hósdagur 24. januar 2002síða 8

Toyota Corolla, ið eru ein av heimsins mest seldu bilum, koma nú á marknaðin við eini heilt nýggjari røð av ymiskum modellum. Har eru hatchback, stationcar og Verso, tó er óvist nær sedan útgávan kemur hendan vegin BILAR Magnus Gunnarsson Toyota hava stórar ætlanir við nýggja Corolla, og eftir teimum góðu ummælunum, teir fáa í útlendskum bil- magasinum, er onki at ivast í, at bilurin verður ein "succes". Nógv er gjørt burturúr at halda kvalitetin á bilinum á so høgum støði sum gjørligt. Hetta merkist serliga innan, har til dømis tilfarið í instrumentborð- inum er bleytari, og lítið er brúkt av hørðum plastikki. Við tað at aksulfrástøðan er størri á øllum útgávunum, er meira beinpláss til tey ferðandi á baksetrunum. Elektriska servostýring Eins og fleiri aðrir nýggir bilar hava allar útgávurnar elektriska servostýring. Allar útgávurnar hava eisini originalt radio við fløguspælara sum standard. Bilurin er sera lættur og ljóðleysur at koyra, eisini dieselmotorurin larmar lítið. Tríggir VVTi bensin- motorar eru at velja ímill- um: 1,4 litur við 97 hk, 1,6 litur við110 hk og T-Sport við 192 hk. Dieselmotor- urin er 2.0 við 90 hk. Framsýning hjá Reyni Service Corolla koma sum hatch- back við 3 og 5 hurðum, stationcar, ið er 20 cm longri og MPV bilurin Verso. Óvist er nær Corolla sedan, ið verða gjørdir í Turkalandi, verða her. De- signið er smart og alt er gjørt fyri at tekkjast evro- peisku keyparunum. Í sam- bandi við at nýggja Corolla røðin er komin til landið, verða teir sýndir fram hjá Reyni Service frá miku- degnum til fríggjadagin frá kl. 8-17 og leygardagin frá 10-15. Frá Reyni Service verður sagt, at øll eru væl- komin at síggja og royna bilarnar. Nr. 16 • hósdagur • 24. januar 2002 • 76. árg. Toyota Corolla Hatchback 5/h Motorurin 1.6 litur VVTi 16V 110 hk 0-100 km/t 10.2 sek. Bensinnýtsla 14.3 km/l Dekkstødd 195/60-15 Stødd og vekt: Longd 418 cm Breidd 171 cm Hædd 148 cm Eginvekt 1175 kg Totalvekt 1650 kg prísur kr. 177.600,- koyriklárur. Søluumboð P/F Reyni Service Vegurin Langi FO-188 Hoyvík Tlf. 313040 www.reyniservice.fo Toyota Corolla 2002 – alt er nýtt uttan navnið Innan er tilfarið á instrumentborðinum og hurðabetrekkunum er bleytari, og lítið er brúkt av hørðum plastikki Mynd: Jens K. Vang Corolla stationvognurin er 20 cm longri enn hatchback útgávan Mynd: Jens K. Vang Eyðun Lisberg frá Reyni Service sýnir her fram nýggja Corolla hatchback við 5 hurðum Mynd: Jens K. Vang 15 14 Nr. 16 - 24. januar 2002 UTTAN ÚR HEIMI Búskapur og vinna: Tómur grunnur Í Danmark er trygdar- grunnurin hjá løntakar- unum um at verða tómur. Orsøkin er, at útgjaldið úr grunninum hevur verið óvanliga stórt hetta seinasta árið, tí nógvar danskar fyri- tøkur hava verið illa fyri fíggjarliga. Hetta kostaði grunninum 289 milliónir krónur í fjør, og tað er nógv meiri enn onnur ár. Grunnurin hevði roknað við, at útgjaldið fór at verða 200 milli- ónir krónur, men tað vísti seg, at fleiri fyri- tøkur enn væntað góvu skarvin yvir. Serliga nógvar danskar KT- fyritøkur góvust í fjør. Tað eru arbeiðsgevar- arnir, sum gjalda í trygdargrunnin, og teir hava nú samtykt at hækka gjaldið næstan 100 prosent. Tað ber í sær, at í ár skulu ar- beiðsgevararnir rinda 210 krónur fyri hvørt fólk, sum er í fullum starvi. Í fjør var gjaldið 110 krónur. Stórhandil í gjalds- steðg Tað gongur framvegis tann skeiva vegin hjá amerikansku vinnuni, og í gjár boðaði stóra handilsketan K-mart frá, at hon var farin í gjaldssteðg. Hetta er tann størsti húsagang- urin í amerikanska handilslívinum nakran- tíð. K-mart hevur 2114 handlar, og árligi um- setningurin hevur ligið um 15 milliardir doll- arar. Leiðslan sigur, at fyritøkan hevur ikki annað í at velja enn at fara í gjaldssteðg, tí sølan er minkað mun- andi, samstundis sum skuldin er vaksin. K-mart er meira enn hundrað ára gamalt, men leiðslan ætlar ikki, at handlarnir kortini skulu lata aftur. Roknað verður við, at bankin fer at halda virksemin- um gangandi, og leiðsl- an hevur longu boðað frá einari "nýggjari byrjan" næsta ár. Úr Norðurlondum: Heima- hjálparar rýma Felagið hjá donskum heimahjálparum ávarar nú