mikudagur 13. januar 2010síða 9

9 tíðindi Nr. 8 - 13. januar 2010 Ein ungur maður varð í Føroya Rætti í morgun dømdur fyri álvarsligan harðskap; dómarin gav honum 40 dagar treytaleysa fongsulsrevsing HARÐSKAPUR Leo Poulsen leo@sosialurin.fo Tað var eitt februarkvøld í fjør, at illstøða stóðst mill­ um tveir ungar mans. Hetta endaði alt í Føroya Rætti í dag við at annar maðurin varð dømdur fyri álvarsligan harðskap. Tað var leygarkvøldið 21. februar í fjør, at teir báðir ungu menninir komu til iln­ ar. Upprunaliga varð ungi maðurin ákærdur eftir §245, ið er harðskapur av serliga ráum slag við nýtslu av onkrum amboði – knívi, fløsku, jarnstong og líkn­ andi. Men eftir vitnisfrá­ greiðingarnar slepti ákæru­ valdið hesa ákæruna og ákærdi mannin eftir teirri linari paragraffini 244. Ákærdi viðgekk at hava sligið órættaða tvær ferðir við knýttum neva og sparka viðkomandi somuleiðis tvær ferðir. Sum dokumentatión legði ákærin, Hanna Vang, fram læknafrágfreiðing ið lýsti, at hann tvær ferðir var hjá órættaða, fyrru ferðina vísti hesin seg ikki at hava fingið serligt mein av viðferðini, men seinnu ferð var órætt­ aði versnaður munandi, og hann varð tí sendur á skaða­ stovuna, har tað varð stað­ fest, at vinstra lunga var perforerað. Órættaði endaði tískil á intensivu deild um náttina. Stranga revsing Ákærin metti, at talan kundi ikki blíva um minni enn 30 daga fongsulsrevsing, og tá talan var um serliga grovan harðskap mælti hon til, at ákærdi varð dømdur 40 daga treytaleysa fongsuls­ revsing. Við í ákæruritinum var eis­ ini ein ákæra um brot á fugla­ veiðilógina við tað at ungi maðurin hevði skotið tvær villgæs, ið sum kunnugt eru friðaðar. Í tí førinum kravdi ákæruvaldið mannin dømda eina bót á 2000 krónur. Verjin, Poul Hansen, kravdi í fyrsta lagi frídøm­ ing. Hann vísti á, at ákærdi ikki var revsaður áður, og at tað var órættaði, ið hevði provokerað ákærda og har­ við var orsøkin til illstøð­ una. Í øðrum lagi metti verjin, at 30 dagar var ivaleysur dómur, og at hesin hartil átti at verða treytaður. Við­ víkjandi bótini vildi ákærdi taka við hesari. Dómarin var tó av aðrari meining. Hann metti harð­ skapin so mikið grovan, at dómurin ljóðaði upp á 40 daga treytaleysa fongsulsrevs­ ing. Hartil skal ákærdi rinda eina bót á 2000 krónur fyri at hava skotið tvær villgæs. Ákærdi valdi ikki at kæra dómin inn fyri hægri rætt, men tók við dóminum. 40 dagar fongsul fyri harðskap Harðskapurin var so mikið grovur, at órættaði fekk vinstra lunga perforerað og endaði á intensivu deild á Landssjúkra­ húsinum Um 7.45-tíðina í morgun rullaði ein stórur steinur oman á Kaldbaksvegin, og í ringa sýninum rendi ein bilur á steinin FERÐSLUÓHAPP Leo Poulsen leo@sosialurin.fo Roknað verður við, at stein­ urin er loysnaður tá frostið er farið úr aftur jørðini, og hann rullaði so oman á Kaldbaksvegin. Ein bilførari var so óhepp­ in ikki at varnast steinin fyrr enn ov seint var og rendi tískil á hann. Eingin mannskaði stóðst av, men bilurin fór so mikið illa, at hann mátti sleipast á verk­ stað. Løgreglan var á staðnum at syrgja fyri, at ikki fleiri bilar rendu á lutfalsliga stóra steinin. Bilur rendi á stein Sum myndin vísir fór bilurin rættiliga illa Mynd: Jens Kristian Vang 20. dag jóla var gam- alt, at jólini endaðu, og tann siðin hev- ur kommunan í Tórshavn tikið upp JÓL Leo Poulsen leo@sosialurin.go Ójavnt er, hvussu long jólini eru hjá fólki. Í danska jólasanginum »Nu er det jul igen« verður sagt, at jólini vara til páska. Tað var so ikki vanligt í Føroyum, men at tey vara til 13. kvøld, sum er 6. januar, er vanligt. Ella til 20. kvøld jóla, sum er 13. januar, er eisini vanligt. Ofta velja fólk at lata jólatræið enda í nýggjársbálinum, um enn tey bíða nakað við at taka annað jólapynt niður. Í Havnar kommunu hava fólk undrast á, at jólatrø og ljósperur og jólapynt ann­ ars hongur uppi enn, men sambært borgarstjóranum er hetta gjørt við vilja. ­ Vit hava valt at lata jólastásið verða hangandi uppi og jólatrøini stand­ andi fram til 20. kvøld jóla. Hetta er jú myrkasta tíðin á árinum og veðrið er ofta ikki so upplyftandi, og tí hava vit hildið tað vera passandi, at lata jólastásið hugna um nakað longri enn vanligt, sigur Heðin Mortensen, borgarstjóri. Hann sigur, at arbeiðs­ fólkið hjá kommununi hevur fingið boð um at bíða við at taka jólastásið niður til í dag, so hetta verður við øðrum orðum seinasti dagur, at fólk í kommununi kunnu fegn­ ast um jólastásið. Jólini enda í dag Fram til í dag stendur jólatræið á Vaglinum uppi og lýsir upp í januarmyrkrinum Mynd: Leo Poulsen Yvir tvey túsund færri akfør Hagtøl fyri skráseting av akførum pr. 12. januar 2010 vísa, at talið av akførum er minkað við meira enn tvey túsund síðan í fjør. Í fjør vóru tilsamans 30.430 akfør í Føroyum í mun til 28.152 í ár. Í løtuni eru 19.671 persónbilar, 3.813 vørubilar og 588 lastbilar í landinum. Tema um bilar Hósdagin verður tema­innslagið í morgunsendingini hjá Kringvarpinum um bilar, hvussu hesir hava ment seg seinastu 10 árini. Prátað verður við Magnus Gunnarsson, biláhugaðan blaðmann og útvarpsvert. Maggi hevur seinastu 10 árini skrivað um bilar í Sosialinum, eins og hann eisini hevur sína egnu útvarpssending „Bilradio“ á Rás2.