mikudagur 23. desember 2009síða 6

6 Nr. 246 - 23. desember 2009 Hann er altíð á gosi av berum blíðskapi og fryntligheit, Oyrarmaðurin. Soleiðis verður hann nevndur í svimjihallarhøpi í Gundadali í Havn. Hann eitur Jákup Johannesen, umframt at hann verður róptur Jákup á Oyri og so Oyrarmaðurin, tí hann er av Oyri Sonne Smith Hann fylti 80 tann 1. oktob­ er í ár. Hann hevur verið fastur fúsur í Svimjihøllini í Gundadali mest sum hvønn gerandisdag og leyg­ ardag, kanska eisini sunnu­ dag, í mong ár. Tá ið hann kemur til lúkuna í móttøkuni í svimjihøllini heilsar hann og prátar hann dúgliga við hana ella hann, ið útflýggjar honum lykil til klædna­ skápið í skiftingarrúminum hjá monnum (sjálvandi!). Kjak á hægsta hitastigi Eisini í hitarúminum í svimji høllini er Jákup á Oyri fastur fúsur, og sum vant er kjakið í hesum rúmi á hægsta hitastigi. Jákup gongur skjótt aftur og fram í rúminum, har hitastigini liggja millum 80 og 90 stig. Hitin tykist ikki at nerva Jákup. Hann er við í øllum orðaskifti har inni. Honum dámar best at vera á gosi. Iva leyst tí, at hann fylgir væl við, og hjá honum fer helst einki aftur við borð in­ um. Jákup er gamal sjó­ maður. Hann sigldi úti í eini 25 ár, áðrenn hann fór í land og støðaðist fast á Oyri, Hann er giftur og eig­ ur fýra børn og fleiri abbabørn. Maskinmeistari Jákup Johannesen fór í læru hjá Kjartani, sum hann sjálvur tekur til. Kjartan var Tórshavnar Skipasmiðja og Kjartan Mohr. Har fór Jákup blaðungur í smiðju­ læru, og ta tíðina búði hann sjálvandi í Havn, tí tá í tíð­ ini bar ikki til at ferðast ímill um hvønn dag sum nú, enn og minni til sovorðið luksus sum at svimja í Havn. Miðskeiðis í hálvtrýss un­ um, áðrenn Jákup fór á maskinskúla, fór hann út at sigla við einum norskum tangaskipi upp á 19.000 tons. Eitt lítið skip, eisini eftir tátíðar viðurskiftum. Teir mynstraðu í Antwerpen og sigldu suður í Persa­ flógvan eftir olju og haðani til Australia. Tað var tann fasta rutan, sigur Jákup. Seinni fór hann at sigla sum maskinmeistari hjá Mærsk í eini 25 ár. Eitt skifti við stykkjagóðsbáti, annars við tangaskipi. Hetta var tíðin, tá ið Jákup sigldi úti á øllum heimshøvum. Alverkamaðurin á landi Tá ið Jákup fór í land í Før­ oyum var hann á Lands­ fjósinum hjá Landsverk­ frøð inginum, nú Lands­ verki, í fimm ár. Landsfjósið er støðin, smiðjan, verk­ staðurin, har Landsverk hev ur sínar mongu maskinur inni til umvælingar og røkt. Landsfjósið, ið stendur mill um Hósvík og Kolla­ fjørð, fekk navnið, tí Lands­ verkfrøðingurin hevði sínar gravkýr standandi har til ambætingar. Seinni aftur varð Jákup alverkamaður hjá Sunda Kommunu í nøkur ár. Hann røkti alt arbeiði, sum ein maskinmeistari kundi hava hjá eini kommunu, eitt nú hegn og skip. Hann elskar at dansa Líka síðan Jákup fór í læru hjá Kjartan Mohr á sinni, hevur hann røkt sítt besta ítriv: dansin. – At dansa er tað besta, eg veit, sigur Oyrarmaðurin avgjørdur. Eg fór í Sjón­ leikarhúsið hvørt einasta sunnukvøld í dans og mikukvøld í Tórshøll, og tað var hvørt tað einasta kvøld ein túr út á kaina. Er okkurt stórtiltak í Ítróttarhøllini á Hálsi í Havn og aðrastaðni við, so er Jákup har. – Eg fari allastaðni har, sum futtur er í. Eitt tað besta staðið er høllin á Hálsi og so Hotel Føroyar. Ja, og so í Eydnuni á Oyra­ bakka, tá ið tað er nakað har. Jákup elskar at dansa. Hann hevur dansað frá tí hann fór í læru. Honum dám ar allan musikk, sigur hann, bæði villan og rólig­ an. So vit kunnu altíð vænta at síggja og hitta henda spelkna oyrarmann har, sum dansað verður. Hjá hon um er 80 ár eingin aldur í so máta... Oyrarmaður á gosi The Dreams á tindinum Føroyski rockbólkurin The Dreams átti best umtókta sangin á danska Boogie listanum í ár. Boogie listin er sjónvarpshitlisti hjá Danmarks Radio, og verður roknaður sum týdningarmikil listi millum ungfólk. Um vikuskiftið varð gjørt upp, hvørjir sangir vóru teir populerastu á listanum í ár, og The Dreams var á ovasta plássi við sanginum Ingen Kan Erstatte Dig. The Dreams átti eisini sang nummar 10 á listanum, tað var seinasta hittið hjá teimum, Under The Sun. Vit halda jólafrí frá 21. desember til 4. januar 2010. Vit ynskja øllum eini gleðilig jól og eitt gott nýggjár www.hak.fo ANNIJANNI Jákup Johannesen Vit takka øllum, sum stuðlaðu verkætlan okkara, at varpa ljós á heilsurøktaran í Føroyum. Eisini ynskja vit øllum eini gleðilig jól og nýggjár. Føroya Psykiatrifelag og Almanna- og Heilsurøktarafelagið