fríggjadagur 28. desember 2001síða 2

2 Nr. 249 - 28. desember 2001 Nr. 249 - 28. desember 2001 3 Johan Mortensen og Óla Svenn Nolsøe hava keypt meirilutan av partabrøvunum í Restorffs Bryggjarí og fara nú av álvara at taka kappingina upp við tað innflutta ølið. Teir halda tað avgjørt vera pláss fyri tveimum bryggja- ríum í Føroyum. Kappingarneytin verður ikki Føroya Bjór men innfluttur fløskurnar sigur Óla Svenn Nolsøe, sum verður stjóri á meira enn 150 ára gomlu havnarfyritøkuni VINNA Jan Müller Eitt tað elsta bryggjaríið í danska kongaríkinum, Restorffs Bryggjarí við Landavegin í Havn hevur skift eigara. Óla Svenn Nolsøe og Johan Morten- sen í Havn hava keypt 57% av partabrøvunum í fyri- tøkuni frá Lenu Mørk og Åge Andersen og fara við keypinum at menna søluna av tí so kenda og væl- smakkandi sodavatninum og ølinum. -Vit ætla okkum ikki at kappast við Føroya Bjór, men heldur at taka kappingina upp við ta innflutta danska ølið og sodavatnið sigur Óla Svenn Nolsøe, sum verður stjóri á bryggjaríinum í høvuðs- staðnum. Hann vísir á, at teir fara at halda fram við tí góða samstarvi, sum hevur verið við Føroya Bjór á fleiri økjum og heldur fyri, at tað er pláss fyri tveimum bryggjaríum í Føroyum. Marknaðurin er stórur nokk til bæði tvey og eiga tey at leggja seg eftir at gera eina so góða vøru, at føroyingar minka um keypið av út- lendskum øli og sodavatni. Ola Svenn Nolsøe heldur, at bæði føroysku bryggja- ríni skuldu føla seg sum kollegar heldur enn sum kappingarneytar. Hann heldur eisini, at føroyska ølið er fult á hædd við tað danska. Tað er henda vitanin, sum má koma longur út til fólk. Sama er galdandi fyri sodavatnið. Óla Svenn Nolsøe, sum í dag er stjóri hjá bilasøluni Ford, fer at røkja bæði stjórastørvini at byrja við. Við hesum nýggja arbeið- inum kemur hann bókstavi- liga sagt heimaftur til røt- urnar, nú barnaheim hans- ara er næsti granni hjá Bryggjaríinum. Óla Svenn Nolsøe sigur, at hugskotið til at keypa bryggjarríið kemur frá Johan Mortensen, sum ann- ars ikki er nakar ókendur vinnulívsmaður. Hann var leingi stjóri hjá fiskasølu- virkinum Marr & Company og hevur sseinastu árini verið umboðsmaður hjá Amerada Hess og er í dag stjóri á deildini hjá olju- felagnum Anadarko. Teir báðir hava stovnað felagið Camelot, sum skal reka bryggjaríið. Óla Svenn Nolsøe sigur, at fyritøkan er væl rikin og er hon nútímansgjørd, eitt nú hevur ráðgevi úr Danmark ment vørurnar soleiðis at teir nú fara at leggja seg eftir at menna søluna eisini. Nýggja stjórastarvið skuldi passsað sum fótur íhosu til útbúgvingina hjá Óla Svenn Nolsøe, sum er út- búgvin civilverkfrøðingur við matvøruframleiðslu sum sergrein. Minningarorð um Hannis Arge 30.september andaðist Hannis Arge 74 ára gamal. Hannis giftist við Brynhild- ættað úr Miðvági- í 1949 og fingu tey fýra børn. Teimum untist at vera gift í 52 1/2 ár og megnaðu at geva okkum eitt trygt og gott heim. Mamma tað er svárt hjá tær at hava mist kæra mann tín, tí tit vóru jú altíð saman. Babba eg ynski bara at vísa mín longsul eftir