mikudagur 30. juni 2010síða 45

45 Mikudagur 30. juni 2010 · Nr. 101 Sosialurin Lagt til rættis: Inna Tørnroos Annleyg Sámalsdóttir, Vestmanna - Eg eri gamal Elton-fjeppari, so mær dámdi væl. Teir fystu sangirnar hevði eg ikki hoyrt fyrr. Favoritturin má nokk sigast vera "Your song". Maibritt, Tórhild, Jóhanna Maria og Eilif. Langasandur - Konsertin var ótrúliga góð. "Your song" var bestur. Hjørdis Maria, Ísland - Nú fari eg beint heim at taka allar mínar gomlu Elton John-fløgur fram aftur. Konsertin var sera góð. MC Restorff, Havn - Elton John havi eg hoyrt, líka síðani eg var lítil, og nú tá hann var her við føturnar á okkum í Føroyum, helt eg, at eg skuldi fara og lurta. Vit gjalda jú nógvan pening fyri at fara til London á konsertir. Hann dugir sera væl. á Tórsvølli Uni Arge Onkur prædikumaður bað inni­ liga til Várharra um, at mjørki, ódn arveður og kanska eisini øska úr onkrum jøkli skuldi leggja flog­ ferðsluna lamna, so Elton John ikki fekk lent í Vágum. Tá flog­ farið við bretska sangaranum nærk aðist Føroyum, sást ikki ein mjørkaflóki nakrastaðni, svávul­ rok var onki, og sólin stóð hægst á himni. Várharra setti sum vant ongan eftir, og Elton John kom tíbetur til Føroya í øllum góðum. Eini 6.000 fólk vóru komin saman á Tórsvølli at síggja mann­ in spæla, sum fyrstu ferð steig á altjóða tónleikapallin í 1970, og sum í somu løtu fekk við ur ­ kenning frá teimum, sum í átta ár frammanundan høvdu koll­ velt popptónleikin. John Len n on segði í 1970, tá The Beatles vóru givnir, at tað einasta nýggja ljóð­ ið, ið veruliga segði honum nak að, var ljóðið hjá Elton John, tá hann sang "Your Song." Hansara meting var rættiliga neyv, tí á Tórsvølli kl. 21.30 í 2010 hevði "Your Song" hjá Elton John somu gandakendu ávirkan á áhoyrararnar sum 40 ár framm­ anundan. "Tú kanst siga við øll, at hesin sangurin er til tín," sigur Bernie Taupin í "Your Song," og orðini fingu ikki sørt av kraft, tá hugsað varð í huga, hvussu sum­ mi gjørdu sær fyri skommum undan konsertini og vónaðu, at onki pláss var til Elton John í Føroyum. Maðurin og klaverið Elton John kom til Føroya at syngja og spæla klaver. Ongin guitaristur var við honum, ongar trumm ur vóru á pallinum, og ong­ ir kórsangarar hjálptu honum. Av og á hoyrdust nakrir strúkarar, ið løgdu seg aftrat røddini og klaverinum og góvu ljóðmyndini fyllu. Summi hildu strúkararnar vera sukursøtar, men yvirhøvur var tað í lagi, at einsamalli maðurin við væl ljómandi klaver­ ið av og á fekk ósjónligt fylgispæl úr hátalarunum. Ein vanligan týsdag, tá tú fert av húsum at lurta eftir Elton John, hugsar tú ikki so gjølla um, hvat er í væntu. Tú veitst bara, at tann mannin mást tú hoyra. Tá tú so stendur á Tórsvølli hálvsentimentalur og bíðar eftir elefantinum, og hann brádliga trínur fram á torg, savnast øll tónleikasøgan í ein­ um klumpi í tínum brósti, og tú skilir, at garpurin, sum alt lívið fylti títt høvd við tónleikaligum klassikarum, sanniliga stendur mitt í tínum heimbýi. Í sjálvum sær er tað nóg stórt. Pall urin kann vera svartur ella grøn ur, og hann kann venda suður eftir ella eystureftir. Alt sovorðið er líkamikið, tá høvuðspersónurin hevur selt 250 millión ir plátur og ongantíð er dott in av altjóða tónatindinum í 40 ár. Sjálvur