verður í Keypmannahavn. Veðurlagsbroytingar eru størsta avbjóðingin, politik­ arar í hesi øldini standa yvir­ fyri, segði Annika Olsen. Hon segði, at vit ikki longur kunnu lata eyguni aftur og vóna tað besta, tí tað er staðfest, at menniskjað hevur havt sín virkna leiklut í, at hitalagið á jørðini er farið út av kós, og tískil er tað eisini okkara skylda at fáa hetta í rættlag aftur. ­ Vit skulu sum øll onnur heimsins lond taka okkara skyldur á okkum og tryggja okkara eftirkomarum eina jørð í javnvág, soleiðis sum vit sjálvi hava uppliva hana, segði Annika Olsen. Byggilóg fyri landið á veg Annika Olsen greiddi frá sínum málsøki á landsfundinum hjá Fólkaflokkinum leygardagin Mugu greiða hall og skuld Stjórin í danska Tjóðbankanum, Nils Bernstein, er als ikki hugtikin av búskaparpolitikkinum hjá donsku stjórnini upp undir altjóða fíggjarkreppuna. Við blaðið Børsen sigur tjóðbankastjórin, verður fíggjarpolitikkurin ikki broyttur, er vandi er fyri, at íleggjarar missa álitið á danska búskapinum. Avleiðingin verður, at rentan fer at hækka, og tað kann leggja ein doyvara á búskaparvøksturin, sigur Nils Bernstein. Hann leggur afturat, at stjórnin eigur at leggja eina greiða ætlan um, hvussu hallið á fíggjarlógini næsta ár og tann veksandi almenna skuldin skal fáast av vegnum í komandi árum. Vatikanið hartar Sveis Benedikt pávi og Vatikanið eru ikki fegin um avgerðina hjá sveisiska fólkinum at banna biðitornum á teimum mus­ limsku moskunum í landinum. Biskuparnir í Sveis hava sagt, at teir eru ímóti banninum, tí tað stríðir ímóti trúar­ frælsinum, og hesum tekur Vatikanið undir við. Antonio Maria Veglio, sum er formaður í innanríkisráðnum hjá Vatikaninum, sigur við italsku tíðindastovuna Ansa, at avgerðin hjá sveisiska fólkinum bøtir ikki um møguleikar­ nar fyri at friði og samveru millum teir ymsu átrúnaðirnar.