mikudagur 6. januar 2010síða 17

Nr. 3 - 6. januar 2010 17 nøvn Henda dagin Hjørleif Waag Høgnesen fór til gravar, eg var júst setstur í kirkjuni, tá Klaksvíkar Hornorkester, eitt korter áðrenn fyrsta fel­ agssangin, byrjaði at spæla nakrar yndisligar bretskar hymnur. Hetta kendist hit­ andi, grípandi, viðkomandi og var ein tignarlig byrjan við jarðarferðina hjá organ­ isti, ið trúgvur hevði tænt í 40 ár. Fyri okkum, sum koma í Christianskirkjuna mest til jarðarferðir og konsertir, og vitstu, tá orgulspælið van­ liga byrjaði, vóru tað fingr­ arnir hjá Hjørleifi, sum numu tangentarnar. Men “soleiðis var ikki ídag”! – Hetta var ein løgin kensla. Havi kent Hjørleif frá tí eg var barn. Míni fyrstu barnaár vóru foreldur míni og barnaheimið hjá Hjør­ leifi, sum hann seinni sam­ an við Torgerð og børnunum festi búgv, grannar. Torgerð og Hjørleif gift­ ust í 1954 og fingu børnini Turid, Eyð, Lív og Leif. Torgerð hevur verið Hjør­ leifi hollur stuðul. Hevur altíð havt ljóst og livandi sinni, blídlig sum hon altíð er, hevur hon sjálvandi sett lættligan og ljósan dám á heimið. Hjørleif fekk eg nógv og gott samstarv við, øll tey árini hann handlaði og fari at geva honum tað ummæl­ ið, at hann var rættskaffin, gjøgnumførdur, lættur at umgangast og tori at siga, at øll tey árini var ikki øvugt orð okkara millum. Eisini komu vit á lívs­ leiðini heilt nátúrliga at samtala nógv um orgulspæl og felagssang, av teirri orsøk at hann spældi í kirkj­ uni og eg í Betesda. Vit sam­ talaðu, tá vit ivaðust um løgini, tá jarðarferðir vóru, og fólk kanska ynsktu onkr­ an sang við løgum, vit ikki vanliga brúktu. Sum við jarðarferðina fleiri ferðir kom fram í prædiku og vælvaldum orð­ um, hevur Christianskirkjan sera góðan felagssang undir góðari og kønari leiðslu av Hjørleifi. Ja, tað er ein fragd at hoyra. Onkuntíð, tá hann hevði tikið felagssang­ in upp, kundi hann bjóða mær ein biltúr, har vit í felag lurtaðu eftir sanginum og tosaðu um góðan og geandi felagssang. Fyrstu musikalsku uppliv­ ingina eg kendi til Hjørleif var ein dagin í 1951, eg var tá 7 ára gamal, vit búðu tá á Stongunum hjá Jóan Jacob Jacobsen (Jóan Jakku á Viðareiði), har mamma vaks upp, at pápi okkara kom til hús við eini nótabók. Hann sigur við mammu: “Eg havi fingið mær eina nótabók, sum Hjørleif Waag Høgnesen hevur gjørt”! Minnist mammu siga: “Hevur Hjør­ leif gjørt eina nótabók”?. – Sum eitt fok tók hann Regin, eldra beiggja mín, og meg inn í stovuna, setti seg við orglið og tók hendan sangin burturúr: “Glaður ungdóms­ flokkur til stevnu komin er...” . Henda sangin – bara fyrsta versið stendur í nótabókini ­ sum Hjørleif hevur gjørt vakra kórsatsin til, sungu vit tríggir aftur og aftur tá. Eg dugi framvegis versið uttanat. – Eg arvaði nótabókina. Bókin er vøkur við stívari permu. Útgevari er Kirkju­ liga Missiónsfelagið, Alfred Petersen, trúboðari skrivaði “epilogið” 10. januar 1951. Hjørleif og eg høvdu góð­ ar samtaluløtur bæði um gerandislívið, søguliga, for­ rætning, tónlistina og okk­ ara andaligu felagsvirði. Eg minnist serliga eina løtu vit høvdu uppi á handilsloftin­ um fyri mongum árum síð­ ani, har vit samtalaðu um bíbilsku og andaligu virðini. ­ Ein minnisrík løta. Eg vitsti áðrenn eg setti meg at festa nøkur fátækslig orð á blað um Hjørleif, at ilt var at vita, hvat skuldi veljast ímillum, tí torført er at skriva um ein so virkis­ fúsan mann. Tí latið eg aðr­ ir tættir – eitt nú bilasøguna, sum er serlig søga í lívið hansara ­ liggja. Eftir stendur minnið um ein fjølltáttaðan og arbeiðs­ saman skilamann, sum livdi eftir setninginum hjá danska stómenninum A. P. Møller: “Den der har evnen, har også pligten”, men omanfyri alt hjá Hjørleifi og fjølskyldu hansara liggja orðini í Sálmi 32.1: “Sælur er tann, ið hevur fingið misbrot sítt fyrigivið”. Her er troyst at finna nú lívið her á fold fór aftur við borðinum. Jógvan við Keldu Vilt tú vera við at marknaðarføra Smyril Line á netinum og at samskifta online við málbólkin hjá okkum í Føroyum, Danmark, Týsklandi og aðrastaðni í Evropa, so hava vit eitt sera spen- nandi starv til tín. Vit leita eftir einum starvsfólki, sum skilir týd- ningin av online-samskifti, og sum kann gera Smyril Line sjónligt fyri umheiminum á interneti- num. Vit leita eftir einum starvsfólki, sum hevur dirvi og vilja, og sum skilir týdningin av online- marknaðarføring. Vit bjóða tær eitt spennandi fulltíðarstarv í ein- ari vaksandi fyritøku, sum heldur til í Tórshavn, Keypmannahavn, Hanstolm og Kiel. Størsta ábyrgdarøkið verður at samskipa sam- skiftið á netinum, syrgja fyri at Smyril Line verður sjónligt, har tað er neyðugt, millum annað á Google og øðrum leitimaskinum, skriva tekstir, viðlíkahalda heimasíður og annað. HØVUÐSUPPGÁVUR: – Styrkja Smyril Line á online-økinum – Samskipa aktivitetir í sambandi við dagføringar o.a. á heimasíðunum – Skriva tíðindi til heimasíðurnar – Dagføra tekstir og myndir – Syrgja fyri, at øll produkt eru at fi nna – Syrgja fyri, at alt sær gott út – Supportera allar skrivstovur á samskiftisøkinum VIT VÆNTA, AT TÚ: – Arbeiðir skipað og sjálvstøðugt – Hevur royndir á økinum – Hevur viðkomandi útbúgving – Dugir væl at samskifta við starvs- felagaðar og onnur – Dugir at orða teg í minsta lagi á føroyskum, donskum og enskum, bæði í skrift og talu – Hevur royndir við CMS-skipanum Internetsamskipari til Smyril Line Hevur tú spurningar um starvið, ert tú altíð vælkomin at seta teg í samband við marknaðarstjóran, Henny á Líknargøtu, á +298 551511 ella á henny@smyril-line.fo. Starvið skal setast skjótast til ber, so um hetta hevur tín áhuga, verður tú vinarliga biðin um sum skjótast at senda okkum tína umsókn við teldubrævi til henny@ smyril-line.fo ella við vanligum brævi til: Smyril Line Yviri við Strond 1 Postboks 370 FO 110 Tórshavn Hjørleif Waag Høgnesen setti djúp spor eftir seg