týsdagur 12. januar 2010síða 10

10 tíðindi Nr. 7 - 12. januar 2010 Kári við Stein ynskir øllum eitt gott nýggjár við teimum seinastu tíðindunum úr Grønlandi 20. desember Í dag er -4 stig og stilli. Krabbabáturin Nagtoralik kom inn í gjárkvøldið við gott 15 tonsum av livandi krabba. Teir skulla út aftaná jól nýggjan túr. Polar Nagtoralik kom inn í morgun við ein um sjúkum manni. Teir loystu aftur aft- aná døgurða. Lómur liggur í Nuuk um jólini, og Polar Aassik skal eisini liggja í Nuuk . 21. desember Natarnaq kom inn at landa í morgun. Teir hava knapt 400 tons inni. Tað sama er Qaqqatsia inni í Nuuk og landar 22. desember Natarnaq loysti í morgun nýggjan túr. 23. desember Steffen C er inni í Manitsoq og landar. Teir hava fulla last inni. 28. desember Hann lovar av ringasta veðri, at siga ódn. Akamakik kom inn í kvøld. Teir hava so at siga fulla last inni. Teir skulla byrja at landa í morgin tíðliga. Skiparin Linjohn Cristian- sen sigur frá, at hann ongatíð hevur sæð eitt so ljót veðurkort, sum er frammi nú. 29. desember Vindurin varð ikki so nógvur, sum vit roknaðu við her inni, men hann var nógvur úti á. 30. desember Alamalik loyst nýggjan túr kl. gott 6 í morgun. Vit á landi sendu teimum einar 15 ljósrakettir, og teir svaraðu aftur við rakett og so trý ýl, og tað sama var her frá landi. Vakurt at síggja og gott at hoyra. Í dag er Polar Amaroq inni í Nuuk og landar. Natarnaq er eisini inni í Nuuk og landar. 4. januar 2010 Vit komu øll gott inn í tað nýggja árið. Vit høvdu kavarok nýggjársaftan, so man sá ikki alt fýrverkaríið, sum bleiv skotið upp. Steffen C kom inn morgun at landa og at skifta fólk. Teir hava gott hálva last og rokna við at sigla í kvøld. Í Nuuk er Regina C og landar. Qaqqatsiaq er inni í Manitsoq og landar. 5. januar Polar Natoralik kom í dag inn við Polar Amaroq uppá sleip. Onkur boltur var farin, og tað mátti koma fólk úr Danmark at gera tað arbeiðið. 6. januar Polar Qaasiut er komin inn at millumlanda. Teir skullu bert leggja tær kókaðu rækj- urnar upp. Sekkirnir skulla teir hava við til Nuuk í næstu viku, har teir skulla landa. Í Nuuk landa Markus og Manu. 7. januar Polar Nattoralik kom inn at landa til kl 2100, so loysa teir aftur. Tað gongur striltið hjá Polar Amaroq at fáa arbeiðið gjørt. Roknað var við at verða klárir í dag, men tað var av ongum. 8. januar Í dag loysti Polar Amaroq, men ódnarveður var uttanfyri, so teir hava ligið og andøvt allan dag. Gott nýggjár allir lesarir. Grønlandstíðindi Kári við Stein Ljótasta veðurkort Linjohn hevur sæð Hjálp til landbúnaðin Børsen skrivar, at danska stjórnin fyrireikar ein hjálpar pakka til landbúnaðin, og fyrrapartin vóru landbúnaðarframsøgufólkini hjá flokkunum á fundi við Lene Espersen, búskaparmálaráðharr og viðgjørdu ta fíggjarligu støðuna hjá landbúnaðinum. Tað er ikki greitt, hvussu stórur hjálparpakkin til landbúnaðin verður, men tað er eingin ivi um, at vinnan hevur hjálp fyri neyðini, skrivar DR. Víst verður á, at skuld- in hjá landbúnaðinum er 350 milliardir krónur, og at framleiðslan gevur ov lítið. 