fríggjadagur 1. februar 2002síða 7

12 Nr. 22 - 1. februar 2002 SJÓNLEIKUR Solby A. Eliasen Farna vikuskiftið framførdi Klaksvíkar Sjónleikara- felag tær seinastu sýning- arnar av skemtileikinum Mostir Charley – á hesum sinni. Tí um vit fylgja hag- tølunum, so verður leikurin aftur á skránni í 2045. Leikurin hevur verið fram- førdur tvær ferðir áður, og vóru tað júst 44 ár ímillum hvørja ferð. Frá Klaksvíkar Sjónleik- arafelag frætta vit, at umleið 3.500 fólk hava sæð leikin, og tað eru tey stak væl nøgd við. Tey byrjaðu at venja 1. septembur, frumframførslan var 10. novembur og nú, aftaná 30 sýningar, eru fólk við at blíva troytt. Her er jú talan um eitt áhugafelag, so tað er týdningarmikið, at lim- irnir ikki gerast ov troyttir. Fyri framman liggja nú fyrireikingarnar til Norð- oyastevnuteitið, og ætlanin er at venja tveir leikir í 2002. Venjingarnar til tann fyrra leikin byrja í heyst, og so verður frumframførslan einaferð í novembur ella desembur, meðan hin leik- urin verður fyrireikaður yvir eitt longri tíðarskeið. Tað er ein bólkur undir Klaksvíkar Sjónleikara- felag, sum hevur ætlanir at venja 1-2 ferðir um vikuna í umleið 1 ár. Klaksvíkar Sjónleikara- felag hevur eisini ætlanir um at vera við í tí stóra gøtuleikinum, sum MáF skipar fyri á Ólavssøku. Umleið 3.500 fólk sóu Mostir Charley Mostir Charley liðug fyri hesuferð FISKIVINNA Vilmund Jacobsen Ein trolari og ein línu- bátur hava landað til Sandoy Seafood hesa vikuna. Mánadagin var Eyst- urbúgvin inni við sløkum 100.000 pundum av upsa, toski og hýsu. Teir trola saman við Vestur- búgvanum, sum hevði nøkulunda somu nøgd, men landaði til annað virki. Meira enn helm- ingurin av upsanum hjá Eysturbúgvanum var upsi 4, og tað er rættiliga smáur upsi. Hoyvíkingur, sum landaði týsdagin, hevði 50.000 pund; teir høvdu roynt á Føroya Banka. Størra helvtin av veiðini var hýsa, restin toskur. Í báðum førum var slagið gott, siga tey á Sandi. Umleið helmingurin av veiðini var hýsa 1 og toskur 1. Hoyvíkingur hevði stuttan túr; teir høvdu roynt í seks dagar, tá ið hann øtlaði veðrið. Samanhangandi Bæði á virkinum á Sandi og í Skopun hava tey arbeitt hvønn dag hesa vikuna, tí umframt fiskin hjá Eysturbúgvanum og Hoyvíkingi, hevur Sand- oy Seafood keypt væl av fiski á uppboðssølu. - Eg veit ikki rættiliga, hvussu nógv er komið av uppboðssøluni, men her hava fleiri trailarar verið við fiski. So, vit hava fisk til alla hesa vikuna, sigur Jóan Petur Vest. Sjógvurin í maskin- rúminum er gingin útyvir ljósmotorar, elektromotorar og el- innstalatiónina.- Umvælingarnar verða gjørdar á Mekanik í Runavík, og her er tað soheppið, at alt, sum skal skiftast út, er á goymslu, sigur maskinmeistarin á Skrápi, Karl Jón Breiðaskarð FISKIVINNA Vilmund Jacobsen Tað er og verður ongantíð vandaleyst at sigla, hóast skipini gerast betri og betri. Hvussu góð skipini enn eru, sleppa vit ongantíð undan, at vanlukkur fara at henda á sjónum. Fyrr í vikuni fór ísfiska- trolarin, Gorpur, at leka. Teir partrola við Skrápi og vóru á veg út á fiskileið, tá ið funnið varð út av, at sjógvur var í maskin- rúminum. 