fríggjadagur 16. juli 2010síða 15

Sosialurin nr. 108 · 16. juli 2010 15 Sissal Kampmann G! er ikki bert tónleikur og øl. Síðan festivalurin fór av bakkastokki er matútboðið á festivalinum vorðið alt meir fjølbroytt. Matupplivingarnar eru avgjørt vorðnar ein stórur partur av heildarupplivinigini av G!, og tað er ikki neyðugt, at hava matpakka við á Gøtusand. - Tey feløg og ein- stak ling ar, ið hava matbásir á G! í ár hava lagt stóra orku og nógva tíð í at bjóða festivalgestunum eina góða og vælumhugsaða matuppliving fyri ein rímligan penga. Á hesi matguide á G! finnur tú bæði kaldan og heitan mat, sunnan mat, flótandi mat, tungan og lættan mat. Ja, alt frá búffum til humm- us til pizza til smoothies til vaflur….. Hans Jacob Garðalíð, aka “kokkurin við múrin” er maðurin handan felagið Excellent. Í samband við G! hevur hann lagt seg eftir at bjóða viðskiftafólki sín um heilsugóðan og eksotiskan mat. – Eg ynski ikki bert at bjóða til eyga, men ikki minst til góman, sigur Hans Jacob, sum eisini stendur fyri matinum til luttakarar á G!. – Fyri meg hevur tað stóran týðning, at maturin er skilagóður og ikki minst heilsugóður. Í básinum hjá mær á torginum, fæst tí Nasi Goreng rís við urtum og nógvum frísk um grønmeti. Hartil bjóði eg tríggj ar grýturættir, ið eru tilgjørdir eftir teim heilsugóðu og skilagóðu ráð unum. - Við ørðum orðum eru teir feitt fát aæ kir, greiðir hann frá. Afturvið eru alskyns sløg av sunnum breyði. Teir tríggjir rættirnir eru villsvínagrýta, høsnar ungabringa og oksakjøtsgrýta. – Eg meti, at sølan av jaligum og sunnum matupplivingum á G! er við til at økja um heildarupplivingina á festivalinum hjá gestinum, sigur Hans Jacob. - Tí havi eg lagt meg eftir at hava vælsmakkandi mat, ið sær vakur út. Eg havi sett fyrikomandi starvs fólk at avgreiða viðskiftafólkið, ein hugna- ligan og snøggan bás og eg fari ikki minst at leggja meg eftir at geva eina góða servering. - Á henda hátt fær við- skifta fólkið eina fullkomna heild ar upp- living til sámuligan prísin á uml. 80 kr. Hvonn, Etika og Café Vágsbotn hava fimm básar tilsaman á G! Ein á sandinum, har selt verður frá Hvonn og Etika, ein bás uppi yvir sandinum, ið selur frá øllum trimum støðum, ein á spæliplássinum, har selt verður frá Hvonn og Etika. Harumframt er básuri í Grundini og á Torginum, har bert verður selt frá Hvonn. Etika, Hvonn og Café Vágsbotnur hava lagt seg eftir at selja lættan og skjótan mat, har góðskan er í hástæti. Mat, ið er lættur at avgreiða og ikki minst, eta, tá talan er um eitt uttan- dura tiltak við so nógvum gestum. Harumframt selja tey drekkivørur, tvs. vín, øl, sodavant, v.m., góðgæti, ís og aðrar kioskvørur. - Rógvi Helmsdal greiðir frá, at tey við matskránni sjálvsagt venda sær til tey ungu, ið eru í meirlutan á G!, og sum samstundis eru tey, ið hava verið serliga glað fyri, og sum hava tikið væl ímóti sushi mentanini, sum av álvara kom til Føroyar við Etika, ið lat upp fyri ein- um ári síðan í Havn. - Ætlanin við at selja sushi á G! er sjálvsagt eisini at gera reklamu fyri hesum sunna og væl smakkandi mati, sum tey hava roynd ir við, at sjálvt smábørn dáma væl, sigur Rógvi. – Mótstøðan mót sushi kemur mest frá eldri fólki, ið ikki vilja eta “ráan fisk”, sum tey siga. – Vit vilja tó fegin nøkta tørvin hjá so nógvum sum til ber, og tí selja vit eisini pizza og suppu. Harumframt selja vit frískpressað juice, ið er heilsugott og stimbrandi, m.a. Good