fríggjadagur 25. januar 2002síða 2

2 Nr. 17 - 25. januar 2002 Nr. 17 - 25. januar 2002 3 Tøkk Hjartaliga takki eg øllum tykkum, sum gleddu meg á 80 ára føðingardegnum, við vitjan, gávum, fjarritum, uppringingum og tykkum sum hjálptu til. Heilsan Jacob Reinert, Tórshavn Lívfrøðingur ella bachelor í lívfrøði Havlívfrøðiliga royndarstøðin søkir eftir lívfrøðingi til umhvørviskanningar á føroyskum firðum. Arbeiðið fevnir um at tilrættaleggja kanningar og taka lut í innsavningararbeiði,og at arbeiða tilfarið endaliga á kanningarstovu. Viðkomandi, ið settur verður skal eisini kunna átaka sær at arbeiða við teoretiskum verkætlanum og savnskendum upp- gávum. Høvuðsuppgávur • At savna inn ryggleys djór • Navngreining • Hjálp til við ymiskum verkætlanum • Skriva frágreiðingar • Røkt av dýrasavni og ritsavni Førleikakrøv • Umsøkjarin skal hava útbúgving sum lívfrøð- ingur ella bachelor í lívfrøði, ella samsvarandi útbúgving. Fyrimunir annars • Kunnleiki til ryggleys djór • Teldukunnleiki, serliga tekstviðgerð, rokniark, GIS og dátubasu • At vera stinnur í føroyskum máli bæði í skrift og talu • Duga at tosa og skriva enskt á brúksstøði • Kunna sigla bát og duga vanligan sjómannskap • Koyrikort • Kaving Setanarviðurskifti Starvið verður at seta skjótast til ber.Starvið verður lønt eftir sáttmálanum millum Føroya Magistara- felag og Fíggjarmálastýrið. Starvið verður í fyrsta umfarið avmarkað til eitt ár. Møguliga verður starvstíðin longd. Umsókn við upplýsingum um útbúgving og royndir skulu verða Havlívfrøðiligu royndarstøðini í hendi í sein- asta lagi 11. februar 2002. Nærri upplýsingar um starvið kunnu fáast við at venda sær til leiðaran Jan Sørensen á tlf. 316111. Havlívfrøðiliga royndarstøðin 180 Kaldbak • fax 316361 Miðvágs Arbeiðarafelag Aðalfundurin verður 16. februar kl. 16.00. Nevndin - Tað er átrokandi neyðugt, at ein viðgerðarstovnur fyri ungar rúsevnismis- nýtarar verður settur á stovn beinanvegin. Spurningurin er, um Fyribyrgingarráðið er sína uppgávu vaksið, tá ið tað ikki tekur rúsevnismisnýtsluna í álvara og setur tiltøk í verk, sigur Erna S. Hákonardóttir, alkohol- og familjuráðgevi MISNÝTSLA Turið Kjølbro Handtøkan av fleiri monn- um, sum eru skuldsettir fyri at flyta inn og selja rúsevni í Føroyum, hevur enn eina ferð sett rúsevnismisnýtsl- una á dagskránna. Í tí sam- bandi kom fram í fjøl- miðlunum, at marknaðurin av rúsevnum í Føroyum er ógvuliga stórur og er alsamt vaksandi. Rúsevni, sum fyrr vóru óvanlig her á landi, eru í dag alt meiri vanlig. Alt annað líka sigur hetta okkum, at nógv fólk eru misnýtarar av rúsevni. - Støðan er ógvuliga álvarslig. Eg havi í seinast- uni sæð nógv ungfólk eksperimenterað við speed og hasj. Niðurundirkomnar mammur hava vent sær til mín av neyð, tí teirra børn eru í rúsevnum, sigur Erna Sigrún Hákonardóttir, sum arbeiðir sum alkohol- og familjuráðgevi í Havn. Serlig viðgerð Ung við rúsevnistrupulleik- um eiga at koma í eina við- gerð, ið serliga er ætlað hesum aldursbólkinum. - Rúsevnismisnýtslan førir við sær so stórar heila- broytingar og -skaðar, at tað ræður um at fáa fatur á teim ungu sum skjótast. Fyrr tey verða hjálpt, størri møguleika hava vit fyri at hjálpa teimum. Annars missa vit tey. - Eg síggi vaksandi trupulleikar av rúsevnum, og sum ráðgevi upplivi eg størsta maktarloysi, at vit ikki enn eru farin í gongd við at gera eina viðgerð fyri ung. Nógv dugnalig fakfólk eru í Føroyum, men hesi eiga at verða skúlað serliga í viðgerð fyri ung. Tað er rópandi neyðugt, at hetta verður gjørt beinanvegin. Verandi viðgerðarstovnar megna ikki hesa uppgáv- una, ikki minst tí, at ung- lingurin ikki er fullvaksin. Heilt aðrir viðgerðarhættir verða brúktir til ungfólk enn til vaksin. Avrúsing av rúsevnum er nógv truplari og verri enn avrúsing