leygardagur 29. desember 2001síða 21

40 Nr. 250 - 29. desember 2001 Jónleif Sólsker tekur endaliga avgerð um, at hann skal venja føroyska kvinnulandsliðið í hondbólti. Seinni í mánaðinum tekur hann fyrsta bruttohópin út 1. desember Hjalgrím Elttør hevur gjørt av, at hann eisini komandi árið fer at spæla við KÍ. FCK leggur fram ársroknskap- in. 22 milliónir er yvirskotið. 4. desember Jónleif Sólsker hevur endaliga játtað, at hann tekur við sum venj- ari hjá kvinnulandsliðnum í hondbólti. Fram er aftur á odda í flogbólts- kappingin, men ÍF á øðrum plássi hevur ein dyst færri, Hjá kvinnunum fær TB aftur gongd á, tá tær vinna á ÍF, men nú tykjast klaksvíkskvinnur veruliga at hava funnið stevið. Í kvinnuhondbólti vinnur Stjørnan, soleiðis at bert tvey stig eru upp til VÍF, áðrenn oddaliði kemur á vitjan. Hjá monnunum vinnur VÍF trygt á Kyndli. Havnar Talvfelag vinnur stórt á Vestmanna, og er nú á øðrum plássinum í kappingini. Hálvt stig aftan fyri Klaksvíkina. EM-undanakappingin fyri U- 21 lið í manshondbólti verður í Føroyum. Umframt Føroyar eru Russland, Cypern og Jugoslavia í bólkinum. Dystirnir verða helst leiktir mei mánaði. 5. desember Flogbóltssambandið ger av, at dysturin millum Fleyr og ÍF skal spælast umaftur, eftir at Fleyr hevur kært eina dómaraavgerð. Jens Erik Rasmussen, sum hevur leikt við Leiftri, fer kom- andi árið at virka sum leikandi hjálparvenjari hjá FS Vágum. Bill Justinussen fer komandi árið at verða hjálparvenjari hjá Jógvani Martin Olsen í NSÍ. 6. desember FCK tapir aftur í útidystinum móti Borussia Dortmund, og aftur hesa ferð er úrslitið 1-0. 7. desember Súni Merkistein gevur út bók um HM-undankappingina í fótbólti 2000/2001. Bæði í hond- og flogbólti er spenningurin stórur undan viku- skiftinum. Í Klaksvík spæla Stjørnan og VÍF oddadyst í kvinnuhondbólti, meðan Fram og SÍ spæla toppdyst í mansflog- bólti. 11. desember Hanna Dalsgaard av Argjum gerst Miss Galaxy Føroyar, tá hon er einasti av føroysku luttakarunum, sum megnar at fullføra allar greinarnar, tá altjóða kapping er í Høllini á Hálsi. Fleyr leggur seg á odda í flogbóltskappingini, tá teir vinna oddadystin í Sørvági. Hjá kvinn- unum er Mjølnir um at tapa á Kambsdali, men tær fáa tó vent dystinum móti ÍF til egnan fyrimun. VÍF-kvinnurnar vinna útidystin á Stjørnuni, og strykja harvið um oddastøðuna. Samstundis tapir VB heldur óvæntað í Havn fyri Kyndli. Hjá monnunum vinna bæði Neistin og VÍF aftur hetta viku- skiftið. 12. desember Janus M. Joensen, Palli August- inussen, Tór-Ingar Akselsen og Pól Næs Joensen eru allir nýggir í landsliðshópinum, sum Jógvan Martin Olsen tekur út til venj- ingarleguna á Cypern komandi vár. Enn er tó ikki avgjørt, hvør verður nýggjur landsliðsvenjari. FSF hevur ásett leikdagarnar fyri komandi kappingarár. Lands- kappingin byrjar ætlandi fyrsta vikuskiftið í mei. 13. desember Stjørnan hevur óvæntaðar trupul- leikar, men vinnur kortini eftir longda leiktíð í 1/4-finaluni í steypakappingini á StÍF. 14. desember