týsdagur 2. februar 2010síða 16

16 Nr. 22 - 2. februar 2010 Enn einaferð er M.C. Restorff ”á ferð”. Vit hava áður hoyrt hann sagt frá Grønlandi, Ukraina og í vikuni, sum fór, endaðu frásagnirnar úr Ísrael tíðindaskriv Landið í lýkkuni = Tær Kanarisku Oyggjarnar. M.C. brosar meðan hann undrast eitt sindur: ”Nú punkt um er sett við tær 32 ferðafrá­ sagnirnar úr Ísrael, hevði ver­ ið náttúrligt at vent Miðeystri bakið, siglt aftur á beint út úr Miðjarhavinum og síðani snara í stýriborð, lúkst heim­ aftur til Føroyar og lagt seg á sofuna – mission completed. Hetta hevði samstundis givið onkrum høvi til at hvílt sær oyruni. Ein annar annar hevði kanska brúkt steðgin til at samla sær nýggjan matarlyst áðrenn næstu útpurring frá undirritaða, hvat veit eg. Men so verður ikki! Dreyi heldur í bakborð og haldi í ein sunnan.. fram­ við Marokko í Útnyrðings­ afrika. Lagt verður stilt á Teimum Kanarisku oyggj­ unum, sum ein í hesum sambandi eri farin at nevna: ”Landið í lýkkuni”. 1. sending í luftina í dag kl. 13.10 Upptøkurnar byrjaðu longu fyrsta dagin havna­ maðurin kom til kanarisku oynna Tenerife. M.a. hoyra vit um grinda­ hval og delfinir, sum fáa ferðafólk at leita á píla­ grímsferð út á havið, har garvaðir sjógarpar gera sítt til, at hesi fáa eina ógloym­ andi uppliving. (Í einari seinni sending sleppir lurt­ arin við út á hav, har M.C. fer at siga frá upplivingini at hitta skyldfólk hjá okkara heimligu grindahvalum og springarum.) Í hesu fyrstu sendingini verður farið ein stuttan túr í býin. Afturkomin á hotellið er ein ikki sørt ransakandi uppliving í sambandi við eina mótasýning í økinum rundan um svimjihylin. Lisin verða 2 stutt brot úr bók hjá kenda prædikumann­ inum D.L. Moody um Himmalin, og ímillum mongu frásagnirnar í hesi 1. sendingini, er sjálvandi eis­ ini søgan um upprunan til teir fagurtlittu gulu kanariu­ fuglarnar, sum fjølga um heimahugnan hjá fólki um heimsins kring. Sendingin er longu aftur at hoyra í annaðkvøld kl. 23 Bacalao døgurði kveikti áhuga fyri søgu ”Hetta eina kvøldið á Ten­ erife, vóru vit 6 føroyingar til borðs á einari fiska­ matstovu”, sigur M.C., sum sigur at bacalao merkir tosk­ ur á sponskum. ”Varnaðist eisini, at føroyska søgan um klippfiskaframleiðsluna ikki er skrivað. Spennandi varð at leita í bókum og gomlum skjølum. Var eisini úti á Fróðskaparsetrinum og spurdi meg fyri.” Í 5. sendingini byrjar kunn­ ingin um klippfiskin, og fyri at samanbera heimligu søgu okkara við aðrar, verður eisini nomið við hina norsku klippfiskasøguna. El Silbo floytimálið Flestu føroyingar duga at floyta, men ein gomul sið­ venja á kanarisku oynni La Gomera ger tað møguligt at samtala hvør við annan á floytimáli, sum burturi í haga hoyrist einar 6 km, tá lotið er við. Hetta við floyti­ málinum er bara eitt av tí forkunniga, sum M.C. borð­ reiðir við í nýggju røðini sunnan úr Atlantshavi. Himnasinnaðir sangir Veðurlagið á Oyggjunum í lýkkuni er júst, sum mangur roknar við at Himmalin fer at bjóða uppá: ikki ov heitt – ikki ov kalt, men passaligt. Trúboðarin, Victor Daniel­ sen, skal hava sagt, at hann visti ikki um nakran við fóta­ kulda, sum var blivin um­ vendur á einum møti. Hetta skuldi verða ein eyggjan til teirra, sum stóðu fyri møtun­ um, at hita væl áðrenn fólkið kom. ”Fótakuldi í himmi­ ríki?” lær M.C. ”Nei tað rokni eg ikki við. Tvørtur­ ímóti! Haldi meg í hesum frásagnunum til sangir, sum umtala Himmalin.” Røtt árstíð at byrja sendirøðina ”Fyri jól – og á jólum sært tú tær ymsu sjónvarpsstøðir­ nar og biohøllirnar sýna filmar við kava og kanska eisini jólamonnum. Tað er í fínasta lagi. Tú sært í har­ afturímóti ongan film við jólamonnum á hásumri. Í hvussu er og ikki; nú dag­ arnir hjá okkum enn eru stutt­ ir, og fólk flest