hósdagur 29. apríl 2010síða 6

Hósdagur 29. apríl 2010 · Nr. 75 6 Sosialurin Leo Poulsen Tað var ein skjót avgerð, ið Ben Arabo tók, tá tað stóð honum í boði at gerast stjóri í Atlantic Petroleum. Nei, eg ivaðist onga løtu. Tað er ein stór avbjóðing at gerast stjóri í einum slíkum oljufelag, men tað er eisini ein spennandi avbjóðing, sigur Ben Arabo í telefonini úr Jakarta í Indonesia, har hann í løtuni starvast fyri stóru oljufyritøkuna Hess. Hann situr í løtuni við heitinum Exploration Busi­ ness Manager og hevur ábyrgd av samráðingum og handli í landsynningsasia, men hann heldur kortini ikki, at tað er eitt trin niður á stiganum at koma til Føroyar at gerast stjóri fyri einum lutfalsliga lítlum oljufelag. Tað ber væl til at reka eitt oljufelag úr Føroyum, og Atlantic Petroleum er longu farið undir framleiðslu, so útlitini eru góð og spennandi, sigur Ben Arabo. Hann flutti við familjuni til London í 2006 har hann helt til fram til í fjør, tá leiðin gekk til Jakarta í Indonesia. Nú skal hann so rudda skrivaraborðið, áðrenn leið­ in gongur heim til Føroya allarhelst um miðan juli. Hann byrjar í stjórastarvin­ um í Atlantic Petroleum 1. august. Drúgvar royndir Ben Arabo fór beint av skúlabonki til arbeiðis í Amerada Hess, sum felagið tá æt, og hevur hann starvast innan olju­ og gassídnaðin í samfull 14 ár. So tað eru drúgvar royndir hann tekur við sær í nýggja stjórastarvið, hóast enn bert 36 ára gamal. Tað er tí uttan iva ein stórur fongur fyri Atlantic Petroleum at fáa Ben Arabo sum stjóra. Ben Arabo heldur, at við teimum aktivitetum, sum Atlantic Petroleum hevur í dag, eru avgjørt vakstrar­ møguleikar í framtíðini, og hann er spentur upp á at seta seg í stjórastólin. At reka eitt oljufelag úr Føroyum skuldi verið ógvu­ liga lagaligt, og eitt slag av aktiviteti, sum væl ber til at reka úr Føroyum, tí tað er ikki serliga staðbundi. Og sjálvandi hevur tað eisini nakað at siga, at talan er um eitt føroyskt felag, sigur Ben Arabo. Hann heldur tað í nógvar mátar vera minst líka spenn­ andi og mennandi at arbeiða fyri eitt lutfalsliga lítið felag, tí tá kemur tú meira runt alt feltið, sum hann tekur til. Eisini persónliga er tað nógv meiri nøktandi at røkta og vaksa um eitt lítið felag sum Atlantic Petroleum, sigur Ben Arabo. Gleði meg at koma heim OLJUSTJÓRI Ben Arabo hevur seinastu fýra árini búð uttanlands, men nú hann tekur við starvinum sum stjóri í Atlantic Petroleum, flytir hann heim aftur á klettarnar, og tað gleðir hann seg til NÝTT STARV Føddur 1. september 1973 Útbúgving: M. Sc. í fíggjar- og handilsstýring frá Handilsskúlanum í Aarhus. Starvast í Hess-samtakinum síðani 1996. Frá 1998-2006 sum stjóri fyri føroyska partinum av Hess, 2006-2009 búsettur í London, og frá 2009 í Jakarta í Indonesien, har hann hevur ábyrgd av samráðingum og handli við heitinum Exploration Business Manager. Giftur Húngerð og tey eiga tríggjar gentur, Finnbjørg, Sára og Anna Margit. Fakta 1. august tekur Ben Arabo við starvinum sum stjóri í føroyska oljufelagnum, Atlantic Petroleum Leo Poulsen Nólsoyingar fara nú út at ferðast við leikinum Havgird. Tey hava higartil bert sýnt leikin fram í Nólsoy, har tey hava havt 10 sýningar. Nógv fólk hava ferðast um fjørðin út til Nólsoyar at síggja leikin, men um viku­ skiftið verður so lagaligari hjá fólki í miðstaðarøkinum at síggja leikin. Nólsoyingar hava fingið nógv rós fyri hendan ser­ merkta leikin, sum er vorðin til í einum samstarvi millum leikstjóran, Águstu Skula­ dóttir, pallstjóran, Katrin Thor­ steinsdóttir, og leikararnar. Sokallað devised theatre. Sýningarnar verða sum nevnt í Sjónleikarhúsinum, og framført verður fríggjadagin, Dýrabiðudag, klokkan 17 og 20 og leygardagin klokkan 17 og 20. Sýningin sunnudagin er útseld. Leikurin varar í umleið ein tíma og 15 minuttir. Leikurin er sera visuellur, og MáF hevur gjørt av, at nólsoyingar skulu umboða Føroyar við leikinum á NEATA­festivalinum, sum í ár verður í íslandi fyrst í august mánað. Havgird í Sjónleikarhúsinum Sermerkti leikurin, sum nólsoyingar framføra, verður sýndur í Sjónleikarhúsinum í Havn um vikuskiftið Eftir ynski frá skiparunum á Smyrli og Norrönu heitti Strandfaraskip Landsins fyri fýra árum síðan á Tórshavnarhavn um at virka fyri at dýpa økið suður úr Tinganesi. Skipararnir vístu á, at um dýpt varð, hevði tað verið væl tryggara hjá skipunum at koma inn í havnina. Fleiri ferðir hava skip tikið botn og rent á land har. Hetta hevði Tórshavnar havn fleiri ferðir víst á, og tá so áheitanin kom frá Strandferðsluni, fór Tórshavnar havn til verka. Samskift hevur evrið við fornminnanevndina, tí øki liggur so tætt upp at friðaðu fornminnunum á Tinganesi. Friðingin forðar ikki fyri, at tað verður dýpt, men dýpingin skal gerast í samráð við fornminnanevndina. Býráðið samtykti mikukvøldið, at út frá treytum frá Føroya Fornminnissavn skal eitt økið upp á samanlagt 3.800 fermetrar dýpast, og tað arbeiðið er mett at kosta 6 mió. krónur. Ætlanin er, at arbeiðið skal vera liðugt seinast í november í ár. Dýpast út fyri Tinganesi Ljóð og ljós spæla ein týðandi leiklut í sjónleikinum Havgird hjá nólsoyingum Mynd: Jannik Gade