av rúsdrekka. Tað er í grundini eitt kynstur at hjálpa mis- nýtarum burtur úr eini misnýtslu. - Alla aðra staðni eru væl útbygdir viðgerðarstovnar til ung, nógva staðni eru skúlar knýttir afturat teim- um soleiðis at tey ungu ikki missa skúlagongd. Vit eiga ikki at billa okkum inn, at vit ikki hava tørv á eini serligari viðgerð fyri ungar misnýtarar her. Myndugleikarnir sova Einki bendir á, at ein slíkur viðgerðarstovnur verður settur á stovn. - Tá ið okkara myndug- leikar sova og ikki ynskja at tosa um hesi viðurskiftini, hendir einki. Teir halda væl standa til, tá ið vit hava tveir viðgerðarstovnar, men hvussu úrslitini eru á hesum stovnum gáa teir ikki um, ei heldur spyrja eftir. Út frá hagtølum, sum eiga at vera til um misnýtsl- una sum er, eiga myndug- leikarnir og eitt nú Fyri- byrgingarráðið at seta í gongd tiltøk og fyribyrg- ingararbeiði av ymiskum slag. Soleiðis er í øðrum londum. Eg seti spurnar- tekin við, um Fyribyrging- arráðið er sína uppgávu vaksið, tá ið tað ikki tekur henda spurningin upp og viðger hann í álvara. Fylgir Fyribyrgingarráðið ikki við, hvat hendir í samfelag- num, veit eg ikki, hvat tað skal brúkast til. Hóast alt kókar um rúsevnismis- nýtslu og annað misbrúk, letur Fyribyrgingarráðið ikki við seg koma. Eingin almennur fundur er hildin um evnið, ongar lýsingar verið, ongin upplýsing og so framvegis. Um fyribyrg- ing er at halda fyrilestur á skúlum eina ferð um árið, er tað alt annað enn nóg gott, sigur Erna S. Hákon- ardóttir. Erna S. Hákonardóttir hevur vent sær til Fyribyrg- ingarráðið, men er haðani víst til onkran annan. - Tað letur til, at eingin tekur hesa gongdina í álv- ara. Eftir mínum tykki átti tað verið fremsta uppgávan hjá Fyribyrgingarráðnum at viðgjørt hesa ræðandi gongdina og sett tiltøk í verk. Máta misnýtslu Eftir áheitan frá Ernu S. Hákonardóttir ber til á Apotekinum at bíleggja mátingarstokkar, sum máta, um rúsevni, heilivágur ella annað er í blóðnum. Eitt nú kann hasj mátast í blóðnum í upp til 36 dagar eftir, at viðkomandi hevur nýtt hasj seinastu ferð. Ungir rúsevnismisnýtarar í Føroyum sleptir uppá fjall - At senda ungar rúsevnismisnýtarar á viðgerðarstovnarnar, vit hava, er alt annað enn nóg gótt, sigur Erna S. Hákonardóttir, alkohol- og familjuráðgevi Mynd: Álvur Haraldsen C M Y K 3 2 DANSUR Ingrid Bjarnastein Sunnudagin 20. januar hevði Dansifrøði aðalfun, har tveir nevndarlimir stóðu fyri vali. Edmund Nysted stillaði uppaftur, og varð eisini afturvaldur. Ann-Mary á Rógvi Ras- mussen stillaði ikki upp- aftur, og ístaðin fyri hana kom Jacob Rummerhoff. Nevndin, ið skipar seg sjálv sær nú soleiðis út: Erling Jørgensen, formaður, Jacob Rummerhoff, næstformað- ur, Árni Svartafoss, kassa- meistari, Edmund Nysted, skrivari og Karstin Hansen nevndarlimur. Sigrun Ru- beksen varð vald, sum eykalimur. Skráin fyri fyrru helvt av 2002 er løgd, og hon byrjar longu í morgin 26. januar, tá Dansifrøi hevur eitt stórt dansitiltak í Norðurlanda- húsinum í sambandi við, at felagið fyllir 30 ár. 144 fólk vera við í tiltakinum. Tiltakið byrjar klokkan 15.00 og atgongumerki eru at fáa í Norðurlandahúsin- um á 80 krónur. Nýggj nevnd við rimmar dansitiltaki Signar á Brúnni stillar ikki upp til løgtingsvalið í vár, og nú tykist vegurin hjá Torbirni Jacobsen liggja víðopin inn í løgtingið. Formað- urin fyri Tjóðveldis- flokkin harmast avgerðina hjá Signari POLITIKKUR Eyðun Klakstein Signar á Brúnni hevur boð- að nevndini í Eysturoyar Tjóðveldisfelag frá, at hann fer ikki at stilla upp til komandi løgtingsval. Hetta verður fyrstu ferð síðani 1970, at tjóðveldis- maðurin í Fuglafirði ikki stillar upp á løgtingsvali. Eysturoyar Tjóðveldis- felag hevði annan upp- stillingarfund í Leirvík mikukvøldið, og tá kom tað fram, at Signar á Brúnni fer at