mánadagur 18. januar 2010síða 16

16 Nr. 11 - 18. januar 2010 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Dagurin 18. januar. Prisca. Ung genta, sum einaferð í 3. øld verður hálshøgd fyri trúar sakir. Gomlu jól enda, tá ið jóladagur er 6. januar eftir julianska kalendaranum. Dagurin verður eisini róptur gamli trettandi. Vilt tú verða ríkur, skal tú gomlu trettandu nátt ganga út og sita á kjørbreyt. Magnus Heinason varð hálshøgdur hendan dagin í 1589. (Axel Tórgarð: Dagar og nøvn í álmanakkanum, 2. broytta útgáva 2008) Kringvarp Føroya skipaði fríggjadagin 15. januar fyri mót­ tøku í sambandi við at Jógvan Arge útvarpsmaður hevur starvast á stovninum í 40 ár Myndir: Jens Kristian Vang Kendi frásøgumaðurin í Kringvarpinum, Jógvan Arge, varð heiðraður við móttøku fríggjadagin í sam­ bandi við at hann hevur starvast 40 ár á stovninum. Nógv fólk nýttu høvið at heilsa upp á Jógvan hendan dagin, starvsfelagar, fam­ ilja, vinir og kenningar, og fleiri røður vórðu hildnar. Tey sum hildu røðu vóru millum onnur kringvarps­ stjórin Annika Mittún Jacob­ sen, Rúni Heinesen, formað­ ur í kringvarpsnevndini, og starvsfólkini í Kringvarpin­ um Solby Eliasen og Suni Merkistein. Eisini helt Jógv­ an sjálvur røðu. Millum føroyingar er Jógvan er helst best kendur fyri sínar frásagnir frá t.d. kappróðri og fótbóltsdyst­ um, umframt at hann eisini er kendur sum rithøvundur. Hann hevur m.a. skrivað ymisk minnisrit og bøkur um føroyingar í Grønlandi. Eftir at Jógvan varð liðug­ ur við sína útbúgving sum journalistur á Ritzaus Bur­ eau í Keypmannahavn, byrj­ aði hann sum programmed­ arbeiðari í Útvarpi Føroya 1. januar 1970. Frá 1979­ 1989 var hann leiðari fyri tíðindadeildina, og eftir tað var hann programleiðari á stovninum til 2008. Jógvan heiðraður Tøkk Hjartaliga tøkk til øll tykkum, sum á ymiskan hátt sýndu samkenslu og hjálpsemi, tá okkara kæri bróðir Elias Karl Petersen fyrrverandi lærari, Sandavági doyði og varð jarðaður. Somuleiðis ein tøkk til tykkara, sum hava latið peningagávu til Meinigheitshúsið í Sandavági. Familjunnar vegna Brøðurnir 70 ára føðingardagur 19. januar verður Finn í Puntabyrgi, Tórshavn, 70 ár. Dagurin verður hildin saman við teimum nærmastu. Diamantbrúdleyp 28. jan. kunnu hjúnini Diana og Alfred Klein, Fuglafirði, halda diamantbrúdleyp. Dagurin verður hildin í bygdarhúsinum í Leirvík leygardagin 30. jan., kl. 16, har øll eru vælkomin. Fólk verða biðin um at siga frá í seinasta lagi 23. jan. á tlf. 444092. Diamantbrúdleyp Fríggjadagin 26. feb. hava hjúnini Heinina og Sigurd Gaard Hansen diamantbrúdleyp. Dagurin verður hildin leygardagin tann 27. feb. í Royndarhúsinum í Nólsoy. Tey, sum vilja gleðast saman við okkum, verða biðin um at siga frá á tlf. 327145 ella 527145 innan 7. feb. Silvurbrúdleyp Týsdagin 2. feb. hava Jóhan Petur S. og Lis Olsen silvurbrúdleyp. Dagurin verður hildin í kafeteria í Kelduni í Skálafirði týskvøldið 2. feb. frá kl.18. Øll eru hjartaliga vælkomin. Brúdleyp Leygardagin 23. jan. kl. 15 giftast í Hoyvíkar Kirkju Tóra Simonsen, Saltangará, og Herbert í Lon Jacobsen, Hoyvík. Vælkomst verður heima við hús frá kl. 19, har øll eru hjartaliga vælkomin. Merkisdagar Kringvarpsstjórin, Annika Mittún Jacobsen, handar Jógvani ein málning gum gávu frá Kringvarpinum Jógvan og mamman, Petra, og konan Marita Arge Starvsfelagarnir Suni Merkistein og Jógvan Arge Jóannes Ejdesgaard, fíggjarmálaráðharri, heilsar upp á Jógvan Lesið -so eru tit við!