hósdagur 10. desember 2009síða 9

9 tíðindi Nr. 237 - 10. desember 2009 Byggja múr við Gaza Egyptar eru farnir undir at byggja ein høgan múr av stáli fram við markinum við Gaza-geiran fyri at forða víðgongdum palestinum at smugla vápn um markið. Egyptar hava verið sera tigandi um átakið, men fregnartænastukeldur siga við BBC, at teir hava longu bygt ein fýra kilometrar langan múr við tað norðara markið, og at arbeiðið nú heldur fram sunnanfyri. Ísraelska blaðið Haaretz skrivar, at amerikanski herurin hevur hjálpt egyptum at tekna múrin, sum verður tilsamsns 11 kilometrar langur, og sum fer at tola allar bumbur. Risastórt ísfjall Eitt risastórt ísfjald rekur í hesum døgum við streyminum sunnan fyri Avstralia. Ísfjallið rekur nú vestureftir og er einar 900 fjórðingar úr avstralsku suðurstrondini. Avstr- alski vísindamaðurin Neil Young sigur við fjølmiðlarnar, at ísfjallið er einar 140 ferkilometrar stórt, og hann sigur seg ikki vita um, at nakað so stórt ísfjall hevur verið so langt norðuri fyrr. Neil Young heldur, at ísfjallið er loysnað frá Antarktis fyri tíggju árum síðani, og at tað hevur rikið við streyminum síðani. Hann heldur, at ísfjallið var einar 400 ferkilometrar, tá tað loysnaði frá meginísinum. Janus Petersen, for­ maður í Felag­num Føroyskir Pening­a­ stovnar, vísir aftur útsag­nunum hjá Jóannesi Eidesg­aard um avtalaðar rentur. – Hatta er ein politisk útsøg­n, sum má standa fyri hansara eg­nu rokning­, sig­ur Janus Petersen Kapping Rógvi Nybo rogvi@sosialurin.fo Í Sosialinum í gjár stóð skrivað, at landsstýrismað- urin í fíggjarmálum, Jóan- nes Eidesgaard, av tingsins røðarapalli mikudagin hevði lagt eftir føroysku peningastovnunum. Eitt nú segði hann, at »eg skal ikki siga tað, at mann hevur avtalu innanhýsis, men onkursvegna upplivir man peningastovnarnar, sum at teir fylgja øgiliga væl við hvør øðrum og vita væl av, hvussu hvør annar handlar. Tann sama varhug- an, sum vit ofta hava rund- anum oljufeløgini, at tá tað snýr seg um oljuprísin, so er tað meir ella minni eitt forstáilsi um, at oljuprísirnir altíð eru júst teir somu upp á oyrað.« Eisini helt hann, at mann hevði líkasum varhugan av, at tingini vóru rættiliga væl avstemmaði, í øllum førum millum teir báðar stóru pen- ingastovnarnar, um bæði rentupolitikk, holdningar mótvegis almennum ætlan- um og so framvegis. Men hetta eru viðmerk- ingar, sum Janus Petersen, stjóri í Føroya Banka og for- maður í Felagnum Føroyskir Peningastovnar, vísir aftur. - Peningastovnarnir eru í dagligari kapping við hvønn annan, og vit renna øll skjótt fyri at fylgja við í kappingini. Peningastovn- arnir hava fría prísáseting, ymsar rentur í nógvum før- um og ymsar rentumarginal- ar. So onki er í útsøgnini hjá Jóannesi Eidesgaard. Hatta má standa fyri hans egnu rokning. Hatta er ein politisk útsøgn, sigur Janus Petersen. Skeiv samanbering Av tingsins røðarapalli mikudagin segði fíggjar- málaráðharrin millum ann- að, at hann herfyri datt fram á ein tíðindastubba í donsk- um miðlum, sum greiddi frá, at BRF-Kredit nú kann bjóða tilboð upp á eitt lán við rentu upp á 1,8 prosent. - Tað kann man siga er eitt tilboð, sum vil nakað, og tað er eitt tilboð, sum liggur ótrúliga langt frá tí, sum føroyskir sethúsaeigar- ar kunnu seta nøsina upp eftir at fáa, staðfesti hann og vildi við hesum vísa á, at tann føroyska rentan er ovurhøg til samanberingar. Til tað viðmerkingina staðfestir Janus Petersen, at talan er um eina obligatións- rentu, sum realkredittstovn- arnir sjálvir læna fyri, men tá teir læna víðari til kund- arnar, leggja teir rentuískoyti og onnur gjøld omaná. - Annars er at siga, at før- oyskir peningastovnar longu bjóða realkreditt í Føroyum, so hesi tilboð, sum Jóannes Eidesgaard rósar, eru longu atkomilig í Føroyum, sigur Janus Peter- sen. Lítið konkret Um viðmerkingina hjá Jóan- nesi Eidesgaard av tingsins røðarapalli sigur Janus Pet- ersen, at skal mann koma út í eina diskussión um rentu- politikk og annað, so má vera greitt, hvat akkurát tos- að verður um: - Vit hava sjálvandi fulla respekt fyri, at hann hevur eina meining, men eg síggi hetta sum eina politiska meining, sum er ring at argumentera um, og tað er heldur ikki okkara uppgáva at kommentera politisk upp- áhald, tí vit eru bankar, sum dríva forrætning, sigur Janus Petersen. Um ætlanina hjá tí almenna at fara undir at kappast við peningastovnar- nar heldur Janus Petersen, at tað prinsipielt er skeivt, at tað almenna fer at kappast við tað privata, men vísir á, at tað almenna longu við Húsalánsgrunninum er í kapping við peningastovn- arnar. - So har er ikki tann stóra broytingin, staðfestir hann. Útsagnir mugu standa fyri egna rokning - Peningastovnarnir hava fría prísáseting, ymsar rentur í nógvum førum og ymsar rentumarginalar. So onki er í útsøgnini hjá Jóannesi Eidesgaard. Hatta má standa fyri hans egnu rokning. Hatta er ein politisk útsøgn, sigur Janus Petersen Savnsmynd