fríggjadagur 9. apríl 2010síða 10

Fríggjadagur 9. apríl 2010 10 Sosialurin Alt ov nógv fer av veiðivirðinum Fiskivinna Teir, sum eiga Ågot í Klaksvík, tíma ikki longur at rinda stórar landi ng ar útreiðslur. Nú fara teir at frysta fiskin umborð og landa veiðina sjálvir. Á næst seinasta túri seldu teir fyri 514.000 krónur, harav land­ ingar­og sølu út reiðsl urnar vóru umleið 13% av veiðivirðinum Vilmund Jacobsen Línuskipið Ågot í Klaksvík leggur nú um til garnaveiði. Skipið hevur loyvi at veiða svartkalva við gørnum, og hetta loyvi hava teir eisini brúkt áður. Teir royndu við gørnum í fjør og løgdu um aftur til línu í november. At Ågot nú leggur um til gørn, er tískil eingi koll velt­ andi tíðindi. Tað nýggja í virkseminum hjá Ågot er, at teir nú fara at frysta fiskin umborð – og fara ikki landa veiðina sum ísfisk, soleiðis sum gjørt hev ur verið øll árini, síð an skipið kom í føroyska fiski­ skipaflotan í 2001. Tá Ågot varð keyptur úr Noregi, hevði skipið lut­ falsliga nýggja frystilast, sum ongantíð hevur verið brúkt øll hesi árini. Tað, sum eisini er áhuga­ vert, er, at Eyðstein Poulsen, skipari og eigari, slett ikki er nøgdur við allar tær út reiðsl­ ur, sum standast av land ing og sølu. Hann sigur, at á næst seinasta túri fyri páskir høvdu teir 132.000 pund av línu fiski undan Føroyum. – Vit seldu fyri tilsamans 514.163 krónur, men har av vóru landingar­ og sølu út ­ reiðslur út við 70.000 krón­ ur, sum eg haldi er ein alt ov stórur partur av sølu­ virðinum. Meðan vit práta, hyggur Eyðstein Poulsen í skjølini og letur okkum vita, hvørjar faktuellu útreiðslurnar eru av eitt nú landing og støddar­ skiljing. – Vit rinda út við 29.000 krónur bara fyri at fáa fiskin upp úr lastini og slakar 26.000 krónur fyri støddarskiljing. Aftrat hesum kemur byrj­ un argjald og síðan gjald fyri søluna av veiðini. Eyðstein vísir á, at landing og søla av hesum 132.000 pund unum, sum góvu stív­ liga hálva miljón krónur í sølu virði, kostaði skipi og mann ing út við 70.000 krón ur – ella góð 13% av samlaða søluvirðinum. – Hetta haldi eg er alt og nógv, sigur skiparin og reiðarin, sum nú ikki tímir hetta meiri. Í egnar hendur Eyðstein Poulsen ásannar, at nú tað treingir saman um ymsastaðni í vinnuni, er líkt til, at ymisku tætt­ ir nir líkasum royna at taka sum frægast til sín. – Vit eru fyrsta lið í okk­ ara parti av vinnuni, og í slík um føri eru tað skip og fiskimenn, sum mugu galda. Árið í fjør var vánaligt, og vit vilja gera okkara til fyri, at árið í ár skal vignast betri. Tað nyttar so lítið, hvat vit fiska um prísir og tað, sum stendur eftir á botnlinjuni, ikki roynist, tá árið er úti. Eyðstein Poulsen hevur tí gjørt av at ganga nýggjar leiðir við Ågot og sínum fólki. – Vit leggja nú um til garna veiði, hava startað frysta ríið upp og fara at frysta umborð. Hann sigur, at Heilsu­ frøðiliga Starvsstovan skal koma við síni góðkenning, tá frystarí, sum ikki hevur verið í brúki so leingi, verður startað uppaftur til frysting av fiski. – Higartil vísir alt seg at rigga, sum tað skal, og vit vóna, at góðkenningin kem­ ur, so vit kunnu loysa seinni í hesi vikuni. Eyðstein