týsdagur 22. desember 2009síða 4

4 tíðindi Nr. 245 - 22. desember 2009 Tað kom dátt við hjá leirvíkingum a frætta, at heldur ikki næsta ár er eitt klovið oyra sett av til illa umstrídda vegin ígjøgnum Leirvík í sambandi við Norðoyatunnilin NorðoyatuNNil Áki Bertholdsen aki@sosialurin.fo Ætlanin var, at fimm milli­ ónir skuldi setast av til vegin, men tá ið fíggjarlógin hevði verið ígjøgnum myll­ una hjá fíggjarnevndini, vórðu eisini tær strikaðar, so nú er ikki eitt oyra til vegin. Jóhan Christiansen, borg­ arstjóri í Eysturkommunu, er alt annað enn fegin um úrslitið, men hann vil onki siga, fyrrenn býráðið hevur havt høvi at viðgera spurn­ ingin. Fríðgerð Heinesen er varaborgarstjóri og hon var eisini borgarstjóri í teirri gomlu Leirvíkar Kommunu, sum síðani er løgd saman við Gøtu undir heitinum Eysturkommunan. Heldur ikki hon vil siga so nógv, fyrrenn býráðið hevur viðgjørt málið. Men hon sigur, at leirvík­ ingar eru so illa viðfarnir av landsins myndugleikum í so nógv ár, at í grundini er hon ikki kløkk av at frætta, at tað verður heldur ongin vegur næsta ár. Onkuntíð hava leirvík­ ingar verið so leiddir og keddir, at teir hava róð framundir at siga sáttmálan upp við tunnilsfelagið, sum loyvir teimum a binda tunnilsvegin í tann komm u­ nala vegin. Tað skuldi so ført við sær, at tunnils veg­ urin ikki kundi vera bundin í kommunala vegin longur. Tað vil hon onki siga um enn, men hon staðfestir, at íbindingarloyvið gekk út á nýgjárinum, so hetta sein­ asta árið hevur onki loyvi verið. Men hon heldur kortini, at hetta kann vera ein góður lærupengi hjá øðrum komm unum um ikki at geva landinum nakrar sum helst sømdir, fyrrenn púra greiðar og bindandi avtalur fyri­ liggja. Hon sigur, at tað hevur elvt til stórar trupulleikar, at vegurin ikki verður gjørd ur, tí leirvíkingar liggja við eini nýggjari bygda ætlan, sum ikki kann samtykkjast og tað hevur forða kommununi í at gera grundstykki til sethús og vinnubygningar. Smyril hevur ikki sett ferðina niður Strandferðslan avsannar upplýsingar frá løgtingsformannnum um, at Smyril hevur sett ferðina niður fyri at spara olju Smyril Áki Bertholdsen aki@sosialurin.fo Strandfarskipið, Smyril, hevur sett ferðina niður fyri at spara olju. Hetta staðfesti Hergeir Nielsen, løgtingsformaður og sjálvandi eisini løgtingsmaður, á tingsins røðarapalli fríggjadagin. Sum ikki einaferð, vóru løgtingslimir endaðir í ein­ um drúgvum orðaskifti um Strandferðsluna, túratal, skip og ferðaætlanir. Undir tí orðaskiftinum førdi Hergeir Nielsen fram, at nú hann var komin úr Suðuroy til Havnar, hevði túrurin vart tveir tímar og eitt korter. Tað tók hann sum prógv fyri, at Smyril hevur sett ferðina niður fyri at spara olju. Men hetta avsannar Conrad Gaard Joensen, rakstrar­ leiðari hjá Strandferðsluni púra avgjørdur. Hann sigur, at tað er rætt, at Smyril hevur siglt nakað spakuligari í tveir dagar, men at tað hevur sínar nátúr­ ligu forkláring. ­ Týsdagin varð ein motorur steðgaður, tí eitt filtur til brennievni skuldi skiftast. Av tí sama hevur Smyril siglt við trimum motorum í týsdagin og mikudagin og tað ávirkaði sjálvandi ferðina. Men hósdagin varð motorurin startaður aftur og tá sigldi Smyril aftur við vanligari ferð. Og Conrad Gaard Joensen sigur, at vanlig ferð er, tá ið Smyril hevur ein tíma og 55 minuttir um túrin ímillum Krambatanga á Trongisvágsfirði