hósdagur 17. januar 2002síða 12

22 Nr. 11 - 17. januar 2002 Nr. 11 - 17. januar 2002 23 Anders Fogh Rasmus- sen er sinnaður at stuðla føroysku royndini at fáa viður- kenning frá altjóða olympisku nevndini. Málið varð tikið upp á fundinum millum løgmann og danska forsætisráðharran mánadagin, og Fogh fer væntandi at geva sítt viðmæli IOC Stefan í Skorini Løgmaður Anfinn Kalls- berg valdi at taka málið um royndirnar hjá Ítróttarsam- bandi Føroya at vinna altjóða viðurkenning frá olympisku nevndini til viðgerðar, tá danski for- sætismálaráðharrin, Anders Fogh Rasmussen, var á vitjan. Hann vísti vælvild, og teir báðir hava avtalað at taka málið uppaftur. – Forsætisráðharrin var sera hugaður at stuðla føroysku royndunum, og avtalaðu Annfinn Kalsberg og Anders Fogh Rasmussen at samskifta skrivliga um málið í næstum, sigur ÍSF í einum tíðindaskrivi. ÍSF er av álvara farið at brynja seg út, nú ítróttar- sambandið hevur sett sær tað mál at fáa viðurkenning frá altjóða olympisku nevndini, IOC. Málið er at fáa umsóknina fyri nevnd- ina á vári í 2003. Seinni í ár verður fundur millum tey norðurlendsku ítróttarsambondini, og tá fer ÍSF at leggja hetta málið fyri luttakararnar. Vænt- andi fara øll tey norður- lendsku sambondini at taka undir við og stuðla før- oyska ynskinum. Danska ítróttarsambandið hevur longu boðað frá sínum stuðli. Umráðandi við viðmælum ÍSF ásannar, at tað er neyðugt við nógvum við- mælum frá politiskum leiðarum og øðrum ítróttar- sambondum. Føroyska ynskið verður lagt fyri eina nevnd undir IOC, ið tekur støðu til, um lond og oyggjabólkar, ið søkja, skulu fáa limaskap. Tá er neyðugt at sannføra hesa nevndina um, at ÍSF er ein felagsskapur, ið lýkur øll krøv, ið IOC setir sínum limum. Tí heitti ÍSF á løgmann, ið er verji hjá ítróttarsam- bandinum, um at taka málið upp við Anders Fogh Rasmussen. Løgmaður játtaði hesum, hóast skráin á fundinum var sera tøtt. ÍSF ætlar at fáa viður- kenning frá hægsta polit- iska myndugleika í ríkin- um. Hetta hevði styrkt um- sóknina hjá ítróttarsam- bandinum. – Hetta er bæði við til at geva umsóknini ans, men eisini til at tryggja okkum, at ríkisrættarliga støðan ikki verður nøkur forðing fyri olympiskari viðurkenn- ing, sigur ÍSF. Heðin Mortensen, forseti í ÍSF, er sera fegin um, at løgmaður vildi taka málið upp á fundinum. Hann met- ir, at eitt viðmæli frá einum statsleiðara vigar ógvuliga tungt og gevur okkum betri møguleikar at fáa viður- kenning. – Støða Føroya í ríkinum ger, at ÍSF eftir olympisku reglunum má vísa á, at Føroyar eru eitt land, hóast Føroyar eru í einum sam- veldi við Danmark. Tí er tað sera umráðandi at kunna vísa á, at bæði løg- maður og forsætisráðharrin eru samdir um okkara støðu sum land í ríkinum, og at tað tænir bæði donsk- um og føroyskum áhuga- málum at ÍSF fær hesa viðurkenning. Fremsta málið hjá ÍSF er ikki at føroysk ítróttarfólk sleppa við til leikirnar, ið eru fjórða hvørt ár. Hin- vegin sleppa føroysk ítrótt- arfólk við til kappingar fyri smærri limalond. Harum- framt fær føroyskur ítróttur peningaligan stuðul ígjøg- num stuðulsskipanina hjá IOC. Við einum viðmæli frá Anders Fogh Rasmussen er ÍSF komið eitt fet nærri viðurkenningini. Meðan fólk her í sóknini fyrireikaðu seg til nýggj- árshald, og at bjóða enn einum nýggjum ári væl- komnum, frættist, at so langt náddi onkur ikki. Sjálvan ársins seinasta dag fóru Merkini í hálva stong. Egon Thomsen úr Froðba var brádliga farin; hann gjørdist bert 54 ára gamal. Egon var næstelsti sonur Marina og Elias Thomsen, undir Skorðum í Froðba. Hann vakst upp har hjá góðum foreldrum, sum ein av fleiri systkjum. Aftaná lokna skúlatíð, fekst Egon við ymisk arbeiði, til hann at enda fór at fáast við jørð og betong. Hetta kom at verða hansara lívsstarv. Hann fekk sær útbúgving sum spreingimeistari, eins og hann tók fleiri skeið. Hetta, saman við nógvum royndum úti í ”markini”, skuldi gera hann føran fyri at átaka sær stórar upp- gávur innan byggiøkið. Teldukønur var hann eisini; bæði til skrivt, rokni- skap og kønur var hann í ymiskum tekniforritum, slík sum verkfrøðingar nýta. Egon roknaði mong tilboð fyri ymiskar entre- prenørar. Hetta sigur hvussu stinnur hann var, hóast onga akademiska út- búgving. Rættiliga tíðliga í Egons byrjaði