fríggjadagur 23. juli 2010síða 12

Fríggjadagur 23. juli 2010 · Nr. 111 12 Sosialurin Nøvn Føðingar 2. juli fingu Miriam av Reyni og Jóannes Egholm, Tórshavn, ein son. Hann var 54 cm langur og vigaði 3925 gr. Stóribeiggin eitur Jens Jóannesarson av Reyni. 11. juli fingu Christina Torpsgaard Bech og Pætur Joensen, Gram, eina dóttur. Hon var 51 cm long og vigaði 3610 gr. 14. juli fingu Rannvá og Eystein í Løðu, Bøur, ein son. Hann var 54 cm langur og vigaði 3980 gr. 17. juli fingu Hilda Christiansen og Jóhan Hendrik W. Jørgensen, Klaksvík, eina dóttur. Hon var 51 cm long og vigaði 3000 gr. 17. juli fingu Tóra Johansen og Collins Okpara, Strondum, ein son. Hann var 55 cm langur og vigaði 4250 gr. 18. juli fingu Elin Horn og Jákup Poulsen, Tórshavn, ein son. Hann var 51 cm langur og vigaði 4055 gr. 18. juli fingu Joan Jógvansdóttir og Ási Mikkelsen, Tórshavn, eina dóttur. Hon var 54 cm long og vigaði 3880 gr. 20. juli fingu Annelisa Justinussen og Jákup Jóhannes Dalsá, Leirvík, ein son. Hann var 55 cm langur og vigaði 5100 gr. Tað er við sorgblídni, at vit siga farvæl við Janne, nú hon hevur verið leið­ ari í Frískúlanum við Hoy­ víks tjørn í heili 25 ár, sum eru uml. 2/3 av hennara tænastutíð sum lærari. Sera væl hildni, væl rikni og væl virkandi skúlin stendur eftir hana sum ein sannur varði, ið hon kann gleðast um og vera errin av. Hon hevur á sera hegnisligan hátt megnað at fáa skúlan til at virka avbera væl og menna hann til nútíðar­ og framtíðar sam felagið – til krøv og av­ bjóðingar í samtíðini, sam­ stundis sum skúlin er væl rótfestur í fortíðar siðaarvi og í føroyskari mentan. Frískúlin er ein av teimum út við 6.000 skúlunum, sum altjóða Adventistasamkoman rekur um allan heimin. Skúla virksemið teirra byrjaði longu í 1874, og Frískúlin við Hoyvíkstjørn, ið fyrr varð kallaður Adventistaskúlin, byrjaði í 1966. Skúlin er 44 ára gamal og harvið elsti frískúli í landinum. Janne hevur so­ statt verið skúlastjóri í meira enn helvtini av livitíð skúlans, og lítið er at taka seg aftur í, at skúlin eftir familjuna hevur verið hennara stóra lívsuppgáva. Janne Shantz Johnsson er fødd 16. mai 1948 í Århus, dóttir Hans Jørgen Schantz úr Holstebro og Carlu Nest­ ved úr Køge. Janne var gift Kristinni Johnsson úr Tórshavn, sum eftir stutta sjúkralegu andaðist fyri tveimum árum síðani. Tey eiga børnini Tatjanu, Natashu, Teresu, Mariu og Julian, sum m.a. er kendur frá føroyska fót bóltslandsliðnum. Janne tók læraraprógv á Jell­ ing Seminarium í 1972 og hevur verið lærari í Vejle­ fjordskolen í Daugård 1972­ 85 og síðan 1985 verið stjóri í Frískúlanum. Janne hevur gingið upp í uppgávuna og skúlan við lív og sál. Tann fyrsta at møta um morgunin og altíð hon, ið gekk undan. Spardi ikki seg sjálva, men var tann, ið luttók og vísti vegin og heldur gekk fammanfyri og eina míl afturat. Hon hevur verið ótroyttilig at eggja, stuðla og motivera, men eisini at taka atlit til støður og umstøður hjá øðrum og fáa alt at ganga upp í eina hægri eind. Hon var tann, ið bar kaffi út í skúlagarðin til garðvaktina, og altíð var hon í líka stóran mun tænari sum leiðari. Hon hevur so at siga verið tann fyrsta millum líkamenn. Kundi hon geva, kundi hon eisini krevja, og hon segði hart, hvat ið hon vildi hava, og hvussu hon vildi hava tað, men hon