leingjast eftir ljósi og lívi úti í náttúruni, koma hesar frásagnirnar hjá mær, sum eitt balsam – vóni eg í hvussu er,” sigur M.C. ”Veit ikki hvussu nógv hann og hon ganga og hugsa um himmalin til gerandis. Veit bara, at hvør okkara í sínum lagi roynir at krøkja seg til lívið, so leingi vit og skil er nøkulunda í lagi,” hug­ leiðir fyrrverandi hotelmað­ urin, sum enn einaferð lutar uttanlendis upplivingar sínar við onnur, meðan hann hegn­ isliga kryddar við smásøgum og hvørjum av sínum, sum stakst upp á hann á leiðini. Lindin við nýggjari sendirøð Photo Care skipar aftur í ár fyri ókeypis myndatøku, av børnum í aldrinum 0­12 mánaðir. Fittasta barnamyndin fer víðari til donsku kappingina „Danmarks sødeste baby“. Tann sum eigur vinnara­ myndina í Føroyum fær eina stóra innrammaða mynd av sjálvari vinnaramyndini. Tað ber sjálvsagt eisini til at keypa myndirnar. Tað einasta tú skalt gera er at bíleggja tíð á tel. 219988, mail: 7913@7913. fo ella á Facebook: Photo­ care Hoyvík. Myndatøkan byrjaði seinasta mánadag og varar til týsdagin 23. februar. Meira um atkvøðugreiðsl­ una seinni. Vinnarin í Før­ oyum verður funnin 26. februar. Hetta ar annað árið at vit skipa fyri hesum myndatøk­ um. Undirtøkan var sera góð í fjør, sigur Niels Jacob Heinesen frá Photo Care í Hoyvík. Fittasta barnamyndin Merkisdagar 50 ára føðingardagur 18. feb. verður Símun Poulsen, Bøgøta 15, Klaksvík, 50 ár. Dagurin verður hildin leygardagin 20. feb í Skálanum frá kl. 17, har øll eru hjartaliga vælkomin. Tey í vilja gleða Símun við at koma í føðingardag, kunnu siga frá á tlf. 221265 ella 220109 innan 14. feb. 80 ára føðingardagur Mánadagin 1. feb. verður Hans Poulsen, Klaksvík, ættaður av Eiði, 80 ár. Føðingardagurin verur hildin 6. feb. hjá dótturini í Kristiansgøtu 37, Hoyvík frá kl. 17. Silvurbrúdleyp Týsdagin 2. feb. hava Jóhan Petur S. og Lis Olsen silvurbrúd­ leyp. Dagurin verður hildin í kafeteria í Kelduni í Skálafirði týskvøldið 2. feb. frá kl. 18. Øll eru hjartaliga vælkomin. Gullbrúðleyp Hósdagin 4. feb. hava Oda og Árni Frederiksberg, á Strondum, gullbrúdleyp. Dagurin verður hildin fíggjakvøldið 19. feb. frá kl. 18 í Kelduni í Skálafirði. Diamantbrúdleyp Fríggjadagin 5. feb. hava Aðalbjørg og Sigurd Joensen í Oyndarfirði diamantbrúðleyp. Dagurin verður hildin í bygdarhúsinum í Leirvík leygardagin 6. feb., kl. 15, har øll eru hjartaliga vælkomin. Brúdleyp Leygardagin 6. feb. giftast Niza Pardillo, av Filips­ oyggjunum og Hans Hilmar Johannesen av Toftum. Vælkomst verður á Svangaskarði kl. 19. Tey, ið ynskja, at gleða okkum við at koma, verða vinarliga biðin um, at siga frá á tlf. 748134/448134 innan 2. feb. Brúdleyp Leygardagin 6. feb. kl. 14 giftast í Filadelfia, Bergur Enghamar Jacobsen og Theresa Adjin­Tettey Petersen. Veitslan verður fyri innboðnum kl. 19 í Pállstovu. Brúdleyp Leygardagin 13. feb. giftast Joyce Idan, Ghana og Robert Hansen, Nes. Vælkomst verður í Kvinnufelagshúsinum á Glyvrum frá kl. 19. Tey, ið ynskja, at gleða okkum við at koma, verða vinarliga biðin um, at siga frá innan 10. feb. á tel. 283756 ella á 447756. Sonja Ørkedal fødd Petersen av Sevmýri, Tvøroyri, andaðist fríggjadagin í Vatne, Ålesund, 79 ára gomul. Karl Jacob Petersen, Klaksvík, andaðist í heimin­ um leygarmorgunin, 61 ára gamal. Andlát og jarðarferðir Dagurin 2. februar. Kyndilsmessa. Er upprunaliga ein mariumessa og varð hildin til minnis um vitjan Mariu í halgidóminum 40 dagar eftir føðingina, sum siður var hjá jødiskum konum. Henni til minnis og barninum til heiðurs vórðu kertur og kyndlar tendraði, og av tí kem­ ur navnið missa candelarum. Navnið candela merkir vaksljós. Victor Danielsen doyði hendan dagin í 1961. (Axel Tórgarð: Dagar og nøvn í álmanakkanum, 2. broytta útgáva 2008)