mikudagur 7. apríl 2010síða 8

Mikudagur 7. apríl 2010 8 Sosialurin Í veruleikanum er føroyski miðlaheimurin heimsins áttanda undurverk. At hetta lítla økið við minni enn 50.000 íbúgvum hevur ein fjølbroyttan miðlaheim á egnum máli -við tveimum sjálvstøðugum blaðhúsum, fleiri smærri netmiðlum og einum stórum almennum út- og sjónvarpið - er eitt mirakul, sum vit alt ov ofta taka fyri givið. Ein viðgerð av føroysku miðlunum má taka støði í hesi jaligu staðfesting, men í sama andadrátti má glansmyndin eisini kastast høgt upp í loft og smildrast í túsund pettir, tá hon dettir niður aftur, tí undrið fáa vit ikki viðgjørt, og miraklið er líka óviðkomandi sum ein Macdonalds í Múla, tá Múlabúgvar heldur keypa sær nátturða í Burgerking í Havn. Seinasta vikan hevur sjálvandi verið merkt av páskahøgtíðini. Vit hava havt stilluviku, har eitt drúgt samgongustríð knappliga varð krossfest og lagt í eina grøv, og vit vita í skrivandi stund ikki, um eitt lík ella ein livandi messias rísur úr grøvini eftir páskir. Í einum lítlum landi við lítlum miðlum fær alt frið á páskum - eisini mál, sum ljóðaðu sum verðins undirgangur beint undan páskaferiuni. Gerandisdagar eru bløðini fylt við smátíðindum, sum vit longu hava lisið á onkrum portali. Vikuskiftisbløðini eru tó eitt sindur frægari, og nú vit fingu eitt eykalangt vikuskifti, væntaði eg eyka spennandi vikuskiftisbløð. Sosialurin hevði eitt hampuliga fjølbroytt vikuskiftisblað. Men Dimma var næstan ein vanlig mikudagsdimma við einum eykablaði um kirkjuklokkur. Ikki eitt ónt orð um kirkjuklokkur, men eg saknaði eitt veruligt páskaPunktum. Í okkara húsi er kringvarpið í harðari kapping við útlendskar sjónvarpstøðir. Quisturin leygarkvøldið við kiksaðum jinglum og líka so føstum siðum sum hálvfemsáraføðingardagurin hevði tí ongan kjans ímóti temakvøldi á DR2 við enskum presti á pílagrímsferð millum hindumunkar við appelsingulum hálsbondum og dinglandi undirstellum. Eg sá ikki Refleksjón fyrr enn á netinum páskadag, og tá virkaði prátið rættiliga langafríggjadags-deyðligt. Til tíðir er tað alt ov týðuligt, at sjónvarp krevur meira enn útvarp. Meðan Eygsjón, Skannarin, Vitan og Perspektiv flóta og kveikja, so eru sjónvarpsprátini mangan so tung og pappírsbundin, at man ikki kann lata vera við at hugsa, at kanska er sjónvarpsframleiðsla í kvf líka utopisk og óneyðug sum Macdonalds í Múla. Miðlar Dorit Hansen dorithansen4@gmail.com Í mikudagsblaðnum ummæla skiftandi fólk fjølmiðlarnar. Næstu ferð skrivar Dagfinn Olsen Meðan kirkju­ klokkur jingla Vilmund Jacobsen Í løtuni hevur dóttirfelagið hjá MEST, Pam Offshore, onga avtalu og ongan mann í Noregi. Tá mest hevur verið at gjørt, hava einir 85 mans arbeitt fyri felagið í Noregi, men hin 25. mars í ár komu seinastu menninir, sum vóru eftir har yviri, heim til Føroya og fara ikki avstað aftur ñ fyribils. Tá talið av monnum hevur verið størst í ár, hava einir 60 mans verið knýttir at virksemi hjá Pam Offshore í Noregi. – Vit hava fingið at vitað, at vit skulu frætta so skjótt sum gjørligt, men í løtuni er alt óvist, hvussu verður við nýggjum sáttmálum, sig­ ur elektrikari, sum hevur arbeitt fyri Pam Offshore sein astu árini. Hann vísir á, at vónirnar um at fáa nýggjar sáttmálar fyri elektrikarar og smiðju­ arbeiðarar uppi á landi eru smáar í løtuni. – Tí er føroyski veitarin eisini farin at venda eyguni móti boripallum, sum standa fyri góðkenningum, ið til sam ans fara kosta miljardir í við líkahaldi og krøvum. Men at sleppa framat