Neistamenninir tryggja sær atgongd til hálvfinaluna, tá teir basa grannunum úr Kyndli. Serligt við dystinum er annars, at dómarapar úr Kyndli dømir, og hetta birtur undir kjakið um, at ov fáir hondbóltsdómarar eru. Eisini H71 tryggjar sín hálv- finalusess, tá teir vinna tepurt á næst bestu neistamonnunum. Hjá kvinnunum ger VÍF bart, tá tær vinna sína 1/4-finalu ímóti Tjaldri. Fótbóltsárbókin kemur út 10. árið á rað. B86 verður komandi árið styrkt í álopspartinum. Danskur áleyp- ari skal avloysa Súna Fríða Johannesen. 15. desember Seinastu dystirnir í grundspæl- inum i flogbóltskappingini skulu leikast um vikuskiftið. Í hondbóltinum verður bíðað við spenningi, nú VÍF og Neistin tørna saman í Vestmanna. 18. desember Í meistaradeildini hjá monnum er púrasta javnt, nú farið verður undir endaspælið, eftir at Fleyr vinnur grannauppgerðina ímóti SÍ. Hjá kvinnunum halda TB og Mjølnir fast um kósina móti tindunum. Oddadysturin í manshondbólti verður avlýstur, men í kvinnu- deildini ger VÍF bart móti Neist- anum, og tá Stjørnan samstundis tapir í Vági, tykist kvinnukapp- ingin longu avgjørd, hóast grundspælið enn ikki er liðugt. Uni Arge legst afturat teimum 24 leikarunum, sum upprunaliga vórðu úttiknir til venjingarleguna hjá landsliðnum. 19. desember Stjørnukvinnurnar megna kanska ikki at taka VÍF aftur, men tær hava so gjørt nakað, sum eingin annar hevur. Nú ber til at keypa ein myndakalendara, sum verður prýddur av klaksvíkskvinnunum. HSF ger av, at útsetti odda- dysturin millum VÍF og Neistan skal spælast 9. januar. 20. desember Bridge Sambandið hevur gjørt avtalu við Svend Novrup um, at hesin skal gerast landsliðsvenjari hjá Føroyum. NSÍ setur 32 ára gamla Áka Andreasen í starv sum samskip- ara hjá felagnum. Jónleif Sólsker hevur tikið fyrsta bruttohópin út til kvinnu- landsliðið í hondbólti. 21. desember Heldur óvæntað missa menninir úr Vestmanna stig móti H71, so- leiðis at støðan gerst enn spentari í hondbóltsoddinum. Heðin á Lakjuni hevur enn ikki gjørt av, hvar fótbóltsframtíðin liggur. Her heima liggja bæði KÍ og B36 framvið. 22. desember Ísak Mikladal, aðalskrivari í FSF, gevur ilt av sær, nú formaðurin í grunninum fyri Tórsvøll tosar um stórar útbyggingar til bæði gist- ingarhús og matstovur við leik- vøllin. 28. desember Neistin vinnur stórsigur á KÍF, og úrslitið inniber, at nú er púrasta javnt í oddinum. Eisini málmun- urin er hin sami sum hjá vest- menningum. Menninir hjá Fleyr tapa púra óvæntað fyri ÍF, og SÍ er aftur á odda, eftir at teir finna heima- dystin á SÍ. TB hevur fingið tilgongd av Gudrid Nolsøe, men avrikið er lítið sannførandi, tá tær vinna 3-1 á Drátti. Hondbóltskvinnurnar hjá megna ikki at gera nakað við Neistan, sum vinnur dystin um triðja plássið í grundspælinum. ÍTRÓTTARÁRIÐ Desember: Landsliðsvenjarin settur Altjóða uppgávurnar verða ikki fyrr enn í 2003, men longu nú er landsliðsvenjarin farin í holt við arbeiðið við kvinnulandsliðnum, og ætlandi verða onkrar avbjóðingar á skránni komandi árið C M