segði Elton John, tá hann var komin á pallin, at hann hevði aldrin trúð, at hann skuldi spæla í einum landi sum Før oyum. Men har setti hann seg so á sín eyðkenda hátt handan klaver ið við einum stórum smíli. Røddin og spælið Elton John eigur so nógvar klassikarar at rista úr ermuni, at hann kann altíð fáa fólk at syng ja við á eini konsert. Sangir sum "Daniel," "Nikita" og "Rocket Man" eru heimshitt, ið øll kenna. Sjálvur havi eg ongantíð av álvara sveim að fyri sangum sum hesum hjá Elton John. Teir byrja væl og ljóða væl, men onkursvegna eru teir ov eins allan vegin. Tá dámar mær betur "Your Song," Goodbye Yellow Brick Road" og "Sorry Seems To Be The Hardest Word." Teir fara undir húðina. Á Tórsvølli var ein sangur sum "Rocket Man" tó ein stór upp living, tí í honum vísti Elton John síni framúr góðu evnir sum klaverboksari. Hann er so rútmisk ur og uppfinnsamur á tangen t unum, at tú kanst ikki annað enn undrast, tá hann flýg­ ur avstað, og sum sangari er hann framvegis øgiligur. Fáur í heimi­ num stendur Elton John kurl, tá hann hann av álvara rullar seg út framman fyri mikrofonini. Røddin er rock 'n' roll, klokkuklár og kraftmikil sum brim ein ódnardag, og á Tórsvølli viknaði hon ongantíð. Hon bara mentist. Spurnningurin er, um onkur hevði tutlað Elton John í oyrað, at hann var fordømdur, áðrenn hann steig á land í Vágum. Áðrenn hann spældi "The Ballad of the Boy in the Red Shoes," kunngjørdi hann, at sangurin var um ein dansara í New York, sum fyrst í áttatiárunum doyði av AIDS. Stjórnin hjá Ronald Reagan gjørdi onki við sjúkuna, ið júst tá var komin undan kavi, og tað var stór skomm, kunngjørdi Elton John opinskáraður undir føroysku summarsólini. Áskoðarar reistust Annars segði hann ikki nógv í mikrofonina. Var ikki yvirstreymandi lukkuligur um at síggja okkum øll og rósti ikki føroysku náttúruni meira enn enn einaferð, og tá meinti hann tað. Hann leveraði sína vøru á professionellan hátt. Spældi fyrst ókendar sangir, og tann fyrsti heilt kendi sangurin var "Daniel." Síðan kom "Don't Let the Sun Go Down On Me," og tá sungu fólk við. Og so komu teir allir, "Rocket Man," "I Guess That's Why They Call It the Blues," "Sacrifice," "Someone Saved My Life Tonight," "Nikita" og "Candle In The Wind." Onkur nýggjur sangur var eisini á skránni. "You're Never To Old To Hold Somebody," ið kemur út seinni í ár, minti áhoyrarafjøldina á, at maðurin á pallinum er ikki heilt ungur longur. Í mars fylti hann 63 ár, og um hann gavst at spæla í morgin, hevði tað ongan mun gjørt fyri hansara eftirmæli. Hann hevði farið í søguna sum ein tann best umtókti tónleikarin nakrantíð. Men Elton John hevur framvegis nógv at geva heiminum. Spælið og røddin eru topptunað, hugurin tykist vera góður, og fólki dámar hann. Ímóti endanum á konsertini sang hann "I'm Still Standing." Tá reistu øll á áskoðaraplássunum seg fyri poppkonginum, og hesa flottu sjón hevði hann hjartaliga uppiborið aftur fyri eina frálíka konsert og eina legendariska karrieru. Eina tøkk hevur Five Star Entertainment eisini uppiborið fyri at gera føroyska summarið ríkari við heimsnøvnum sum Bryan Adams og Elton John. Nú fer at líða væl, at Paul McCartney og Rolling Stones fara at duna millum húsini í Havn. uniarge@gmail.com