týsdagur 25. mai 2010síða 7

7 Týsdagur 25. mai · Nr. 85 Sosialurin Tá ið næsta skúlaár byrjar einaferð mitt í august, verða tað tilsamans 6826 børn í fólkaskúlanum. Tað vísir eitt fyribils yvirlit, sum mentamálaráðið hevur gjørt. Talan er um 3539 dreingir og 3287 gentur. Sum tað sær út í løtuni, verða hesir næmingarnir býttir sundur á 48 skúlar. Av hesum skúlunum hava 20 skúlar fleiri enn 100 børn og 10 skúlar hava færri enn 20 børn. Í Suðuroy verða tríggir skúlar við færri enn 20 børnum og tað eru skúlin í Sumba, í Hovi og í Fámjin. Í Sandoy er talan um skúlan í Skálavík, í Streymoy er tað skúlin í Haldórsvík, í Eysturoy eru tað skúlin í Oyndafirði og tann í Funningsfirði og í Norðoyggjum er talan um Húsa/ Syðradals Skúla og skúlan í Haraldssundi. Og so er tað eisini skúlin í Stóru Dímun, sum verður endurstovnaður nú. Av øllum skúlunum í Før­ oyum er Eysturskúlin nógv tann størsti. Har verða 503 næmingar eft ir summarferiuna. Annars eru tað eyðvitað skúlar nir í Havn, sum eru nógv teir størstu. Men skúli, ið stingur seg upp í millum, er Runavíkar Skúli, sum er næststørsti skúli í landinum, har vera 426 næmingar eftir summar­ feriuna. Í venjingarskúlanum verða 404 næmingar eftir sum m ar feriuna og í Tórs­ havn ar Kommunuskúla verð ur næmingatalið 398, í Hoyvíkar skúla verða 377 næm ing ar og í skúlanum við Løg man nabreyt verða 305 næm ingar. Í Klaksvík eru eisini tveir stórir skúlar. Í skúla num á Ziskatrøð verða 397 næmingar og í spildur­ nýgg ja skúlanum við Ósánna verðru næmingatalið 327 næsta skúlaár. Um alt landið Áki Bertholdsen Tá ið børnini fara í skúla aftur í august, verða seks skúlar færri í føroysku fólkaskúlaskipanini, enn tað vóru fyri einum ári síðani. Í hesum sambandi verða seks smáir bygdarskúlar niður lagdir nú í summar. Harafturat varð ein skúli niður lagdur í jólum, so tilsamans eru sjey skúlar niður lagdir hetta síðsta árið. Tað er um alt landið at skúlarnir eru farnir at fækk ast í tali. Men harafturímóti verður ein lítil skúli, sum annars hevur verið niðurlagdur, endurstovnaður nú í summar. Tað er skúlin í Stóru Dímun, har eitt skúla barn verður eftir summarferiuna. Teir seks skúlarnir, sum verða niðurlagdir eftur summarferiuna í ár, eru: • Húsavík/Dalur • Sandvík • Skúvoy • Hestur • Funningur • Koltur Annars varð skúlin við Gjógv niðurlagdur á jólum, tí tey trý børnini vildu heldur sleppa í Norðskála/ Oyra Skúla at ganga. Børnini í Húsavíkar/ Dals skúla vilja heldur sleppa til Sands at ganga í skúla og børnini í Sandvík vilja held ur til Hvalbiar. Men í Skúvoy, Hesti og í Funningi eru skúlarnir niðurlagdir tí at ongi skúlabørn eru. Í Koltri hevur skúli bara verið hetta síðsta árið, men tey bæði børnini flyta nú inn aftur á megin­ landið at halda fram við skúlagondini har. Gongur strilti Annars gongur heldur strilti at manna lærara­ størvini í teimum heilt smáu skúlunum, serliga við útbúnum lærarum. Starvið í Dímun varð lýst leyst og har vóru tveir umsøkjarar, men báðir tóku um­ sóknina aftur, so tað starvið er lýst leyst einaferð aftur at. Har er so ein umsókn komin, men freistin er ikki farin enn. Annars er lýst eftir lærara í Mykinesi og í Fugloy og har eru eisini umsóknir. Eitt sindur óvæntað er tað, at fýra umsóknir eru komnir til starvið í Myki­ nesi og tað hevur ikki verið vanligt og tað er eisini tvær umsóknir til starvið í Fugloy. Annars varð eisini søkt eftir lærara til Tjørnu­ víkar og til Kunoyar og tey størvini eru bæði sett. Seinastu árini er tað blivið verri at fáa útbúnar lærarar at manna teir smáu skúlarnar, sigur Jenny Lyder sen á Mentamálaráðnum. Hon dugir ikki at siga, hví tað var frægari fyri nøkrum fáum árum síða ni, men hon heldur, at ein orsøk kann vera, at tað er tórført at fáa heil húski at flyta á útoyggj. aki@sosialurin.fo Umleið tvær milliónir! Tað er upphæddin, sum verð ur spard burtur, nú nakrir av teimum smáu bygdar skúlunum halda upp at í summar. Olaus Jespersen sigur, at tal an verða um eini fimm full tíðar lærarastørv, sum verða niðurløgd av tí, at skúlar nir halda uppat. At næmingarnir flyta fer ikki at føra til hægri játtan til skúlarnar, sum næm ing ar nar fara í, tí teir fara í flokkar, sum longu eru, so har hendir ongin broyting. 2 milliónir Eysturskúlin nógv størstur ar niðurlagdur 6826 Næsta ár verður skipanin broytt, so at játtanin til fólkaskúlan ikki longur skal fylgja skúlanum, men barninum og at tað fer at verða ein fyrimunur fyri summar skúlar og ein vansi fyri aðrar, sigur Olaus Jespersen, deildarstjóri í mentamálaráðnum Savnsmynd av skúlanum á Húsum, sum framvegis er opin SKÚLI Í BROYTING