í off shore vinnuni er ikki bara sum at siga tað, og skalt tú arbeiða á boripalli, er neyð­ ugt við skeiði, áðrenn tú yvir høvur sleppur út á ein boripall. – Vit eru tí nakrir, sum hava fingið møguleikan at sleppa á skeið hjá Falch Nutec í Stavanger í næstu viku. Hetta er eitt grundskeið, sum varar í fýra dagar ñ frá týs­ degnum komandi til og við fríggjadagin. Skeiðið gevur okkum møguleikan at sleppa út á boripall at arbeiða. Ikki allir Elektrikarin, sum Sosialurin hevur tosað við, sigur, at teir eru fegnir um hendan møguleika, har Pam Offshore rindar ein stóran part av útreiðslunum. – Vit verða einir 20 mans ella fleiri, sum nú fara yvir, og vit skilja væl, at onkrir, sum hava arbeitt fyri felagið í Noregi, eru harmir um, at møguleikin ikki eisini stend­ ur teimum í boði. Hin vegin kunnu aðrir eisini fara á skeiðið, men tá mugu teir rinda kostnaðin sjálvir. Enn hevur Pam Offshore ongan sáttmála fingið um arbeiði á boripallum, og tí heldur felagið seg helst ikki kunna gera alt ov stórar íløgur í nakað, tey enn ikki hava vissu fyri. Elektrikarin vísir á, at eru vit ikki til reiðar, tá møgu leikin býðst, slepst heldur ikki út á boripallar at arbeiða. Hann vísir á, at menn, sum hava arbeitt fyri Pam Offshore í Noregi, fleiri ferðir hava borið upp á mál at sleppa á skeið, so teir eru til reiðar, um og tá møguleikin býðst. – Nýggj lógarkrøv eru sett til boripallar, har olju feløg noyðast at gera miljarda­ íløgur fyri at fáa kravdar góð kenningar upp á pláss, og sum eg havi skilt, skulu hesi arbeiði bjóðast fyri summar­ frítíðina. Tað er her, at Pam Offshore liggur framvið at sleppa uppí part, sigur elek­ trikarin. Ikki fyri bakka Hann heldur tað vera sera umráðandi, at tað um mæli og álit, sum Pam Off shore saman við sínum arbeiðs­ fólki hevur bygt upp í Nor egi, ikki fer fyri bakka og harvið møguleikin hjá før oysk um elektrikarum og maskin­ arbeiðarum at tjena valuta úr útlandinum til Føroya. ­ Vit hava gott orð á okk­ um í Noregi, bæði hjá Aker, men eisini hjá eitt nú Statoil, og skulu vit fyrireika okkum til eina føroyska oljuvinnu, eru tey fólk, sum hava arbeitt fyri Pam Offshore í Noregi, gull verd fyri eina slíka vinnu, sigur elektrikarin, sum Sosialurin hevur tosað við. aki@sosialurin.fo Pam Offshore hevur einki fólk eftir í Noregi Pam OffshOre - Tað er sera umráðandi, at tað ummæli og álit, sum Pam Offshore saman við sínum arbeiðsfólki hevur bygt upp í Noregi, ikki fer fyri bakka og harvið møguleikin hjá føroyskum elektrikarum og maskinarbeiðarum at tjena valuta úr útlandinum til Føroya, sigur elektrikari, sum Sosialurin hevur tosað við - Nýggj lógarkrøv eru sett til boripallar, har oljufeløg noyðast at gera miljardaíløgur fyri at fáa kravdar góðkenningar upp á pláss, og sum eg havi skilt, skulu hesi arbeiði bjóðast fyri summarfrítíðina, sigur elektrikari, sum í fleiri ár hevur arbeitt fyri Pam Offshore í Noregi Fakta um: Pam Offshore Service Felagið er stovnað við tí endamáli at veita tænastur til frálandavinnu. Endamálið er eisini at útbúgva og menna fólk til eina komandi frálandavinnu í Føroyum. Virksemið er rættiliga skiftandi. PAM hevur havt elektrikarar, sveisarar, verkfrøðingar og hjálparar í oljuvinnuni Noreg. Á skrivstovuni leiðbeinir felagið, um fólk hava fyrispurningar um felagið. Vit eru nakrir, sum hava fingið møguleikan at sleppa á skeið hjá Falch Nutec í Stavanger. Hetta er grundskeið, sum varar í fýra dagar. Skeiðið gevur okkum møguleikan at sleppa út á boripall at arbeiða ElEktrikari