mánadagur 18. januar 2010síða 7

7 tíðindi Nr. 11 - 18. januar 2010 gongukvinna heiðraði Í kunngerðini fyri at lata Mentanarvirðisløn Lands­ ins stendur millum annað, at endamálið við at veita virðislønina er at heiðra føroyskt mentafólk sum tøkk fyri útint listarligt avrik, og til tess at kunna fáa Mentanarvirðisløn Lands ins skal virðis lønar­ evnið hava skapað listaverk á høgum støði. 1998: Regin Dahl 1999: Jens Pauli Heinesen 2000: Ingálvur av Reyni 2001: Eyðun Johannessen 2002: Gunnar Hoydal 2003: Hanus Kamban 2004: ­ eingin virðisløn latin 2005: Tita Vinther 2006: Zacharias Heinesen 2007: ­ eingin virðisløn latin 2008: Ebba Hentze 2009: Kári P. Í kunngerðini fyri at lata Heiðursgávu Landsins stendur millum annað, at virðis lønarevnið skal hava virkað til frama fyri ment­ anar lig virði, sum hava týdning fyri føroyska mentan, list og mentanar­ arv. 2001: Fuglafjarðar Sjónleikarafelag 2002: Axel Torgarð 2003: Ólavur Hátún 2004: ­ eingin heiðursgáva latin 2005: Emil Juul Thomsen 2006: Jógvan Isaksen 2007: ­ eingin virðisløn latin 2008: Martin Tórgarð 2009: Laura Joensen Við støði stuttsøguni hjá H.C Andersen um "Mostir", sum fataði leikhúsi sum sín skúla, bar stjórin á Tjóðpallinum Jenny C. Petersen fram heiðurskvøðu til Lauru Joensen, har hon millum annað segði: ­ Á mangan hátt ert tú Laura sum ein mostir fyri okkum øll. Lukkutíð fyri okkum hevði tú longu sum 14 ára gomul tað árræðið, sum hevur merkt teg líka síðani, Tað eru so nógvir leikir, sum koma fram fyri okkum, tá vit hugsa um Lauru Joensen á palli: Kærleikssøga aldarinnar, Feit og fregin, Eitt dukkuheim, Logi, logi eldur mín, Glataðu spælimenninir, Shirley Valentine ­ ja, vit kundu hildið áðfram. ­ Tú hevur ferðast kring landi sum sjónleikari og leikstjóri. Ongin krókur í landinum hevur verið ov fjarðskotin, og ongin uppgáva ov lítil. Tú hevur spælt, leikstjórna og týtt leikir, arbeitt við tí fyrisitingarliga og verið undangongukvinna fyri at fáa stovnsett ein Tjóðpall. Tú hevur ósjálvsøkin arbeitt fyri at føroyskur sjónleikur og tey, sum arbeiða innan listi sum heild, skuldu fáa betri kor. ­ Um tú hevði fingið løn fyri tað stríð og tey avrik, tú hevur útint fyri at ríka okkum løturnar, so vart tú uttan iva vælhavandi í dag. ­ Tó at tú hevur havt tungar løtur og strævnar dagar, hevur tú altíð stríðst fyri tí, tú helt vera rætt, og herjað á aftur. Rói Patursson bar fram kvøðu til Kára P har hann millum annað segði: ­ Míni orð í kvøld eru hvørki ein søgulig kvøða ella ein afturlítandi røða. Í teimum skrivaðu og komponeraðu vísunum hjá Kára P hava hittin­ orðini og tær skeivu við­ merkingarnar úr ger­ andis skemtinum eitt kenslu sterkari andlit, sum kann skifta ímillum ovfarakæti og tíðarleysa utopi, men eisini desperata ironi. Tað ein­ asta, tú ongastaðni møtir, er líkasæla. ­ Eins og tær skræddu lagnurnar og hugans menn iskju, sum Kári skrivar um, eru eisini vit í gullkálvakonkur rens­ uni. Eg veit ikki, um spit arin er í botni. Er tað nakar, sum kennir ferðina og kósina? Men eitt haldi eg meg vita ­ vit geva okkum framvegis ikki tíð til at spyrja um hvagar og hví. ­ Viðhvørt upplivi eg Kárasa gullkálvadans sum eina mynd av tí »Blinda liðnum« hjá Christiani Matras, tá tað er gingið amok. ­ Kári P hevur altíð verið tann, sum ger gjøldur burtur úr makt­ máli og ideologiskum valdi. Hann er skjótur at gera vart við, at nú er nokk klappað. Hann sær tað rukkuta í tí slætta, tað skrukkuta í tí hátíðar­ liga og tað ivasama í øllum harradømi, um tað so eru politikarar, rík­ menn ella sálarhirðar. ­ Í dag er tað blivið so populert millum summar politikarar at hótta. Ser­ liga tey gomlu, haldi eg, ­ við ótryggleikum av ymiskum slag. Tí má tað sigast at vera í røttum tíma, at landsstýris­ kvinn an í mentamálum, Helena Dam á Neystabø, nú hevur givið landsins tignarligastu viður kenn­ ing til multikunstnaran Kára P, sum umframt so nógv annað gav okkum Kalla Katt, Herluf, Ljósið hinumegin endur­ tøkurnar og áhaldandi eggjar okkum til at ganga út úr takt. ­ Í hesum samanhangi er tað eisini neyðugt at nevna Bob Dylan... Nei, tað er tað yvirhøvur ikki... Mentanarvirðisløn Landsins: Heiðursgáva Landsins Sum ein mostir fyri okkum Nú er nokk klappað... Eyðun Christiansen nýggjur aðalskrivari Stýrið fyri Kommunusamskipan Føroya hevur sett Eyðun Christiansen í starv sum aðalskrivara felagsins. 22 umsóknir vóru til starvið. Eyðun Christiansen hevur drúgvar royndir m.a. sum ráðgevi hjá Føroya Kommunufelag farnu sjey árini. Í hesum starvi hevur hann havt høvuðsábyrgdina at veita kommunum fakliga og politiska ráðgeving um øll kommunal viðurskifti. Í hesum sambandi hevur hann eisini tikið lut í øllum samráðingum og fakligum útgreiningararbeiðum, sum hava við kommunal viðurskifti og uppgávu­ og ábyrgdarbýtið millum land og kommunur at gera. Hann var millum annað limur í kommunalu umskipanarnevndini, sum Innlendismálaráðið setti í fjør at fyrireika komandi kommunalu umskipanina. Eyðun Christiansen hevur samfelagsvísindaliga útbúgving frá hægri lærustovni, og byrjar í starvinum sum aðalskrivari hjá Kommunusamskipan Føroya skjótast tilber. Eyðun Christiansen, nýggjur aðalskrivari í Kommusamskipan Føroya, og Heðin Mortesen, borgars­ tjóri í Havn og formaður í KSF