mánadagur 14. juni 2010síða 22

Mánadagur 14. juni · Nr. 94 22 Sosialurin Ítróttarblaðið Kappingin er so fjøl - broytt sum sjáldan SUNDALAGSSTEVNA Fýra nýggir vinnarar vóru kjósaðir í Hvalvík, har tað gekk ógvuliga striltið at fáa gongd á kappróðurin Tróndur Arge Kappróðrarárið tykist fara at vera so fjølbroytt, sum tað sjáld an áður hevur verið tað. Á Sunda lagsstevnu í Hvalvík síðsta leygardag vóru nýggir vinn arar í fýra kappingum, og aft ur hesa ferð var tað sera tætt í fleiri róðrum. Vinnararnir vóru úr fleiri økjum kring landið. Vest menn­ ingur vann kapp ingina millum 10­mannaførini, og Kvívíkingur, sum venur í Vestmanna, og sum gerandiskvøld ofta kapprør við Vestmenning, vann fyri aðru ferð í ár kappingina millum 8­manna førini. Páll Fangi úr Klaksvík endur vann kappingina mill­ um 6­mannafør við monn um, og Sølmundur úr Kappróðrar­ felagnum NSÍ á Glyvrum endur vann kappingina millum 6­manna før við kvinnum. Drekin hjá Havnar Róðrar­ felag var nýggjur vinnari í kapp ingini millum 5­mannafør við kvinnum, Royndin Fríða úr Vági var nýggjur vinnari í kapp ingini millum 5­mannafør við dreingjum, og Falkur úr Hósvík var nýggjur vinnari í kapp ingini millum 5­mannafør við gentum. Í barnaróðrunum vóru somu vinnarar sum á Norð oya­ stevnu. Dreingirnir á Títlingi hjá Havnar Róðrarfelag og gent urnar á Teistanum hjá Argja Róðrarfelag. Umstøðurnar at rógva kapp vóru ikki so galnar. Tað tók langa tíð at leggja bátarnar. Hóast tað varð farið undir barna róðurin á 250 metrum klokkan 13, so var ikki klárt at senda dreingjabátarnar av 1000 metra málinum fyrrenn klokk an 16, og tað var akkurát so, at 10­mannaførini fóru um málið, áðrenn dómarin klokk­ an 19 bríkslaði fyri fyrstu ferð í landskappingardystinum og stevnudystinum millum EB/ Streym og ÍF. Leygardagin verður aftur kappróður á skránni. Tá verður kappast á Eystanstevnu á Skála fjørðinum, har tað – eins og í Hvalvík – fer at verða kapp ast á øllum fýra teinunum – 250 metrar, 1000 metrar, 1500 metrar og 2000 metrar. trondur@sosialurin.fo Vestmenningur er vaknaður 10-MANNAFØR Fyri fyrstu ferð síðani á Ólavsøku í 2002 eydnaðist tað leygardagin Vestmenningi at vinna, og nú er tað lagt upp til sera tætta kapping millum Vestmenning og Eysturoying, sum higartil hava vunnið seks FM heiti í part Tróndur Arge Tað var eitt sindur óvæntað, at Vestmenningur vann á Sunda­ lagsstevnu. Í kjalarvørrinum av Norðoyastevnuni sigur tað seg sjálvt, at Eysturoyingur var favo­ rittur, men tað var altso Vest menn­ ingur, sum kom fyrstur á mál í Hvalvík. Á Norðoyastevnu var Eystur­ oy ingur fremstur við 7.14.05, og Vestmenningur var næstfremstur við 7.16.16. Leygardagin var vinn­ ara tíðin hjá Vestmenningi 9.47.13, og Eysturoyingur var næstfyrstur við 9.49.03. Á Norðoyastevnu kappaðust 10­mannaførini á 1500 metrum, og á Sundalagsstevnu kappaðust tey á 2000 metrum. Sammett við avrikið á Norðoyastevnu var avrikið hjá Vestmenningi hesa ferð 4.21 sekund betri enn tað hjá Eysturoyingi. Søgan sigur, at Vestmenningur ofta hevur verið eitt sindur tungur í startinum, og at tað ikki hevur verið fyrrenn í miðróðrinum og í endaspurtinum, at Vestmenningur hevur tikið tað, sum hevur verið neyðugt at vinna, fyri at koma fremstur á mál. Soleiðis var tað ikki á Sunda­ lagsstevnuni. Hjá øllum trim um bátunum – Hoyvíkingi, Eystur oy­ ingi og Vestmenningi – var start­ urin góður. Eina løtu tóktist tað sum um, at Eysturoyingur hevði hug at stinga seg framum, men Vest menn ingur helt honum í sera stutt um tjóðri, og so við og við var tað Vestmenningur, sum tað mun­ aði best hjá. Hoyvíkingur dragnaði, og tá ið Vestmenningur hevði fingið Eystur­ oying eina bátslongd afturum, bar tað ongantíð til hjá favorittunum at taka vestmenningarnar. Onkra ferðina tódnaði munurin eitt sindur, men á málinum var eing in ivi. Vestmenningur var meiri enn eina hálva bátslongd framman fyri Eysturoying, sum var fleiri báts­ longdir frammanfyri Hoyvíking. Teir stóru Vestmanna er gomul kappróðrar­ bygd. Seinastu árini hevur tað verið eitt sindur upp og niður hjá 10­mannafarinum. Nú er eldur av álvara komin í aftur, og vest menn­ ingar eru aftur farnir at fylgja við úr vindeygum og túnum, tá ið Vest menningur summarkvøldini venur. Í FM søguni, sum gongur aftur til 1973, verður Vestmenningur rokn­ aður millum teir stóru. Um gjørt verður upp í talinum av FM heitum, so er Vestmenningur saman við tveim um øðrum á 2. plássi. Havnarbáturin eigur flest FM heiti (13), og saman við Eystur­ oyingi hava Nólsoyingur og Vest­ menn ingur vunnið FM seks ferðir. Tað eru tíggju ár síðani Vest menn­ ingur var meistari, og inntil á Sundalagsstevnu í Hvalvík leygar­ dagin var Vestmenningur ikki komin fyrstur á mál síðani á Ólav­ søku í 2002. Havnarbátin og Nólsoying er tíverri einki at síggja til í ár, og Klaksvíkingur, sum seinastu árini hevur verið so pretin og hevur vunnið tvey FM heiti, er heldur ikki flotaður. Nú eru tað Eysturoyingur og Vestmenningur, sum eru mitt í stríðnum fyri at vinna FM í ár, og harvið í samantalda FM úrslitinum einsamallur at leggja seg á næst­ fremsta plássið. Kappingarnar í Klaksvík og Hvalvík boða frá stórum spenningi, og leygardagin verður tað aftur spenn ingi, tá ið Eysturoyingur fer at rógva í heimasjógvi! trondur@sosialurin.fo ÚRSLiT 1 Vestmenningur . . . . . . . . 09:47.13 2 Eysturoyingur. . . . . . . . . . 09:49.03 3 Hoyvíkingur . . . . . . . . . . . 10:00.12 STØðAN 1 Eysturoyingur. . . . . . . . . . . . . . . . 13 2 Vestmenningur . . . . . . . . . . . . . . 13 3 Hoyvíkingur . . . . . . . . . . . . . . . . . 10