mánadagur 14. desember 2009síða 13

13 tíðindi Nr. 239 - 14. desember 2009 Castro kemur ikki Nógvir ríkis- og stjórnarleiðarar koma til Keypmannahavn- ar seinni í vikuni á veðurlagsráðstevnu, men kubanski for- setin, Raul Castro, kemur ikki, og hann fer heldur ikki at senda nakran fyri seg. Orsøkin er, at sambært kubanska forsetanum er ráðstevnan í Keypmannahavn eitt stórt mis- tak, og hann hevur mælt sínum vinstrasinnaðu starvsbrøðr- um í Latínamerika til at finna egnar loysnir at loysa trupul- leikarnar við veðurlagnum við. Áheitanin frá Raul Castro kom á einum fundi í Havana í gjár, har níggju lond í Latín- amerika umrøddu handilssamatarv. Krónan í søguna Hevur Bo Overvard, búskaparfrøðingur hjá banka- og tryggingarfelagnum Alm. Brand rætt, fer danska krónan í søguna um knappliga tvey ár. Bo Overvard væntar, at spurningurin um danska luttøku í evru- samstarvinum kemur til fólkaatkvøðu næsta heyst. Tá fara danir at siga ja, og eitt gott ár seinni fer krónan so í søguna. Tað merkir, at evran kemur ístaðin fyri krónuna nýggjársdag í 2012, sigur Bo Overvad við DR. Hann ivast ikki í, at skifti frá krónuni til evruna hevði verið gagnligt fyri tann danska búskapin. Kristian letur annars væl at gongdini, síðan Norðborg byrjaði fiskiskap, og hann heldur, at raksturin við verandi gongd fæst at hanga saman. - Eg tími ikki so væl at tosa um tøl, men hetta sær bara heilt hampiligt út, leggur hann aftrat. Tvær linjur aftrat Kristian Martin Rasmussen sigur, at skipið ætlandi verður lagt í einar 2-3 vikur um jólahøgtíðina, har ætlanin er at rætta upp á nøkur ting. - Vit fara eisini at seta tvær nýggjar flakamaskinur í skipið, soleiðis at hesar í staðin fyri at vera sjey, nú verða níggju í tali. Reiðarin sigur, at teir eiga maskinurnar, sum teir keyptu frá P/F Nærabergi. - Vit keyptu tvær góðar linjur frá felagnum, og tað eru hesar, sum nú skulu setast í skipið aftrat. Hann vísir á, at allar níggju linjurnar, sum verða í skipinum, tá tað loysir aftur tíðliga í komandi ári, fara at hava vacum-súgving. - Í dag hava bert tríggjar av maskinunum henda møguleika, men tá loyst verður aftur, skulu allar níggju maskinurnar súgva magan úr fiskinum. Hesar maskinurnar skulu brúkast, tá skipið er á svartkjaftaveiði, og svartkjafturin verður avhøvdaður ella skráskorin. Kristian Martin vísir á, at skrædlarar eru til tríggjar av teimum sjey maskin- unum, men tá loyst verður aftur, verður skrædlari til allar maskinurnar. - Hetta er tað, sum í høvuðsheitum skal gerast, og endamálið við broyt- ingunum er at økja um framleiðsluorkuna. Kristian Martin sigur, at vacum-súgvingin og skrædl- arar, sum skulu setast í skipið, koma heim til Før- oya til jólar, og síðan fara tríggjar smiður í Klaksvík at gera arbeiði fyri felagið. Genta umborð Manningin umborð á Norðborg liggur millum 27 og 30 mans á hvørjum túri. Øll manningin er mann- fólk undantikið ein 18 ára gomul genta, Elspa, sum er abbadóttir Kristian Martin og dóttir Jón Rasmussen, skipara. - Hetta er triði túrurin hjá henni. Hinar báðar fyrru var hon á verksmiðjuni, men hendan túrin er hon 2. kokkur umborð, sigur reiðarin, Kristian Martin Rasmussen. Flaggskipið hjá klaksvíkingum Norðborg landar í Ánunum. Veiðivirðið á hesum sildatúri liggur millum 14 og 15 miljónir krónur. – Hetta var ein fínur túrur, sigur reiðarin, Kristian Martin Rasmussen Mynd: Dávur Winther