Y K 40 Nr. 250 - 29. desember 2001 41 BROT ÚR 2001 SITAT Eyðun Klakstein Gjøgnum árið verða nóg orð søgd í fjølmiðlunum. Sumt er bundið av eini serligari støðu ella árstíð, meðan annað er meira at meta saman við ævigar sannleikar. Sumt verður sagt spontant í eini ser- ligari løtu, meðan annar er væl umhugsað og v u r d e r a ð , áðrenn tað verið latið blaðfólki upp í hendi. Á hesi síðu hava vit savnað okkurt av tí, sum var sagt umveg- is Sosialin í árinum sum fór. - Hetta tók fast Signar á Brúnni, fyrr- verandi landsstýrismaður, 3. januar, um at nýggjur landsstýrismaður var settur í hansara stað, áðrenn kanningin av hansara embætis- førslu reinsaði hann. - Tað verður ikki serliga samfelagsgagnligt at fáa eina vinnu afturat, sum leggur hald á nógv fólk. Herman Oskarsson, formaður í Búskapar- ráðnum, 16. januar, um oljuvinnuna. - Eg má siga sum er, at eg hevði aldrin verið til eina rockkonsert áður, fyrr enn eg var til Prix finaluna. Helga Hjørvar, stjóri í Norðurlanda- húsinum, 20. januar - Stuðulin til og harvið møguleikin fyri at reka privat útvarp í Føroyum kom ikki haðani, eg hevði roknað við. Hevði fyri- gyklað mær, at størstu privatu fyritøkurnar í landinum fóru at tryggja raksturin saman við kommunum. Og at tað skipaða ment- anarlívið fór at tryggja innihaldið. Men so varð ikki. Als ikki. Óla Jákup Rólantsson, táverandi pro- grammleiðari á Rás 2, 3. februar, um at reka privata útvarpsrás í Føroyum. —Vit royna alla tíðina at bøta um trygdina. Reidar Nónfjall, stjóri á Strandferðsluni, 22. februar, tá Strandferðslan hevði keypt sær tól at gera rúsdrekka- royndir av sínum starvsfólkum. - Mítt ynski skal vera, at menn verða meira sjónligir í javnstøðuarbeiðinum. Og samstundis má eg spyrja, hvar allar tær ungu kvinnurnar eru, ið fingu javnstøðu í vøggugávu. Hvar eru tær? Augusta Mikkelsen, skrivari í Javnstøðu- nevndini, 10. mars — Tað hevði verið rímiligt at yvirtikið fólkakirkjuna í 2006, men tað er eitt drastiskt lop at flyta hetta til 2002. Fram til 2006 kundu vit umrátt okkum og fyrireikað yvirtøkuna. Men við nýggju ætlanini er ikki tíð til nakað sum helst. Hans Jacob Joensen, bispur, 17. mars, um framskundaðu yvirtøkuna av fólka- kirkjuni. — Næstan annaðhvørt fólk í Havn, sum er í vinnu, hevur alment starv. Økismenningarbólkur í áliti, 11. apríl. - Í Føroyum verða djór betur vard enn børn. Sólrun Jacobæus, fráfarandi stjóri á Barnaheiminum, 21. apríl. — Vit læra í skúlanum, at Føroy- ar eru so ómetaliga demokratiskar, men so er ikki, tí vit eru heldur á markinum til eina bananrepublikk. Óli Jacobsen, formaður í Føroya Fiskimannafelag, 1. mai. — Tey menningartarnaðu hava einki merkt til, at tíðirnar eru vorðnar betri í tí føroyska samfelagnum, og meðan politikarar tosa um metyvirskot, er einki eftir til tey veikastu Diana í Puntabyrgi, formaðurin í Javna, 16. mai - Eg eri harmur um at fara, men her eru ongi tár. Tórbjørn Jacobsen, fyrrverandi lands- stýrismaður, 1. juni, tá hann legði frá sær sum landsstýrismaður við