207 tvingssilssølur Fíggjarkreppan í Íslandi hevur millum annað gjørt, at nógvar fastar ognir eru endaðar á tvingsilssølu. Morgunblaðið skrivar, at í fjør vórðu 207 fastognir seldar á tvingsilssølu ímóti 161 árið fyri. Harafturat endaðu 441 bilar á tvingsilssølu í fjør, og tað var heldur færri enn í 2008. Tað vóru tó minni enn so allar ognir, sum fóru á tvang, hóast kravánarar høvdu biðið um tað. Í fjør vórðu ikki færri enn 2.504 fastar ognir kravdar á tvang og 1.068 bilar. Umframt fastar ognir og bilar viðgjørdu myndugleikarnir meiri enn 18.000 innheintingarkrøv, og tað var nakað tað sama sum í 2008. Bert 100 toll- og av- gjaldsfríar sigarettir Frá 1. januar 2010 hava ferðandi bert loyvi til at flyta inn 100 sigarettir toll- og avgjaldsfrítt TOLLUR Rógvi Nybo rogvi@sosialurin.fo Hevur tú sum ferðandi fleiri sigarettir við enn tað, skal tú gjalda avgjald av teimum. Avgjaldið er 1,90 krónur fyri hvørja sigarett - ella 190 krónur fyri hina helvtina av kar tonginum. Avgjaldið skal gjaldast til tollarnar í reyðu rásini í komu høllini á flogvøllinum ella um tú kemur við Norrønu í reyðu rásini á Farstøðini. Taks minnir eisini á, at hava sigarettirnar hjá tær í tínum persónliga viðføri. Tað er ikki loyvt at hava við sær siga rettir fyri onnur. Er tú tó somikið frekur, at tú hevur fleiri sigarettir enn loyvt er at flyta inn toll- og avgjaldsfrítt, og tú ikki boðar frá tí til tollarnar í reyðu rásini, men gongur víðari í grønu rásini 1 metur burturfrá, skal tú rokna við, umframt at skula gjalda avgjald, eisini at fáa álagt eina tollsekt. Toll sektin er vanliga 2 ferðir avgjaldið. Sostatt kann tað koma at kosta heilt upp í 667 krónur fyri eitt kartong av sigarettum. Í annaðkvøld verður kunnandi fundur í Miðlahúsinum í Vágsbotni í Havn um heimleys børn í Kenya Susanne og Leif Madsen hava arbeitt ímillum gøtu- børn í Nakuru í Kenya í 15 ár. Í vikuni vitja tey, saman við afrikanska prestinum David Ford í Føroyum. Tey byrjaðu við at deila mat út til tey svongu gøtubørnini, og í dag leiða tey eitt eitt stórt hjálpararbeiði á stað- num. Seinastu fimm árini hava fleiri føroyingar arbeitt á staðnum í styttri og longri tíð. Verkætlanin umfatar ídag: • Barnaheim fyri 100 børn um • Skúli við 550 næm­ ingum • 70 næmingar á hægri skúlum • Seymiskúli við 35 næm­ ingum • Kreppumiðstøð fyri einligar kvinnur og mammur við børnum • Dagsentur fyri kvinnur sum búgva við ruskdungan Eisini fyriskipa tey ymisk hjálpartiltøk á staðnum, har neyðin er stórst. Mikukvøldið 13. Januar klokkan 20 verður høvi at hoyra tey greiða frá hesum arbeiði í Miðlahúsinum í Vágsbotni. Tey fortelja um lívið ímill um gøtubørnini Um lívssøgur hjá børnum á barnaheiminum Myndir og filmur verður vístur Høvið verður at seta teim um spurningar Møguleiki verður at tekna seg sum faddur, ella við stuðla sjálvum arbeiðinum. Eisini verður møguleiki at keypa málningar og aðrir smálutir úr Kenya, kaffi verður eisini á skránni. Møgu leiki er bert at stuðla við reiðum peningi hetta kvøldið. Øll eru hjartaliga væl- komin í Miðlahúsið 13. januar kl.20 Lesast kann meir um arbeiði á: www. newlife-africa.org Kunningar- fundur um heimleys børn í Kenya