tær, serliga nú tú ikki ert millum okkum hesi jól. Tað er so kensluborið, og lívið reflekterar aftur og aftur. Tað verður so tómligt, tá vit øll børn og abbabørn tíni fara oman til mammu jólaaftan at vera saman, og tú ikki verður millum okkum. Tú elskaði jú, at vit øll vóru saman henda dag, og stuttligt var, tá tú plagdi at deila jólapakkarnar út, tað var nakað serstakt. Tað besta av øllum er tó, at tú, babba, var so glaður fyri størstu jólagávu av øllum- fyri jólaboðskapin- at Jesus kom niður av himli og varð føddur inn í henda heim sum menniskja og virkaði í 33 ár, til hann hevði fullført frelsuætlan Guds fyri alla mannaættina. Hesa gávu takkaði tú Gudi fyri, og jólaaftan syngur tú við tí himmalska kórinum og lovprísar Gudi fyri Jesubarnið. Babba, eitt veit eg, og tað er, at vit síggjast aftur. Takk fyri alt mín elskaði pápi. Dóttir tín Marita Tøkk Hjartaliga takk fái øll tit, ið sýndu samkenslu og hjálpsemi, tá ið kæri maður, pápi, verpápi, abbi og langabbi okkara Tórbjørn Hentze, á Argjum lá sjúkur, doyði og varð jarðaður. Hjartans tøkk øll tit, ið trúliga vitjaðu hann og bóðu fyri honum. Hjartans tøkk øll tit, ið fylgdu honum til gravar. Øll tit, ið sendu blómur, kransar og peningagávur til Missiónshúsið við Landavegin. Hjartans tøkk til Berg D. Joensen, prest, kirkjutænarar, sangarar og berarar og øll tit, sum á ymiskan hátt tóku eina hond í. Harrin signi tykkum øll og gevi tykkum eini gleðilig jól og signað nýggjár. Fyri tey avvarðandi Ingibjørg,Torfinn, Ragnar og Rúni Minningarorð um pápa mín Tór Henriksen Nú jólini nærkast kann eg ikki lata vera við at lata tankarnar fara til pápa mín, sum farin er í hesum árinum. Hetta verða so fyrstu jól, ið tú góða mamma og vit øll eru uttan hann, um hann ikki gjørdi so nógv um seg, er saknurin stórur. Eg má siga, at eg eri sera takksom fyri, at mær untist við familju at verða saman við tær og mammu síðstu jól. Tað var sera hugnaligt. Hetta var fyrstu ferð, eg var og helt jólaaftan saman við tykkum í 22 ár. Lítið vistu vit, at tað skuldi verða síðstu jól hjá tær babba. Í nógv ár var tú so sjúkur og troyttur og tú bar tað so stillisliga, ikki tú gramdi teg, sjávlt um tú hevði nógva pínu og var so trongur. Eg vil siga tað soleiðis, akkurát sum tað stendur í bíbliuni: tú bar tað so stillisliga eins og lamb, ið ikki lat upp munn sín. Av tí sama bar tú alt so einsamallur, vit kundu so lítið hjálpa. Men tú góða mamma, tú hjálpti so væl tú kundi og hugn- aði so væl um hann. Tað eru vit tær sera takksom fyri. Tit fingu 6 børn, 4 gentur og 2 dreingir, eisini fingu tit 25 abbabørn og 7 langabbabørn. Tað var tú so ógvuliga stoltur av. Ja, bert 72 ára gamalt, tá tú ikki orkaði stríðið meira, sjálvt um um eg sakni teg nógv, unti eg tær væl at sleppa vekk herfrá heim í tær ævigu bústaðir, har ongin kreft, bara gleði. Eg sigi fyri meg, eg ætli mær at møta tær aftur har heima. Og til góðu mammu, má Harrin hjálpa tær í sorgini og styrkja teg til hvønn dag. Eg vil hervið lýsa frið yvir minnið um babba og siga takk fyri alt. Heilsan Anna