mentamálum — Tá eg ivist í onkrum einstakum orði, plagdi eg spyrja meg fyri hjá Eivindi Weihe. Tí hann sigur mær, hvussu fólk siga, meðan aðir málfrøðingar í Føroyum hava lyndi til at siga, hvussu teir kundu hugsað sær, at fólk søgdu. Michael Barnes, enskur professari, sum lærir bretar at tosa føroyskt, 7. juli - Eg haldi, at tað áttu at vera fleiri kvinnur í tinginum, tí hetta er ikki meira enn rætt- víst, men tær, sum eru, eru ikki allar ov góðar. Eivind Jacobsen, sambandsmaður á Strondum, 21. juli —Eg havi ikki nortið eitt køkustykki seinasta trífjórð- ingsárið. Sukur eti eg als ikki meira, og alt sjónigt feitt skeri eg burtur. Anfinn Kallsberg, løgmaður, sum hevur mist meira enn 15 kilo, 28. juli -Høvuðsidelogiin er, at vit hava eitt land, sum eitur Føroyar, og her er ætlanin, at fólk skulu búleikast á øllum oyggjunum. Olga Biskopstø, forkvinna í útoyggjanevndini, 4. august — Tørvurin eftir stuðulsfólki er komin áðrenn skipanin, og tað hevur havt við sær, at økið er ein hurlivasi. Sámal Petur í Grund, landsstýris- maður, 17. august — Myndatólið hevur altíð verið mín besti blýantur. Zacharias Hammer, sjónvarpsmaður, 19. september, tá hann varð heiðraður fyri serligt mentanaravrik. — Vit rýmdu av skúlanum um náttina av ótta fyri álopi. Teir muslimsku prestarnir hava øst fólkið upp móti teimum kristnu og hvítum, og tí var tað vand- amikið hjá okkum at vera verandi. H ø g n i Johannesen, trúðboðari, sum rýmdi undan ófriði í Pakistan, 25. september - Tað er ikki lætt at vera formaður. Beinanvegin tá okkurt gongur galið, so er tað tú sum hevur skyldina. Karl Johansen, formaður í Havnar Arbeiðsmannafelag, 13. .oktober - Eg vil eisini gjarna siga tykkum, at eg altíð havi verið stoltur av umboða land tykk- ara, og at eg alla tíðina havi kent meg sum ein av tykkara. Allan Simonsen, fyrrverandi landsliðsvenjari, tá hann gavst sum føroyskur landsliðsvenjari. Og tárini trillaðu. - Tað undrar meg, at so nógvar plágur eru kvennkynsorð; orkan, tora, lús, sjúka, øvundsjúka, yvir- vekt og so plágan sjálv. Urd Johannesen, 27. oktober - At skriva og framleiða eitt hitt er helst størsta avbjóðingin hjá einum tónasmiði og framleiðara. Tað er lætt at skriva eitt lag, trupult at skriva eitt gott lag og øgiliga trupult at skriva eitt hitt. Kári Jacobsen, sangskrivari, 24. november. - Eysturoyingar og serliga mítt nærumhvørvi harta meg fyri tað, sum er hent í mínum privata lívi. Sámal Petur í Grund, politikari, um vánligt fólkatingsval. - Emma bukar Britney Sosialurin, 8. desember, um M’as Blues Band, sum setir heimsstjørnur upp á pláss á føroyska marknaðinum. — Tú kann gott siga, at vit við hesum hava ótálmaða atgongd til pengar. Tað er ein øgilig rúgva. Tórbjørn Jacobsen, fólkatingsmaður, um at fáa nógvar pengar til politiskt arbeiði í fólkatinginum. Tað søgdu tey Michael Barnes, bretskur professari Hans Jacob Joensen, bispur Allan Simonsen, tá tárini trillaður á tíðindafundi Helga Hjørvar, stjóri í Norðurlandahúsinum M’as Blues Band (Emma) 41