kommunurnar um, at okkurt má gerast við arbeiðsumstøðurnar hjá limunum. Hendir einki, kann tað gerast trupult at fáa fólk at arbeiða sum heimahjálparar, sigur felagið. Tað er serstakliga kappingin frá teimum privatu heimahjálpar- fyritøkunum, sum legg- ur trýst á ta kommunalu heimahjálpina. Fakfe- lagið sigur, at umstøð- urnar hjá teimum, sum arbeiða hjá kommun- unum, eru so vánaligar og krevjandi, at nógvir heimahjálparar velja at gevast. Summar enda á sjúkrahúsi, og tað finn- ast fleiri dømi um, at heimahjálparar hava fingið varandi mein av arbeiðinum og eru vorð- nar avlamispensjonistar, sigur fakfelagið. Sambært felagnum eru arbeiðsumstøður- nar vorðnar soleiðis, at heimahjálpararnir hava alt ov lítla tíð at taka sær av teimum gomlu, tí kappingin krevur, at tær skulu skunda sær. Úrslitið er, at minni dentur verður lagdur á sjálvt arbeiðið, sigur fakfelagið hjá donsku heimahjálparunum. Umstríddur biskupur fer frá Sigurd Osberg, sum hevur verið biskupur i Tunsberg í Noregi sein- astu 12 árini, hevur óvæntað boðað frá, at hann leggur frá sær. Sigurd Osberg vakti ans, tá hann sum tann fyrsti av norsku biskup- unum hættaði sær at viðgera støðuna hjá samkyndum í norsku kirkjuni. Tað var í 92. Leingi var hann tann einasti, sum tók málið upp á tunguna, men seinni fekk hann stuðul frá nøkrum av sínum starvsfeløgum, teirra millum Oslo-biskupin- um Gunnar Stålsett. Tað eru Haraldur kongur og kirkjumála- ráðharrin, sum í felag skulu tilnevna nýggjan biskup í Tunsberg, men fyrst verða fleiri inn- stillingar. Hildið verð- ur, at ein kvinna, tann 45 ára gamla Helen Bjørnøy, hevur ein møguleika at taka við embætinum. Amnesty Internatio- nal hevur biðið amerikansku mynd- ugleikarnar um loyvi at sleppa at tosa við fangarnar í Guan- tanamo FANGARNIR Í GUANTANAMO Árni Joensen Tað er tann norska deildin hjá Amnesty International, sum hevur sent ameri- kansku myndugleikunum fyrispurningin. Aðalskrivarin í AI í Noregi, Peter Eide, sigur, at felagsskapurin kennir seg ikki heilt tryggan, tí amerikansku myndugleik- arnir eru ikki serliga fegnir um tær nógvu atfinning- arnar, sum eru komnar seinastu dagarnar. – Vit vita ikki, um tað, sum vit hava sæð á mynd- um, hevur til endamáls at leggja trýst á fangarnar, men vit vita, at myndug- leikar aðrastaðni hava nýtt hesa somu ólógligu fram- ferðina fyrr. Halda ameri- kanararnir ikki, at teir gera nakað skeivt, eiga teir at lata onnur sleppa at síggja viðurskiftini í fangaleguni, sigur Peter Eide. Hann leggur afturat, at vilja amerikanararnir ikki ganga áheitanini frá Am- nesty International á møti, ætlar felagsskapurin sær at biðja norsku stjórnina um hjálp. Peter Eide sigur, at tað hevur stóran týdning fyri stríðið ímóti altjóða yvir- ganginum, at almenning- urin fær at vita, hvussu fangarnir í hesum stríði verða viðfarnir. Tað sigur fyrrverandi ísraelski forsætisráð- harrin, Ehud Barak BARAK Í USA Árni Joensen Ehud Barak er í hesum døgum í USA, har hann hevur hitt fleiri embætis- menn í stjórnarumsitingini í Washington. Á einum tíðindafundi í gjár varð Barak spurdur, hvat hann heldur um palestinska leiðaran, Yasser Arafat, og lut hansara í ófriðinum. Barak svaraði, at Arafat sær út sum ein yvirgangsmaður og háttar sær sum eisini sum ein slíkur. – Kanska er hann eisini yvirgangsmaður, segði Ehud Barak. Fyrrverandi forsætisráð- harrin helt, at tað er neyð- ugt og rætt at siga sann- leikan um palestinska leiðaran, fyri at fólk kunnu gera sær eina mynd av manninum. Hvør myndin so verður, er upp til hvønn einstakan at gera av, segði hann. Amerikanskir eygleiðar- ar vóru ikki sørt ovfarnir av orðalagnum hjá fyrrverandi ísraelska forsætisráðharr- anum. Teir vísa á, at Barak og Arafat komu næstan á mál við einari friðaravtalu á sumri í 2000, og orð Baraks vísa bert, hvussu breið gjógvin millum ísraels- menn og palestinar er vorðin, siga eygleiðararnir í Washington. Amnesty International vil sleppa at avhoyra fangarnar á Kuba Arafat er sum ein yvirgangsmaður Arafat sær út sum ein yvirgangsmaður og háttar sær sum eisini sum ein slíkur, svaraði Barak, tá hann á tíðindafundi varð spurdur um, hvat hann helt um Arafat Mynd: Reuters C M Y K 14