gevast í politikki. – Eg havi hugsað nógv um, hvørt eg skuldi halda fram, men eg eri komin til ta niðurstøðu, at eg fari ikki at stilla upp til komandi løgtingsval, sigur Signar á Brúnni. – Tá tú hevur verið við í politikki í so nógv ár sum eg, so kemur tíðin eisini, tá tú skalt lata onnur fólk sleppa framat. Ein uppstillingarfundur er eftir í Eysturoyar Tjóð- veldisfelag, og spurning- urin er, um flokkurin fær roynda politikaran at broyta støðu. – Nei, eg ætli mær ikki at broyta avgerðina, slær Signar á Brúnni fast. Hann sigur, at stríðið um landsstýrissessin í fyrraárið einki hevur við hesa avgerðina hjá honum at gera. Tað er lagt afturum, sigur h Tveir toppskorarar burtur Avgerðin hjá Signari hevur við sær, at vegurin hjá Torbirni Jacobsen tykist liggja víðopin inn í løg- tingið. Á seinasta valinum fekk Signar á Brúnni 286 at- kvøður, meðan Tobbi fekk 232. Triði maðurin á listan- um var Hans Tausen Olsen, sum fekk 145 atkvøTað er smeitur fyri tjóðveldislistan í Eysturoynni, at Signar ikki stillar upp, og smeitur kennist ivaleyst dyggari av, at Hans Tausen Olsen, sum var triðbestur seinast, heldur ikki stillar upp. Harmast avgerðina Formaðurin fyri Tjóð- veldisflokkin, Høgni Hoy- dal, sigur seg harmast um avgerðina hjá Signari um at taka seg aftur. – Signar er ein av okkara mest royndu politikarum, og eg hevði vónað, at hann vildi taka eitt tak afturat fyri flokkin. Tí er tað harmiligt, at hann ikki still- ar uppaftur, sigur Høgni Hoydal. Ger hetta støðun hjá Tjóðveldisflokkinum í Eysturoynni veikari til komandi val? – Tað rokni eg ikki við. Nú er listin ikki endaligur enn, men eg vænti, at Eysturoyar Tjóðveldisfelag hevur nógv onnur góð fólk at seta á listan. Kann avgerðin hjá Sign- ari hava nakað at gera við stríðið um landsstýrissessin hjá honum? – Nei, tað meti eg ikki. Tað málið var viðgjørt, sum tað skuldi í flokkinum, og Signar var eisini sjálvur við til at taka avgerðina. Bæði áðrenn og aftaná hava vit tosað væl saman, so tað hevur neyvan nakað við hesa avgerð at gera. – Eg vóni, at Signar vil arbeiða fyri flokkin, hóast hann ikki fer at stilla upp. Flokkurin hevur brúk fyri hansara drúgvu royndum í politikki, sigur Høgni Hoydal. Ungur á ting Signar á Brúnni var fyrstu ferð valdur í løgtingið í 1970, og hann var tá yngsti løgtingslimur. Síðani 1970 hevur Signar stilla upp hvørja ferð, og bara eina ferð slapp hann ikki inn. Tað var í 1980, tá Petur Reinert varð valdur á tjóðveldislistanum í Eyst- uroynni. Fýra ár seinni var Signar aftur í tinginum, og seinast í áttati árunum var hann leiðari í Tjóðveldis- flokkinum. Hann var við til at skipa samgonguna í 1989, og tá gjørdist hann eisini vara- løgmaður. Hann hevur síðani sitið trý skifti sum landsstýrismaður í samanlagt fimm ár. Noyddist úr landsstýrinum Í mars mánaði 2000 fór Signar á Brúnni úr lands- stýrissessinum eftir at ivi var sáddur um embætis- førsluna hjá honum. Ein kanning reinsaði seinni Signar fyri allan illgruna, men hann fekk ikki lands- stýrissessin aftur, sum hann segði seg hava fingið lyfti um. Tá núverandi sjálvstýris- samgonga varð skipað fyri fýra árum síðani, tóktist Signar á Brúnni vera eitt upplagt val til starvið sum løgtingsformaður, men politiska kabalin gekk øðrvísi upp, og Signar gjørdist landsstýrismaður við mentamálum. Signar á Brúni er útbúgv- in lærari. Hann hevur starvast meginpartin av tíðini í Fuglafirði, har hann eisini er ættaður, men hann hevur eisini verið lærari á Strondum og í Leirvík. Signar takkar fyri seg – Tá tú hevur verið við í politikki í so nógv ár sum eg, so kemur tíðin eisini, tá tú skalt lata onnur fólk sleppa framat, sigur Signar á Brúnni Nýggja nevndin í Dansifrøi er skipað, og verður skipað fyri stórum tiltaki í Norðurlandahúsinum í morgin Mynd: Álvur Haraldsen