fríggjadagur 22. januar 2010síða 38

38 tíðindi Nr. 15 - 22. januar 2010 Kringvarp Føroya megnaði at spara góðar 9 milliónir krónur í 2009, samanborið við 2008. Hetta er omanfyri 13 prosent av samlaðu útreiðslunum. Tað vísa fyribilstøl, sum Sosialurin hevur fingið hendur á Kringvarp Rógvi Nybo rogvi@sosialurin.fo »Hetta hevur verið hart«. Orðini eigur Annika Mittún Jacobsen, kringvarpsstjóri, sum – hóast nógv rumbul seinasta árið – hevur megn­ að at spart góðar 9 milliónir krónur á stovninum í 2009, samanborið við 2008. Í prosentum svarar hetta til eina sparing á omanfyri 13 prosent. Til samanlíkn­ ingar kann nevnast, at Løgtingið fyri 2010 hevur álagt øllum ráðunum at spara 2 prosent á sínum øki. Annika Mittún Jacobsen sigur, at hon veruliga má rætta eina hond til starvs­ fólkini. – Tað hevði ikki borið til uttan teirra hjálp, at tey vóru villig til at strekkja seg eitt sindur long­ ur, sigur hon. Hóast Kringvarpið hevur spart heilar 9 milliónir krón­ ur, stava bert 1 – 2 milliónir krónur frá lønar­ og sam­ sýningarposanum. Hinar 7­8 milliónirnar eru spardar undir øðrum rakstrarútreiðslum. Annika Mittún Jacobsen greiðir frá, at tey veruliga hava verið runt allastaðni eftir hesum sparingunum. Eitt nú hava tey veruliga skorið niður á keyp av free­ lance tænastum og øðrum eksternum tænastum. Hall hóast sparing Men hóast Kringvarpið hev­ ur spart 9 milliónir krónur í fjør, gjørdist endaliga úrslitið eitt hall á eina hálva millión krónur, og er hetta orsakað av, at inntøkurnar hjá Kringvarpinum fullu meira enn væntað. Inntøkurnar hjá Kring­ varpinum fullu úr 64,7 milliónum í 2008 til 58,5 milliónir krónur í 2009. Fallið stavar í høvuðsheit­ um frá inntøkum í lýsingum, sum fullu 700.000 krónur, og frá spæliinntøkum, sum fullu 3,3 milliónir krónur. Harumframt fall inntøkan av kringvarpsgjaldi við 1,1 millión krónur. Annika Mittún Jacobsen greiðir frá, at 2008 var eitt serliga gott ár hjá Gekkin­ um, og tí vóru inntøkurnar so stórar frá spæli í 2008, og at hetta ikki var førið í 2009. At inntøkurnar av Kring­ varpsgjaldi eru falnar, sigur Kringvarpsstjórin, at hetta hevur nakað við kreppuna at gera. ­ Lógarverkið er skrúvað soleiðis saman í løtuni, at um fólk ikki vilja gjalda Kringvarpsgjald, og siga, at tey ikki hava sjónvarp ella útvarp, so kunnu vit ikki gera so nógv við tað, sigur Annika Mittún Jacobsen. TÍN ORKA www.magn.fo Kringvarpið spardi 9 milliónir í 2009 Kringvarp Føroya megnaði at spara 9 milliónir krónur í 2009 í mun til 2008. Men hóast stóru sparingina, endaði árið við halli Savnsmynd