fríggjadagur 16. apríl 2010síða 6

nr. 69 · 16. apríl 2010 6 VIKUSKIFTI heIlsU síðan Gleð kroppin við einum smoothie Jórun Klein, dietistur nógv eru vorðin sera glað fyri smoothie, av tí at hann smakkar sera væl og er lættur og skjótur at gera. harumframt kann tað vera ein lættur máti at tryggja kroppinum týdningarmikil føðsluevni. Smoothie er blendað frukt ella grønmeti. Ofta er mjólk, jogurt ella djús koyrt í, ið kann kombinerast uppá óteljandi mátar. Tú kanst til dømis gera smoothie bert av frukt ella við mjólkarvørum. Eisini kanst tú nýta frukt og havra-, soja-, ella rísdrykk. Tú kanst eisini gera smoothie, har tú brúkar fruktdjús ella urtir. – Tað eru bert hugflogið og smakkurin, ið seta mørk! Um tú gert ein smoothie um morgunin, kanst tú taka restina við til arbeiðis og nýta hann sum dessert oman á matpakkan ella sum eina millummáltíð. Smoothie ella heil frukt og grønmeti? Smoothie er eitt sunt alternativ til sodavatn. Tó verður ikki tilrátt, at tú býtir alla ta dagligu fruktina og grønmetið um við frukt- og grøn- metissmoothie. Orsøkin til hetta er, at tær flótandi vørurnar metta minni, enn tá ið tú tyggir teg ígjøg num tær heilu fruktirnar og grøn metið. Hetta økir vandan fyri, at tú inntekur meiri, enn tú hevur tørv á. Rátt verður til, at bert 100 gram av teimum 600 grammunum av frukt og grønmeti um dagin verða býtt um við ta flótandi útgáv una. – Og óansæð hvussu nógv gløs av djús ella smoothie tú drekkur, telur tað bert fyri eitt í »6 um dagin« roknskapinum. Rein fruktsaft ella protein í smoothie'in? Tá íð tú samansetur matin, er tað týdningarmikið at fáa bæði protein, feitt og kolhydratir. Kolhydratir geva orku til heilan og musklarnar, og protein er byggisteinar til vøddarnar og vevnaðin. Um tú velur tað góða feittið, fært tú týdningarmiklar feittsýrur. Keldur til tað góða feittið eru t.d. fræ, nøtur og mandlur og kaltpressaðar oljur. Tað eru fyrst og fremst kol- hydratir sum t.d. frukt, ið fáa blóðsukrið til at hækka. Tá tú kombinerar inntakið av frukt við góð protein ella feittevni, stabiliserar tú blóðsukrið, soleiðis at tað ikki hækkar ógvusliga og eftirfylgjandi fellur skjótt. Tí kann tað vera eitt gott hugskot, at tú brúkar mjólkarvørur, ið innihalda protein, í tínum smoothie. Proteinpulvur Tað er eisini ein møguleiki, at tú koyrir proteinpulvur í tín smoothie. Tað finnast nógv sløg av proteinpulvuri. Valleprotein er sera væl umtókt, av tí at kroppurin útnyttar tað væl. Valleprotein er vunnið úr mjólk. Harumframt kanst tú fáa proteinpulvur, íð er vunnið úr soja ella rís. Aðrir møguleikar enn mjólk Um tú hevur mjólkarallergi ella laktosuintoleransu, eru soja-, rís- ella havradrykkir góð alternativ. Men teir kunnu tó ikki heilt síðustillast við mjólk. Rís- og havradrykkir innihalda til dømis minni protein. Og sjálvt um tað er næstan líka nógv protein í sojadrikkinum sum í vanligari mjólk, eru tað tó nakrar ávísar aminosýrur, sum tú ikki kanst fáa gjøgnum bjølgfruktir sum soja. Hetta merkir tó ikki, at tað er eitt vánaligt hugskot at brúka sojadrikk í smoothie'num, og tað kann saktans vera ein partur av einum sunnum og fjølbroyttum kosti. Men ansa eftir, at tú fært nokk av kalsium (kálki) í matinum. Her kanst tú til dømis velja tey sløgini av soja-, rís- og havradrykkum, ið hava tilsett kálk. Ansa eisini eftir, at í nøkrum soja-, rís- og havradrykkunum er sukur koyrt í . BeR-smoothie til ein smoothie kanst tú til dømis nýta: 2 dl Cheasy vaniljujogurt ella A38 ½ banan ella eitt sindur av havragrýni 2 dl frystu ber (til dømis jørðber, hindber og bláber) nakrar mandlur