fríggjadagur 12. februar 2010síða 20

20 Nr. 30 - 12. februar 2010 Mikudagin 10. februar fylti Signar á Brúnni í Fuglafirði 65 ár. Hann er vælkendur um landið sum løgtings­ maður og landsstýrismaður í tilsamans 28 ár. Signar er útbúgvin lærari á Føroya Læraraskúla í 1969 og var fyrst lærari á Strondum í fýra ár. Síðan hevði hann fast starv í Fuglafjarðar Skúla í mong ár. Hann var eisini skúlaleiðari í styttri skeið á Eiði, í Leirvík og í Vest­ manna. Signar kom sum 25 ára gamal á ting í 1970 fyri Tjóðveldisflokkin í Eystur­ oynni. Hann var tingmaður til 2002, tá hann ikki stillaði uppaftur, tó árini 1980­84 undantikin. Hann var lands­ stýrismaður í fleiri umførum: 1989­90, 1993­ 94 og 1998­2000. Av øðrum álitisstørvum kann nevnast, at hann var limur í Landsskúlaráðnum í 12 ár og í Mentanargrunnin­ um í 16 ár, umframt at hann eisini hevur verið býráðs­ limur í Fuglafirði. Eisini er hann ítróttarmað­ ur og spældi við á 1. liði hjá ÍF í mong ár. Signar hevur víðan sjónar­ ring og hevði tí eisini sum politikari áhuga fyri øllum samfelagsmálum, men serligan áhuga hevði hann fyri skúla­ og mentanarmál­ um. Hesi mál umsat hann í fleiri umførum sum lands­ stýrismaður. Útbyggingin av studenta­ og handilsskúla á Kambsdali var eitt av hansara hjartamálum. Í dag er Signar skúlastjóri við Skúlan á Ziskatrøð í Klaksvík. Signar er sonur Siggu og Jógvan Hansen í Fuglafirði. Hann er giftur við Gunnvør av Skipanesi, dóttir, Marin og Andreas Skipanes. Gunn­ vør og Signar eiga børnini: Hans David, Marin og Jógvan Andreas og umframt ommu­ og abbabørn. -red Signar á Brúnni 65 ár Føroysku møtini, sum Malta í Hirtshals skipar fyri í Suðurjyllandi, verða hetta vikuskifti. Poul Færø og Svenning av Lofti eru aftur á ferð í Danmark og koma at luttaka á møtunum. Teir verða við bæði í Esbjerg, Sønderborg og Vejle. Hans Jákup á Lava verður við á øllum møtun­ um, og við sínum eyðkenda guitarspæli kemur hann at leiga felagssangin. Bjóðað verður til hugnaliga sam­ veru eftir hvørt møti, har ein drekkamuður verður við onkrum afturvið. Um onkur ynskir eina samtalu um andalig viðurskifti ella forbøn, so eru Poul og Svenning til reiðar at tæna á tann hátt. Svenning og Poul komu til Danmarkar seinasta mikudag, og longu miku­ kvøldið vóru teir við til hús­ møti í Horsens í Miðjyl­ landi, sum føroysku hjúnini úr Vági, Malan og Alex­ andur Wilhelm, høvdu bjóð­ að inn til. Alexandur sigur, at ætlanin er at skipa fyri regluligum føroyskum møt­ um í Horsens. Tað búgva fleiri føroyingar í Horsens og har rundan um. Malan og Alexandur fluttu við fam­ iljuni til Horsens fyri eini tíð síðani. Poul og Svenning siga, at teirra ørindi eisini er at vitja føroyingar, búsit­ andi í Danmark, og vóna at kunna vitja fleiri. Um onkur ynskir eina vitjan av teim­ um, ber til at seta seg í sam­ band við okkum á Malta. Vit heita á tykkum heima, sum kenna føroyingar á hesum leiðum, um at boða teimum frá møtunum. Til Noregs Týsdagin 16. februar fara teir við ferju úr Hirtshals til Stavanger, og fara beina leið til Karmoynna, har teir hava møti mikukvøldið 17. Dagin eftir gongur leiðin til oynna Bomlø, sum ikki ligg­ ur langt frá Karmoy. Har búgva fleiri føroyingar, sum teir hava bjóðað til møti hóskvøldið. Fríggjakvøldið verða teir í Hovshered, sum liggur norðanfyri Flekke­ fjord. Har koma teir at hava møti í einum sokallaðum Bedehus. Leygardagin, 20. februar, gongur leiðin úr Noregi og aftur til Hirtshals. Sunnu­ dagin, 21. februar, verða teir til bæði møtini á Malta í Hirtshals. Um onkur vil vita meiri um møtini sunn­ anfyri ber til at ringja á hesi telefonnummur: 98944370 / 30589644 / 228314 (fø.) Skráin fyri møtini: Fríggjakvøldið 12. februar kl.19.30 í Esbjerg, Spangs­ bjerg Møllevej 16c Mølle­ parken, dk­6715 Esbjerg N. Í Sønderborg leygarkvøldið 13. februar kl.19.00 Miss­ jonshuset, Møllegade 9 dk­ 6400 (breyðbróting í somu hølum sunnumorgunin 14. feb. kl.10). Sunnudagin 14. februar kl.17.00 í Vejle. Staldgaardsgade 4. dk­7100 (í hølunum hjá Frelsunar­ herinum, breyðbróting kl.16.00 í somu hølum). Poul Jóhan Djurhuus gjaranes@olivant.fo Svenning og Poul í Danmark Í dag, fríggjadagin 12. februar kl. 16.00, letur ein málingaframsýning hjá kvøldskúlanæmingum hjá Arngerð Joensen upp í Smiðjuni í Lítluvík. Á framsýningini eru naturalistiskir og abstrakt­ ir málningar eins og collagur. Framsýningin er : Fríggjadagin frá kl.16­ 18.00, leygardagin frá kl.14­18 og sunnudagin frá kl.14­18. Framsýning í Smiðjuni