mánadagur 22. februar 2010síða 30

30 Nr. 36 - 22. februar 2010 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 ”Tú trýstir bara á búkin, so hava okur ein tátt aftrat, og so er skráin fullfíggj­ að!!” Hvussu ofta søgdu antin eg ella Goya­Petur hesi orðini, tá ið vit skiltust seinnapartin nýttársaftan eftir at hava sitið og fyrireikað okkum til nýttárs­ veitsluna um kvøldið?? Jú, í eini 30 ár á rað arbeiddu vit saman um at gera undirhald til fyrst og fremst nýttárs­ veitslurnar, men seinni komu so klubba­ veitslurnar, ikki minst veðragildini, og so eisini eina rúgvu av tiltøkum til frama fyri Vágs bóltfelag. Har er vert at nevna tað tiltikna VB­4, har vit vóru við til at savna nógvan pening inn til frama fyri VB­húsið. Tey seinnu árini hevur Arnfinn Thomasen eisini verið við okkum. Tá ið V­4 hjá útvarpinum fyrstu ferð fór út um Havnina, komu teir suður til Vágs. Hetta var í 72. Niels Petur var sjálvandi klárur við einum tátti: “Okur eiga nú V­4 Okur hava onga neyð Og um onnur oss forstýra So skal Hermann teppa tey!” Hermann var sjálvandi Hermann Jac­ obsen sáli, sum jú var primus motor tá við V­4 sendingunum. ­ Hetta var byrj­ anin til, at Niels Petur fór at yrkja til hesar sendingar. Nógvir av tættum hansara vóru reinar perlur. T.d. “Prin­ sessan á Skarvatanga!” ­ um bretska trolaran “Scottish Princess” ið fór á land á Skarvatanga í februar 1977 og gjørdist vrak. Og so ikki minst tátturin um “Cockrow” ­ risaskipið ið fór á land á Tvørafirði í januar 1984. Í yrkingarsavninum “Smátúgvur!” eru einir 90 tættir og sangir. Hetta er sjálvandi bert ein partur av øllum Niels P. hevur yrkt, men hetta vísir tó hvussu fjølbroyttur hann er. Her eru skemtiligar yrkingar, sálmatýðingar, ítróttarkvøður, bygdasangir og mergjaðar fosturlands­ yrkingar sum t.d. hetta ørindi úr yrking­ ini um Vágseiðið: “Grovligt skorið út úr landi Vakurt vorðið ,sum av gandi Stendur stint, tá brimið brýtur Sum ein skansi fyri Vág, móti østa havi lítur Vágseið - føgur sjón at sjá.” Hatta var so bert fyrsta ørindi, men tú kanst lesa restina Í yrkingarsavninum “Smátúgvur!” Tá ið eg kom at arbeiða í Útvarpi Føroya burturav í tvey ár, var eg fyrst og fremst í Barnaútvarpinum. Eg varð tó eisini settur at gera ymiskar undir­ haldssendingar leygarkvøld. ­ Nógvar av hesum sendingum vóru beinleiðis sendingar úr útvarpshøllini t.d. tá ið útvarpið ella V­4 høvdu rundan føð­ ingardag, føstulávint o. s.fr. Sending­ arnar vóru oftast settar saman av smá­ um leikum, tónleiki og so ikki minst aktuellum tættum. Og har hevði eg hvørja einastu ferð eitt gott og trygt mið. Tað var at ringja suður til Vágs til mín góða vin NePtuN. Og tað svit­ aðist ikki. Beint áðrenn deadline lógu oftani tveir spildurnýggir tættir í fax­bakkanum. Góði Niels Petur, hjartaliga vælkom­ in millum okkum yvir 65. Tillukku við degnum og takk fyri so ótrúliga mangar og góðar løtur saman øll hesi árini og ikki minst eina vón um nógvar ríkar løtur framyvir. “Enn rillar hellan á Gaddi!!” ­ er gamalt orðafelli í Vági. Enn trýstir tú á búkin, og enn klári eg at trýsta okkurt burtur úr guitarinum. Vit øll her norðuri ynskja tær og tínum ein góðan dag! Lat meg enda við einum ørindi úr frálíku yrking tíni “Heimbygdin”, sum