vánalig heilsa at leggja honum forðingar fyri at virka soleiðis, sum hon- um listi. Kortini royndi hann sum frægast, og legði hann mangt dygdargott verk úr hondum. Hann arbeiddi nógv sjálvstøðugt, men var eisini mangan knýttur at stórum verkætl- anum, ið aðrir byggimeist- arar stóðu fyri. Eisini heitti kommunan á hann um at gera skrásetingararbeiði. Tá ið Tvøroyrar Komm- una í fjør søkti eftir verk- frøðingi til teknisku deild, heittu fleiri á Egon at søkja hetta starv. Honum líkt, var hann trekur - visti ikki um hann fór at megna arbeiði - men eftir fleiri áheitanir, søkti hann og fekk starvið. Hetta var eitt minni kropsligt krevjandi arbeiði, ið hóskaði betur til ikki alt ov góðu heilsu hansara. Eisini var tað eitt arbeiði hann hevði stóran áhuga fyri og vitan um; drúgva vitan frá áralongum roynd- um í arbeiði innan býar- mark. Men Tvøroyrar Býráð hevði so sanniliga fingið fatur á rætta manninum, tað sannaðu tey, ið samstarv- aðu við honum. Dugnaligur og góður at arbeiða saman við. Hann verður saknaður av teimum sum hava sína dagligu gongd á kommunuskrivstovuni. Egon var vitugur maður, og visti um mangt og hvat. Honum dámdi væl at siga frá. Politikkur hevði hans- ara stóra áhuga, og var hann hollur stuðul hjá Suðuroyar Tjóðveldisfelag. Eitt skifti var hann eisini nevndarlimur. Vit, sum kendu Egon, hava góð minnir eftir hann. Ein stillførur maður, ið ikki gjørdi uppgávurnar meira truplar enn neyðugt, men loysti tær so hvørt, sum tær stungu seg upp, á egnan og stillisliga hátt. Framanundan Egoni, eru brøðurnir Hans Pauli og Jóan Petur, farnir, eisini í bestu árum. Nú Egon er farin somu leið, sita systkin við familju og ættfólk við sakninum. Men minnir liva eftir. Friður verið við minnin- um um Egon Thomsen. Dan Egon Thomsen til minnis 20.3.1947 – 31.12.2001 Fogh stuðlar olympiskari viðurkenning Anders Fogh Rasmussen er sinnaður at stuðla føroysku royndini at vinna olympiska viðurkenning. Hann og løgmaður fara at taka málið uppaftur. Væntandi fer nývaldi forsætisráðharrin at stuðla ÍSF í umsóknini Mynd: Álvur Haraldsen Útbjóðing Sumbiar kommuna bjóðar hervið út arbeiði at flyta 20.000 rúmmetrar av gróti frá grótdunganum á Lopranseiði oman í Ónavík, har tað skal leggjast út til havnaøkið. Boðini skulu verða Sumbiar kommunu í hendi í seinasta lagi mánadagin tann 28. januar 2002 kl. 1800. Fleiri upplýsingar um arbeiði kunnu fáast við at venda sær til Sumbiar kommunu á telefon 224894. Kommunustýrið skilar sær rætt til at velja millum innkomnu tilboðini ella havna øllum. Sumbiar Kommuna FO-970 Sumba Tlf. +298 370344 Fax +298 370114 Lærari søkist til Argja skúla Vegna barnsburðarfarloyvi verður søkt eftir lærara at byrja uml. 15. februar 2002 og skúlaárið út. Starvið er tíðaravmarkað og verður lønt sambært avtalu millum Føroya Lærarafelag og Fíggjarmála- stýrið. Lærugreinir: støddfrøði, danskt, kunningartøkni, náttúra og tøkni í miðdeildini. Landalæra í 9. flokki og Miðlabreyt. Møguleiki er fyri evt. broytingum. Umsókn við møguligum prógvum skulu verða skúlastýrinum í hendi í seinasta lagi týsdagin 12. februar. Nærri upplýsingar fáast við at venda sær til skúlan, tlf. 314136. Skúlastýrið fyri Argja skúla v/ Maritu Simonsen Støðlagøta 15 Argir Ortopædkirurgiskur skómakari & bandagistur fra SAHVA verða á Klaksvíkar Sjúkrahúsi 5. feb. 2002 og á Landssjúkrahúsinum 6.-7. feb. 2002. Tíð fæst við at ringja á tlf. 45 54 63, týsdag og mikudag kl. 10-12, í seinasta lagi mikudagin 30. jan. 02. FISKISKIRANNSÓKNAR- STOVAN Prøvatakari m/k í Suðuroy Fiskirannsóknarstovan sóknast eftir einum fólki at taka prøvar av fiskalandingum í Suðuroy. Arbeiðið krevur nærlagni og áhuga og eina hampuliga góða heilsu, men annars ikki nakrar ser- ligar fortreytir. Arbeiðið umfatar longdarmáting og viging av fiski, ið verður landaður til uppboðssølu og/ella fiska- virkini, umframt at nytrar skulu takast og hartil hoyrandi skriviarbeiði. Hetta arbeiði er ein liður í stovnsmetingararbeiðinum hjá Fiskirannsóknar- stovuni. Arbeiðstíðin lagar seg eftir,nær skip og bátar landa og er sostatt ikki fulltíðarstarv. Umsøkjarin má vera til reiðar at arbeiða ymsar tíðir á degnum. Umsóknarfreistin er úti 1. februar 2002. Fiskirannsóknarstovan Nóatún 1 Postsmoga 3051 110 Tórshavn C M Y K 23 22