mánadagur 25. januar 2010síða 28

28 ÍTRÓTTARBLAÐIÐ Sosialurin 25. januar 2010 – Nr. 16 Hóast stóra niðurtúrin ímóti Íslandi, so trýr danski landsliðsvenjarin enn uppá, at Danmark kann vinna EM-gull Danmark fekk veruliga oyruni í íslendsku maskinuna leygarkvøldið. Danska dagblaðið, BT, fór so langt sum at skriva, at »danskarar vóru rundbarberaðir av íslendingum«, og at íslendingar veruliga »góvu døn­ um eina hondbóltsfrálæru«. Men hóast tann greiða ósigurin, so trýr danski venjarin, Ulrik Wilbek, framvegis uppá, at Danmark kann røkka hálvfinaluni. Ein hálvfinala, sum veruliga hevði verið í eygsjón, um Danmark hevði vunnið á Íslandi. Góð dystarskrá – Tað sær bara gott út í millum­ spælinum. Vit hava Russland og Noreg í teimum báðum fyrstu dystu num. Eg spurdi spælararnar í skifti rúminum, um nakar teirra trúði uppá, at vit ikki kunnu vinna á Russlandi og Noregi. Har var eingin, og tað eru altso tvey lið, vit eiga at kunna vinna á, staðfestir Ulrik Wil­ bek. – Vit hava Kroatia í síðsta dysti­ num, og tað er veruliga heppið. Tá hava kroatarnir vónandi spælt seg í hálvfinaluna, og tá er ikki víst, at motiva sjónin hjá teimum er so stór. Vit hava verið í hesi støðuni fyrr og hava vunnið okkum í hálvfinaluna alíkavæl. Tað kunnu vit gera aftur. Pólland og Frakland hava lagt seg á odda Kekkia stóð fyri sensa- sjónini í gjár, tá teir vunnu 37-35 á Slovenia Fronsku heimsmeistarnir og olymp­ isku meistarnir vunnu 24­22 á Týsk­ landi í millumbólki 2 í gjár. Hálv leiks­ støðan var 12­10 til Frakland. Eitt skiftið var Frakland á odda við sjey mál um, og tað stóð á gomlum nøgl­ um ímóti dystarenda, men einaferð vísti málverjin, Thierry Omeyer sítt virði við fleiri klassabjarginum. Í løtum vísti Nikola Karabatic eisini sítt gamla støðið, sum kann geva vónir um, at tað sannførandi franska spælið ikki er so ræðuliga langt burtur. Pólland vísti sera gott spæl ímóti Spania, tá póllendingar vunnu ein sann førandi 32­26 sigur á spaniu­ monnum. Pólland var á odda 13­9 í steðginum. Pólland byrjaði dystin væl, og teir vóru alla tíðina fram­ man fyri ta heldur tama spanska lið­ ið. Aftur í dag stóð Slawomir Szmal, sum ein livandi múrur í pólska máli­ num, og átti hann sín stóra lut í pólska sigrinum. Kekkiskur stórskjútti Kekkia stóð fyri sensasjónini, tá teir í gjár vunnu 37­35 á Slovenia, sum ann ars hevur staðið seg sera væl í hesari kappingini. Stórskjúttin, Filip Jicha var høvuðsorsøkin til kekkiska sig urin. Hann skjeyt heili 12 mál í dysti num í dag. Kekkia fór undan slovenum í fyrra hálvleiki, og í steðginum var Kekkia á odda heili 21­12. Petr Stochl í kekk iska málinum stóð eisini væl í máli num, og hann átti eisini sín stóra lut í sigrinum. Slovenia ress að­ ist ikki, fyrr enn ímóti endanum av dystinum, men tá var klokkan farin undan teimum, og nærri enn 35­37 kom slovenska liðið ikki. Leingi sá svart út, men tað eydnaðist norðmonnum at enda at knógva Ukraina Noreg hevði sítt hoyggj við Ukraina, men tað eydnaðist okkara grannum í eystri at vinna ein tepran 31­29 sigur á Ukraina. Ukraina var á odda 16­14 í hálvleikinum, og norðmenn høvdu stórar trupuleikar við at koma í gongd, umframt at Stian Vat­ ne helst er liðugur í EM, tí hann fekk ein skaða í knæið. Norski landsliðsvenjarin, Kristian Kjell ing, fegnaðist um sigurin, men var tó misnøgdur: – Vit spældu sera illa. At vit vunnu hendan dystin, er eitt undur, segði hann. Fyri hondbóltsfjepparar í Før oy­ um er eitt spennandi millumumfar í væntu, tí Noreg endar saman við Kroa tia og Russlandi í bólki saman við Danmark, Íslandi og Eysturríki í millum spælinum. Kroatia vann 30­28 á Russlandi, og tað merkir, at Kroatia tekur fýra stig við sær í millumumfarið. Noreg fær tvey stig við sær, meðan Russ­ land einki stig fær við, tí stigini ímóti Ukraina falla burtur. Torført at endurtaka Svenska stórheitstíðin í altjóða hondbólti frá 1990 til 2002, sum gav 13 heiðursmerki á rað, verður torfør at endurtaka. Í Eysturríki tapti Svøríki allar tríggjar innleiðandi dystirnar í EM­endaspælinum. Núverandi landsliðsvenjarin, Staffan Olsson, sum var við tey gyltu árini, er tó bjartskygdur: – Fáa vit góða breidd aftur á liðnum við fleiri altjóða sterkum spælarum, fáa vit eisini úrslitini, sigur hann. Ávirkar HM á heimavølli At Svøríki longu í innleiðandi umfarinum reyk úr EM­endaspælinum, kann kosta bæði ítróttarliga og fíggjarliga. Svensk hondbóltsfólk stúra fyri, at tá Svøríki um eitt ár er vertur fyri HM­endaspælinum í Malmö, Lund, Göteborg og Skövde, fer hetta at speglast aftur í viknandi áhuga og atgongumerkjasølu. Vánaliga EM­úrslitið í Eysturríki kann eisini koma at ganga út yvir styrkimetingina. heris@sosialurin.fo Heri SImonsen heris@sosialurin.fo Heri SImonsen heris@sosialurin.fo Heri SImonsen Wilbek trýr upp á tað Danski landsliðsvenjarin, Ulrik Wilbek, er bjartskygdur undan millumumfarinum Noreg bardi seg víðari Norska landsliðið mátti stríðast fyri sakini, áðrenn sigurin á Ukraina var veruleiki