sigur so nógv: Dýrdarløtur á hásummardegi Fast í sál mína hava seg rist, Sólin veitti tær fløva og megi Fjøll og líðir ein perla av list. Fuglur sang í lofti kátur, Merkt av lívsmóti kendist hansar´ flog, Og av ungfólki smittandi látur, Sum av gleði og trivnaði bar boð. RoMBi NePtuN 65 ár! Hóskvøldið 25. februar kl. 20.00 skipar Heimafor­ bundið og Frelsunarherurin fyri einum sangkvøldi sam­ an við brøðrunum Árna og Marnar Andreasen í Frels­ unarherinum í Havn. Innsavnan verður til missiónsarbeiðið hjá Heima­ forbundinum. Peningurin fer óskerdur til at hjálpa kvinnum í Bangladesh til at læra at lesa og skriva. Eisini verða tær lærdar at ansa sær viðvíkjandi HIV, AIDS og øðrum sjúkum, eins og at hjálpa teimum at fáa arbeiði so tær kunnu forsyrgja sær og sínum. Vitjan verður eisini úr Noreg hetta kvøldið. Tað er Brit Knedal oberstlotnantur, leiðari fyri Heimaforbundið í Noreg, Íslandi og Føroy­ um, sum kemur at siga frá um missiónsarbeiði í Bang­ ladesh og at hava andakt. Fyrireikararnir siga, at øll eru vælkomin til tiltakið og til ein drekkanunn. Syngið við kvøld Marnar og Árni Andreasen Jógvan Fríðrik Kjølbro, ættaður úr Klaksvík, búsitandi í Kanada, andaðist hóskvøldið, 69 ára gamal. Tey, ið vilja minnast Jógvan, kunnu lata Zar­ epta eina penningagávu, konto í penningastovninum. Andlát og jarðarferðir Dagurin 22. februar. Pætursmessa. So mætur maður sum Pætur hevur tveir minn­ ingardagar í álmanakkan­ um, annar er pætursmessa 22. februar og hin er pætursøka tann 29. juni. (Axel Tórgarð: Dagar og nøvn í álmanakkanum, 2. broytta útgáva 2008) Prógv 4. februar 2010 hevur Erla Petersen, Fuglafjørður, lokið Bachelor prógv í stjórnmálafrøði (bach. scient.pol) við Aarhus Universitet. Tøkk Hjartaliga takka vit fyri sýnda samkenslu, tá ið okkara kæri pápi, abbi, langabbi og oldurabbi Hans Jacob Johannesen av Sandi búsitandi í Tórshavn andaðist og varð jarðaður. Takk til tykkum mongu, sum fylgdu honum av Lágargarði og úr Frelsunarherinum til hansara seinasta hvíldarstað. Takk til tykkum øll í Frelsunarherinum, sum stílaðu fyri við ervinum. Takk til Berg og Njál fyri troystarrík orð, horntónleikin, vakran trio sang og duett. Ein serlig tøkk til Lágargarð og Miðstovuna fyri tykkara kærleika og umsorgan. Fyri tey avvarðandi Vilhelm, Karin og Mads Karlo Merkisdagar 30 ára føðingardagur 27. mars fyllir Ruborg Haraldsen, Saltangará, 30 ár. Føðingardagurin verður hildin á Sjókafeini kl. 19. Tey, ið ynskja at heilsa uppá Ruborg, kunnu tekna seg á tlf. 310826 ella 256345 áðrenn 23. mars. 80 ára føðingardagur 25. feb. verður Selma Heinesen, Klaksvík, 80 ár. Dagurin verður hildin á Brekku 16. Frá kl. 18. Brúdleyp Páskadag 4. apríl giftast í Thyregod Kirke, Súsanna Joensen frá Svínoy og Kim Gotsæd. Tey ið ynskja at gleða okkum við at koma í brúðleyp, biðast vinarliga siga frá á tlf: 0045 26535429 áðrenn manadagin 15. mars. Brúdleyp Leygardagin 24. apríl giftast Joan Simonsen, Saltangará og Rúni Jallson Niclassen, Skáli. Vígslan verður í Glyvra kirkju kl. 14. Veitslan verður í Bygdarhúsinum í Leirvík kl. 19. Tey, ið ynskja at gleða Brúðarparið við at koma, verða vinarliga biðin um at tekna seg innan 10. apríl á tlf. 262713, 448051 (Joan) ella 256043, 441603 (Rúni).