mikudagur 12. mai 2010síða 22

Mikudagur 12. mai 2010 · Nr. 80 22 Sosialurin Oyggjablaðið Snorri Brend Góða undirtøkan setti eisini krøv til annað enn skránna. Tann stóri spurn­ ingurin var, hvussu bátarnir skuldu kunnu liggja, bæði trygt og gott. – Men henda spurningin hava vit nú loyst, slær ein av fyrireikarunum, Rógvi Nielsen fast. Tey, ið hava verið til tær und­ an farnur bátastevnurnar, báta­ festivalarnir ella líknandi tiltøk vita, at bátarnir eru ymiskir, bæði av slagi, stødd og ikki minst prís­ klassa. Ein partur av bátunum eru í tí dýrara endanum, har til ber hjá monnum og familjum teirra at verða búgvandi umborð undir stevnuni. – Hetta hevur eisini tað við sær, at menn eru sera eymir um sínar bátar. Og tí eru teir heldur ikki serliga fegnir um, at fólk ganga bát av báti fyri at koma til sín egna bát, slær Rógvi Nielsen fast. Veruleikin er jú hann, at liggur ein uttast í røðini, er rættiliga langur vegur og rættiliga stríggið at ganga av bryggjukantinum og umborð á sín egna bát – onkutíð heilt yvirum 16 aðrar bátar. Fleiri hava eisini børnini við, og liggja tey tá og sova, er altíð ein møguleiki fyri at tey vakna, tá fólk soleiðis ganga bát av báti á miðjari nátt. Bíleggja pláss At byrja við lógu bátarnir við bryggj una, og sum oftast uttan á hvørjum øðrum. Prinsippið var »først til mølle«. Hetta var á mangar mátar ein neyðug loysn tá. Tann stóri trupulleikin var, at fleiri bátar hildu sera fast um sítt pláss. Teir kundu tí ikki fara við til sjálvt høvuðstiltakið – innsiglingina – tí so var vandi fyri, at onkur annar bátur lá á teirra plássi, tá teir løgdu at landi aftur. Hetta var ikki serliga nøktandi, hvørki fyri fyrireikarar ella báta­ eigarar. Tí byrjaðu teir í 2006 við at leggja bátabrúgvar út, og sum teir hava fingið til vega frá alistøðum kring landið. Eftir stóru undirtøkuna í fjør, hava teir nú av álvara gjørt seg út, og hava útvegað sær ikki færri enn 85 metrar av atløgusíðu aftrat, eins og møguleikarnir at fáa streym og vatn úr landi eru batnaðir almikið. Fyri at betra um tænastuna upp aftur meiri, er nú møguleiki hjá bátaeigarum at bíleggja sær eitt fast pláss fyri eitt ávíst gjald. – Líkt er til, at hetta hevur verið eitt sera hent tiltak, tí øll plássini á teirri nýggju brúnni eru longu bíløgd, sigur Rógvi Nielsen. snorri@sosialurin.fo Bátarnir hava ligið tætt í Vestmanna. Men í ár verða umstøðurnar bæði øðrvísi og betri TÆTT 85 metrar av brúgvum VesTmanna Fyrireikararnir av Bátastevnuni dugdu í 2002 neyvan at ímynda sær, hvussu stór undirtøkan fór at verða. Tey fyrstu árini var undirtøkan góð, men síðani er hon vorðin størri, fyri ikki at siga rættiliga stór. Okkurt árið vóru 3500 fólk í bygdini undir stevnuni. Í dag eru øll hesi bátaplássini umbiðin.