Petra Lag: Mánin hann skein Faðir vár tú sum í himni er, heilagt verði navn títt, komið ríkið títt, verði vilji tín so sum í himli er gev oss í dag várt breyð, ja alla tíð. Leið okkum ei í freistingar men frels oss frá tí ónda, tí títt ríkið, valdi og heiðurin og alla tíð, amen. Halleluja ja amen. Restorffs Bryggjarí á nýggjar hendur: Taka kappingina upp við danska ølið C M Y K 3 2 FISKIVINNA Jústinus Leivsson Eidesgaard Nótabátarnir hava gjørt eitt stak gott ár í ár. Og tað merkist eisini hjá teimum sum hava siglt við hesum skipum. Hvussu stórur manningarparturin er, kann vera eitt sindur ilt at siga, tí tað velst um hvussu grammir menn eru og hvussu nógvar dagar teir eru við. Men roknað um pr. fiskidag, so hevur mann- ingin á teim stóru nótabát- unum fortjent yvir 4000 krónur um dagin. Og teir stóru bátarnir talan eru um eita Norðborg, Tróndur í Gøtu, Christian í Grótinum og Krúnborg. Norðborg hevur fiskað fyri millum 90 og 95 milliónir krónur. Norðborg er tann nótabáturin sum hevur fingið mest burtur úr fonginum. Hetta kemst av, at teir skera sildina umborð og á tann hátt virðisøkja hana. Tróndur í Gøtu hevur fiskað fyri nakað yvir 80 milliónir krónur. Hann tekur 800 tons meira enn eitt nú Christian í Grót- inum. Christian í Grótinum hevur avreitt fyri 80 milliónir krónur og Krún- borg hevur avreitt fyri beint undir 80 milliónir krónur. Jupiter og Jón Sigurdsson hava avreitt fyri um 40 milliónir og Finnur Fríði og Saksaberg hava fiskað fyri 30 milliónir krónur. Tann maðurin sum hevur verið mest við Norðborg hevur verið 205 dagar í sjónum. Hann hevur vunn- ið yvir 800.000 krónur í ár. Nótabátarnir fara á ma- krel tvær tær fyrstu vik- urnar í nýggja árinum og síðan verður farið at fiskað svartkjaft og lodnu. Lodnan verður fiskað í Barents- havinum og undir Íslandi. Útróðrarmenn nummar tvey Næstur til at vinna nógvan pening eru útróðrarbátarnir og serliga teir sum royna við línu. Vit hava í skriv- andi løtu ikki nøkur endalig tøl, men manningarparturin á einum av teimum stóru útróðrarbátunum, sum royna við línu í Klaksvík í ár er yvir 400.000 krónur. Manningin á teim stóru nótabátunum: Dagslønin 4000 krónur Tað hevur loyst seg at siglt við nótabátum í ár Eldorado var ball- ingartúr í Nólsoy Jústinus Leivsson Eidesgaard Upplýsningarnir sein- asta hósdag, sum vakt- havandi á Vaktar og Bjargingartænastan hevur um útróðrar- bátin Eldorado úr Klaksvík, ið var sakn- aður seinasta mikudag passaðu slett ikki. Vit skrivaðu at hann hevði sleipað Almu J. Manningin á Eldo- rado fór av Borðoyar- vík klokkan fimm seinnapartin miku- dagin. Teir skuldu á Klaksvík og tað tekur ikki meira enn ein tíma at sigla. Men teir vóru ikki komnir fram klokkan 10 á kvøldi og fólk gjørdust bangin. Brimil og Tjaldrið leitaðu og eisini ein bátur úr Klaksvík. Klokkan tvey um nátt- ina hevði Tjaldrið samband við Eldo- radu. Hann var tá staddur út fyri Rituvík á veg norður eftir. Teir høvdu verið úti í Nóls- oy og ballast og høvdu sløkt telefonina. Vaktartænastan sig- ur, at hendingin fær eftirspæl.