Morning, ið er samansett av súrepli, banan og jarberjum. - Undirtøkan hjá Hvonn var góð á G! í fjør, og tí vóna vit sjálvsagt, at sølan og undirtøkan verður eins góð í ár, sigur Rógvi og leggur avtrat, at møgu leiki verður fyri at sita niðri og eta matin bæði uppi yvir sandinum og á spæli plássinum, har benkur og borð eru sett upp. Príslegan liggur á 40 krónum fyri pizza og suppu, og 80 kr. fyri sushi. Marjun og Eyð eru kvinnurnar hand an básin ORKA. Sum tær sjálvar siga, eru tær “tvær frískar damur”, sum ganga inn fyri einum sunnum lív stíli – Vit hava valt at bjóða groft, frukt og grønt, tvs. vegetarmat á G!, greiða tær frá.. – Av egnum royndum sum festivalgestir hava vit ásanna, at tað, at fáa sunnan mat á einum festi- vali, nærum er ógjørligt. - Hetta vilja vit fegnar broyta uppá við at bjóða heilsu góðan mat til allar aldursbólkar á G! - Vit hugsa sjálvsagt eisini um teir nyvaknaðu, ungu teltsovararnar, ið skulu hava møguleikan at fáa ORKU- gev andi mat, so tey orka at halda á fram við festivalinum. Á matskránni hjá ORKU finnir tú m.a. grovbollar við hummus og/ellla hunangi, frukt og grønt, smoothiels, yougurt við mysli og hunangi, alt til sera sámuligan prís, millum 10 og 30 kr. - Hetta er fyrstu ferð vit royna okkum vit royna okkum við hesi sølu, so vónirnar eru kanska meir á einum spenningsstøði, enn tær eru vinningur fyri eyga. Vit eru báðar ja lig ar av lyndi, og tí vænta og vóna vit at nógv velja at leggja leiðina framvið ORKU básinum hjá okkum á G! Í mun til ORKU, hevur Fuglafjarðar Svimjifelag verið við á G! fleiri ferðir. Ing vør og Øssur siga, at hetta hevur verið ein góð uppliving hvørja ferð. Tí bjóða tey aftur í ár gammeldags vafflur, gjørdar úr góðum tilfari og gott kaffi. – Vit halda, at henda matskrá er so hugnalig og hon hoyrir til á unikka G!festivalinum! greiða tey frá. Jógvan Heinesen, ið rekur Hotel Norð, og aðrir góðar kreftir standa Grillteam, ið eftirhondini hava drúgvar mat sølu royndir á festivalum, stevnum osfr. kring landið. Við Grillteam hava tey markera seg við teim víðagitnu Festi val búffunum. – Í vogninum hjá Grill team, ið stendur beint undir Valhøll, selja vit 200 grams festival búffar av fyrstafloks kjøti, greiður Jógvan frá. - Afturvið servera vit eplabátar, piparsós og hvítleykssauté. Hesa matskrá hava vit haft góðar royndir við, sigur hann og vísir á, at tey fegin vilja røkka øllum aldursbólkum við okkara matarskrá, hóast tað ofta eru tey eldru, tey meir etableraðu, ið keypa búff á G! – Tað stuttliga er, sigur Jógvan, at tey viðskiftafólkini, sum keyptu frá okkum fyrsta árið vit vóru við, koma aftur, og aftur. – Hetta er hugnaligt og fremjandi fyri okkum sum fyritøku. – Ger at vit kenna, at tað vit bjóða, er gott. Men, fyri at røkka fleir bólkum, hava vit tí valt at útbyggja konseptið við at selja eina útgávu av kebabbinum, sum er annaðleiðis enn hon, vit kenna frá útlandinum, sigur Jógvan. - Okkara útgáva av kebabbinum er skjót at tilgerða, og harvið skjót at avgreiða til viðskiftafólkið. - Vit nýta shawarmakjøt, vit keypa frá Poul Hansen, sum vit síðan servera við chips. Vit hava harvið valt eina loysn, ið er skjót og góð. Tvs. skjótleikin gongur ikki útyvir dygdina á matinum. Sum serligt tilboð ber til hjá fólki at ringja á Hotel Norð og bíleggja mat frá Grillteam á G!, til eitt ávíst tíðspunkt. Tvs. eitt slag av festivalcatering, sigur Jógvan at enda. Eat this! Ein matguide til G! festvalin 2010