og Havnina og tað roynir skiparin at halda seg til. Smyril hevur siglt spakuligari í tveir dagar, men tað hevur sína nátúrligu forkláring, sigur Strandferðslan Seinnapartin fríggja­ dagin samtykti Løg­ tingið lógina um tað almennu heilsu­ trygdina. Heilsu­ trygd in kemur í gildi á nýggjárinum og tað merkir, at nýggjárs­ aftan fara teir gomlu sjúkrakassarnir í søguna HeilSutrygd Áki Bertholdsen aki@sosialurin.fo Øll skulu nú rinda sama gjald, 245 krónur um mán­ aðin, í almennu heilsu­ trygd ina og tað verður TAKS sum skal standa fyri innkrevjingini. Tann 1. apríl 2010 kemur eisini ein nýggj tilskots­ skipan til heilivág gildi. Tilskotið til heilivág verður roknað eftir einum nýggjum samhaldsføstum leisti, har tey, sum brúka mest pengar til heilivág fáa mest end­ urgoldið frá Heilsutrygd, sigur Aksel V. Johannesen, landsstýrismaður í heilsu­ málum. Tað er eisini mark fyri, hvussu nógv borgarar sjálv­ ir skulu gjalda fyri heilivág. Ung undir 18 ár og eldri yvir 67 ár koma sambært nýggju lógini ongantíð at gjalda meira enn 1.195 krónur um árið fyri heilivág. Hjá teimum í aldrinum 18 til 67 ár er hámarkið 1.600 krónur um árið. Grundreglan er, at tað ikki eigur at verða ein fíggj­ arligur smeitur fyri tey, ið vegna sjúku hava tørv á nógvum ella kostnaðar­ miklum heilivági, sigur lands stýrismaðurin. Bíligari kostískoyti Somuleiðis skal Heilsutrygd veita stuðul til kostískoyti, merkivørur og annað. Hjá nógvum rakti tað meint, tá ið almenni stuðul­ in til hetta varð tikin burtur í summar. Men nú skal ein nevnd gera ein lista yvir merkivørur og annað, sum skul fáa tilskot frá Heilsu­ trygd. – Dømi um kostískoyti og merkivørur, sum kunnu væntast at fáa stuðul eru lactulosa, kolkískoyti, ym ­ isk krem til húðrøkt o.s.fr. Tann 1. januar 2011 fáa allir føroyingar eisini eitt nýtt altjóða heilsutrygdar­ prógv og heilsutrygd verður partur av Talgildu Heilsu­ skipanini. Og seinasta stigið verður tikið tann 1. januar 2012, tá ið gjaldið til Heilsutrygdina verður tikið av so at hon verður fíggjað umvegis vanliga skattin. Um 10 dagar fara sjúkra- kassarnir í søguna Leirvíkingar illa við Nú er greitt, at tað verður heldur ikki næsta ár, at illa umstríddi Leirvíksvegurin verður gjørdur Sjey avhopparar Sjey fólk eru flýdd úr Norðurkorea til grannalandið Suðurkorea. Sambært teimum suðurkoreonsku myndug leikunum flýddu tey eftir sjónum, og júst tað verður hildið vera sera hættisligt, tí norðurkoreanar halda eitt vakið eyga við havleiðunum millum londini. Reuters skrivar, at tey sjey komu í land í gjár, og at tey alt fyri eitt fóru til avhoyringar hjá fregnartænastuni. Júst nú er vandi fyri øktum spenningi millum kore­ onsku londini londini, tí stýrið í Norðurkorea hóttir við at fara undir eina herflotavenjing úti fyri vestur strond­ ini, skrivar Reuters. Obama í jólahýri Tann seinasta tíðin hevur verið strævin hjá ameri­ kanska forsetanum, Barack Obama, sum hevur havt úr at gera í sambandi við veðurlagsráðstevnuna og upp­ skotið um nýskipan innan amerikanska heilsuøkið. Tí mundi tað kennast sum ein lætti, tá hann í nátt setti seg at lesa jólasøgur í einum klubba í Washington. Áhoyrararnir, sum vóru millum seks og ellivu ára gamlir, fingu eisini smákøkur frá forsetanum, sum eisini royndi at fregnast eftir, hvat børnini ynsktu sær í jólagávu. At enda sluppu børnini á eina mynd saman við forsetanum.