fríggjadagur 30. juli 2010síða 6

Fríggjadagur 30. juli 2010 · Nr. 113 6 Sosialurin Eyðun Klakstein Ólavsøkan 2010 gjørdist ein fólkafest av teimum heilt stóru og góðu. Í tveir dagar hugn­aðu túsundtals fólk sær í góð­ veðrinum í høvuðs­staðnum, og góða veðrið er helst við­ virkandi orsøk til, at lagið var gott á fólki, og bæði løgregla og sjúkrahús høvdu lítið at gera. Bæði ólavsøkuaftan og ólavsøkudag var nógv fólk í gøtunum í Havn. Fólk úr bygd og bý flokkaðust í mið­bý­num, og vælskipaða ólav­søku­økið legði upp til hugna. Løgreglan sigur, at tað vóru óvanliga fáir harð­skaps­ tilburðir hesa ólavsøkuna, og hóast tey á skaðastovuni á Landssjúkrahúsinum hava havt ymiskt at gera, hevur tað mest verið, tí fólk eru dottin og hava fingið snuddir. Brak í Vágsbotni Stóru tiltøkini á ólavsøku savnaðu so nógv fólk, sum tey sjáldan gera. Stóra tiltakið hjá Rás2, sum er eitt av nýggju tiltøkunum í ólavsøkuskránni, fekk aftur í ár fólk av húsi. Fólk komu í Vágsbotn í góðari tíð, og tað var stappað við fólki, tá ið poppbólkurin Páll Finnur Páll fór á pallin, sum var á triðju hædd í Miðlahúsinum – á eini lyft uttan fyri studio hjá Rás2. Eini 10.000 fólk mundu verða og lýða á sangirnar hjá Páll Finnur Páll, og óført var sungið við til sangirnar, sum røkka longur og longur út millum fólk. Skemtarin Jákup Veyhe helt eina øðrvísi ólav­søku­ røðu, og tað gjørdi hann í leiklutinum sum løgmaður. Eftir stóra tiltakið hjá Rás2 savnaðust øll tey mongu fólkini á Vaglinum og har á leið at syngja við til midnáttarsangin, sum er ein nakað eldri traditión á ólavsøku. Drúgv ólavsøka Ólavsøkan gjørdist drúgv hjá summum, tí tá ið fólk fóru til arbeiðis í morgun, var framvegis nógv lív í býnum, og fólk válaðu framøvegis eftir gongugøtuni í Havn. Treisku restirnar av ólav­ søkuhaldinum skikkaðu sær framvegis pent í morgun, og út á fyrrapartin fækkaðist við fólki í býnum. Og tey, sum framvegis ikki hava fingið nóg mikið av veitslulagi í Havn, kunnu fegnast um, at vikuskiftið nú er fyri framman. Ófør ólav­ søku­ veitsla ÓLAVSØKA Góðveður, nógv fólk og fjølbroytt tiltøk settu dám á ólavsøkuna 2010. Lagið var gott á fólki, og bæði løgregla og sjúkrahús høvdu lítið at gera BRAK Ólavsøkutiltakið hjá Rás2 savnaði aftur í ár fleiri enn 10.000 fólk – Páll Finnur Páll fingu av álvara fólk við sær, og Jákup Veyhe undirhelt við øðrvísi ólavsøkurøðu Mynd: Jens Kr Vang