legði eisini upp til dialog, og gav tær fult frælsi og fulla ávirkan at útinna uppgávurnar og fremja verkið. Janne var og er úrslitssøkin og miðsavnað í arbeiðinum. Janne dámdi líka so væl at undirvísa sum at leiða. Henni dámdi at vera sam an við næmingunum, at for­ telja, formidla, greiða frá og gera næmingarnar tilvit­ aðar um mangt og hvat. Henn ara spurnar kappingar eru legendar iskar, og hon fekk næmingarnar at vera áhugaðar í søgu og samtíð, í samfelagnum og í almennari vitan, eins og í enska málin­ um, ið hon tosar raðið eftir at hava búð í London sum barn. Í mong ár hevur Janne spælt blokkfloytu saman við næmingunum, og vit eru mong, ið hava notið frá líku framførslurnar til skúla­ veitsl urnar og til jólahaldini í Kirkjuni. Janne hevur stórt námsfrøðiligt innlit og hegni og hevur verið sera góð í ráðum hjá børnum, for­ eldrum og lærarum. Hon er altíð góð og vinalig at koma til, og tú fert altíð ríkari aftur frá henni. Vit fara at sakna hennara meiningar og virði, hennara áræði og dirvi, hennara mót og visiónir, hennara áhaldni og treiskni, hennara umsorgan og uppmerksemi, og hennara skemtingarsemi, hýr og góða lag. Vit eru vís í, at aðrar spennandi avbjóðingar liggja fyri framman hjá Jannu at luttaka í. Vit ynskja Janne góða eydnu framyvir og takka henni hjartaliga fyri árini í Frískúlanum við Hoyvíkstjørn. Starvsfelagarnir í Frískúl­ anum við Hoyvíkstjørn – Bergur Godtfred Janne gevst í Frískúlanum við Hoyvíkstjørn Gullbrúdleyp Fríggjadagin 23. juli hava Hergerð og Eiler Sam uel sen bakari Klaksvík gull brúd­ leyp. Dagurin verður hildin í K.F.U.M & K í Klaks vík frá kl. 19 har øll eru hjartaliga væl ­ komin. Gullbrúdleyp Fríggjadagin 23. juli eru liðin 50 ár síðani Katrin og Alex Sólstein vórðu hjúnavígd í Klaks víkar kirkju. Tey eru burturstødd gullbrúd leyps ­ dagin, tí saman við dreingj­ unum og familj um teirra endurtaka tey brúdleyps­ ferðina til Noregs fyri fimm­ ti árum síðani. Silvurbrúdleyp 27. juli hava Krisfinn og Maria Christiansen, Klaks­ vík, verið gift í 25 ár. Tey eru burtur stødd. Silvurbrúdleyp Mikudagin 8. september hava Alith og Hilmar Djurhus Strend ur silvurbrúdleyp. Dag urin verður hildin fríggja dagin 10. september kl. 18 í bygdarhúsinum á Strond um. Tey ið ynskja at gleð ast saman við okkum verða vinar liga biðin um, at siga frá innan 24. august á tlf. 448534 ella 224635. 90 ára føðingardagur Leygardagin 24. juli heldur Elisabeth Olsen sín 90 ára føðingardag á Sand áar breyt 7. Tey, ið vilja heilsa upp á hana, eru hjartaliga væl­ komin millum kl. 11 og 15. 90 ára føðingardagur Mánadagin 26. juli verður Hanna Ziska, Klaksvík, 90 ár. Føðingardagurin verður hildin á Sjómansheiminum í Klaksvík kl. 18 sama dag. Tey, ið vilja heilsa upp á Honnu, eru hjartaliga vælkomin. 85 ára føðingardagur Ólavssøkuaftan 28. juli verður Otto Sørensen, Tórs­ havn, 85 ár. Tey, ið ynskja at heilsa uppá Otto føð­ ingar dagin, eru hjartaliga vælkomin í Tórugøtu 27 (hjá Sunnvu) 28. juli millum kl. 10 og 14. 75 ára føðingardagur Sunnudagin 1. august fyllir Helgir Thomsen í Hvalba 75 ár. Tey, ið vilja gleða Helgir á degnum eru vælkomin heim til hansara millum kl. 14 og 18. 70 ára føðingardagur 23. juli fyllir Anna Glyvradal, Glyvrar, 70 ár. Vælkomst verður í sjókafeiini í Rúnavík 24. juli kl. 18. Merkisdagar