30 fjórðingar úr landi Karl Jón Breiðaskarð, sum er maskinmeistari við Skrápi, sigur, at skipini loystu um 1-tíðina týsnátt- ina og vóru einar 30 fjórð- ingar úr Eystnesi, tá ið funnið varð út av, at sjógvur var í maskinrúminum. - Tá ið teir umborð á Gorpi varnaðust lekan, stóð sjógvurin uppum botnven- tilarnar. Teir settu pump- urnar at lensa, men sóu skjótt, at tær ikki kláraðu at halda skipinum lens; tí varð motorurin slóktur, sigur Karl Jón.Boð vórðu send eftir hjálp, og tyrlan hjá Atlantsflogi og Tjaldrið gjørdu seg til reiðar at flyta pumpur út á skipið. Sum skilst, gingu heilir tveir tímar, til tyrlan var á leiðini, og tá var Tjaldrið næstan komið út til Gorp og Skráp. Ikki í lívsvanda - Eg haldi, at tyrlan fekk pumpur frá Tjaldrinum, sum teir settu niður á Gorp, men áðrenn pumpurnar vóru komnar í gongd, var Tjaldrið komið á leiðina. Og ikki fyrr enn Tjaldrið eisini fór at pumpa, kundu teir halda skipinum lens. Spurdur, um teir hildu, at tað tók ov langa tíð hjá tyrl- uni at koma út á leiðina, sigur Karl Jón: - Tað dugi eg ikki at meta um, men eg haldi ikki, vit kunnu siga, at tyrlan var skjót á staðnum. Tíðin tyk- ist altíð long, tá ið bíðað verður undir slíkum um- støðum. Karl Jón leggur tó dent á, at eingin panikkur var um- borð á Gorpi, og menninir vóru ongantíð í lívsvanda. - Veðrið var gott, men tað var stór alda, sigur hann.Tá ið partrolað verður, fylgjast skipini, og sigast kann, at hetta í sjálvum sær er ein tryggleiki – ikki minst, tá ið annað skipið hevur brúk fyri hjálp. Tjaldrið fylgdi Gorpi til lands. Rør skrædnað Karl Jón Breiðaskarð sigur, at tað seinni vísti seg, at lekin stavaði frá einum røri, sum gongur frá botnven- tilunum upp í høvuðs- motorin. - Hetta rørið var skrædn- að, sigur hann. Hví rørið er skrædnað, er ikki greitt, men maskin- meistarin heldur ikki, at hetta hevur nakað samband við tær umvælingar, sum gjørdar eru umborð á Gorpi, nú hann hevur verið til klassingar. Hetta var fyrsti túrurin hjá Gorpi og Skrápi síðan hálvan desember. S j ó g v - urin í maskinrúminum er gingin útyvir ljósmotorar, elektromotorar og el-in- stalatiónina í maskinrúm- inum. - Umvælingarnar verða gjørdar á Mekanik í Runa- vík, og her er tað so heppið, at alt, sum skal skiftast út, er á goymslu. Karl Jón Breiðaskarð væntar, at skipið verður klárt at fara aftur til fiski- skap um eina viku. FISKIVINNA Vilmund Jacobsen Krúnborg var á Fugla- firði mikudagin við 1800 tonsum av lodnu, sum teir hava fiskað á før- oysku leiðini. Teir fóru útaftur mikukvøldið og fóru aftur í føroyskan sjógv at royna. Síðsta vikuskiftið var Christian í Grótinum á Fuglafirði við stívliga 1500 tonsum av lodnu, eisini úr føroyskum sjógvi. Triðja skipið, sum hevur verið á føroysku lodnuleiðini, er Tróndur í Gøtu, men teir hava ikki verið so hepnir. Tvær ferðir í Íslandi Áðrenn Tróndur í Gøtu fór í føroyskan sjógv at royna, fóru teir til Íslands eftir trolreiðskapi. Men tá ið teir komu á fiski- leið, vísti tað seg, at reiðskapurin riggaði ikki so væl, og lítið kom burtur úr. Teir hava tí fyri aðru ferð á hesum sinni verið í Íslandi eftir reið- skapi og tað, teir høvdu inni, løgdu teir upp har yviri, eini 300 tons ella so. Á Havsbrún vita tey at siga, at lodnufiskiskap- urin í føroyskum sjógvi hevur verið smáligur, nú tað hevur viðrað so illa. - Ein skái var mið- skeiðis í vikuni, men nú sigur hann longu nógvan vind aftur, siga tey á Havsbrún. Eysturbúgvin og Hoyvíkingur á Sandi Lodnufiskiskapurin tarnaður av veðri Gorpur fór at leka, tí eitt rør skrædnaði Manningarnar á Gorpi og Skrápi halda ikki, at tyrlan hjá Atlantsflogi var skjót á staðnum, tá ið Gorpur fór at leka og hevði brúk fyri hjálp. Tað gingu tveir tímar, áðrenn tyrlan var frammi hjá skipunum. - Tíðin tykist altíð long, tá ið bíðað verður undir slíkum umstøðum. Menmanningin var ongantíð í vanda, sigur Karl Jón Breiðaskarð, sum er maskinmeistari við Skrápi C M Y K 13 12