vísir á, at soleiðis sum føroysk ísfiskaveiða er vorðin við lítlari kapping um fiskin, snýr tíðin, skip og manning eru í sjónum, seg ofta líka nógv um, nær komast skal til landing, sum um at fáa fisk á feltinum. – Hetta er vorðið rættiliga strævið. Tí hava vit nú valt at fara at frysta umborð, soleiðis at vit ikki eru so tengdir at landingar­ og søluliðnum, sum vit eru í dag. Hann sigur, at aftanfyri hugskotið at frysta umborð liggur eisini, at manningin sjálv skal landa veiðina, tá hon skal skipast upp. – Vit hugsa longur enn til bara at heilfrysta veið­ ina. Vit hugsa eisini um at skráskera, men til tess krevst, at landsstýrið gevur okk um loyvi til tess. Vit hava søkt um hetta loyvi, men hava ikki fingið svar úr Fiski­ málaráðnum. Eyðstein vísir á, at teir hava loyvi at avhøvda svart­ kalva umborð, men ikki skráskera. – Vit fara so at royna hetta, og vit vóna, at hetta kann vera viðvirkandi til, at vit fáa ein betri rakstur – bæði til skip og manning. Skiparin heldur, at fleiri fyrimunir kunnu vera við at frysta veiðina umborð. – Ein er, at tú ikki alla tíðina noyðist at hugsa um, nær farast skal inn at landa og fiskurin, sum liggur fryst­ ur, gerst heldur ikki gamal eftir nøkrum døgum. Eru prísútlitini vánalig, er ikki á sama hátt neyðugt at selja veiðina til tann fyrsta og besta. Í aðrar mátar skuldi eis ini verið møguligt á ym­ iskan hátt at skipað seg betri umborð. Eyðstein Poulsen sigur seg vera rættiliga spentan upp á hesa royndina, sum teir nú fara undir og sum skilst, eru tað fleiri við honum, sum bíða spentir eftir, hvussu hetta fer at rigga. Ætlanin er, at Ågot loysir við eini 8 monnum umborð. vilmund@sosialurin.fo … vit hugsa longur enn til bara at heilfrysta veiðina umborð. Vit hugsa eisini um at skráskera, men til tess krevst, at landsstýrið gevur okkum loyvi... EyðstEin PoulsEn sLÓÐBRÓTaRaR – Vit eru fyrsta lið í okkara parti av vinnuni, og í slíkum føri eru tað skip og fiskimenn, sum mugu galda, tá tað gongur niður á bakka. Árið í fjør var vánaligt, og vit vilja gera okkara til fyri, at árið í ár skal vignast betri, sigur Eyðstein Poulsen, skipari og eigari av Ågot Mynd: Jens Kr. Vang Ågot: 2001 Skipaslag: Frysti­ línu­og garnaskip Smíðiár: 1970 Longd: 32,31 m. Breidd: 7,47 m. Eigari: sp/f Ågot, Klaksvík Fakta Heilsudagur í Runavík Áhugavert tiltak fyri starvsfólk skipað av røktarheiminum og hjartafelagnum á Røktar­ og ellisheiminum í Runavík. 13. apríl kl. 10.00 verður skipað fyri áhugaverdum tiltaki fyri starvsfólk. Hesin dagur er ætlaður sum “heilsudagur” burturav. Skráin er fjølbroytt. Starvsfólkini fáa høvi til, at fáa gjørt ymiskar kanningar – mált blóðtrýst, blóðsukur, kolesterol og BMI. Tað er hjartafelagið, ið stendur fyri kanningunum. Fitnessreiðskapurin í fysioterapiini er til taks allan dagin og so er eisini ætlanin við fimleiki – bæði í samkomuhøllini og í venjingarhylinum. Gongutúrar framvið Toftavatn eru somuleiðis á skránni. Allan dagin borðreiðir køkurin við heilsugóðum mati. Dagurin endar kl. 15.00, tá Sølvi Reinert Hansen heldur fyrilestur undir heitinum: »Jaligur lívsstílur«. Meira upplýsingar á heimasíðuni: www.ere.fo