mikudagur 1. september 2010síða 45

45 Mikudagur 1. september 2010 · Nr. 127 Sosialurin Ítróttur Hilmar Jan Hansen Síðani fríggjadagin hevur besta manslið hjá Neistanum verið niðri á venjingarlegu, sum fyrst og fremst er fyrireiking til EHF Cup-dystirnar um vikuskiftið ímóti serbiska stórfelagnum, RK Metaloplastika Zorka. Neistin spælir fyrra dystin fríggjakvøldið klokkan 19.30 og seinna dystin sunnumorgunin klokkan 10. – Meðan vit hava verið í Dan- mark, hava vit fingið vant hvønn dag og eisini spælt nakrar dystir ímóti liðum, sum eru sterkari enn vit. Vit vita jú, at serbiska mótstøðan verður bæði størri og sterkari enn vit, sigur Ingi Olsen, venjari hjá Neistanum, hvør ferða- lag fer úr Danmark til Serbia í morgin. – Vit hava sæð upptøkur av Mata loplastika, sum vísa okkum eitt lið, ið bæði telur spælarar, sum eru yvir tveir metrar høgir, og spæl- arar, sum viga yvir 100 kilo. Teir spæla kanska nokk so seinan hond- bólt, men tað verður øgiliga tungt at koyra ímóti teimum. Spælararnir hjá Neistanum fyri reika seg bæði til EHF Cup- dystirnar í Serbia, umframt at teir gera seg klárar til eitt kappingarár, har teir skulu verja meistaraheitini í bæði lands- og steypakappingini. Teir hava vant saman allan august mánað, og undan tí hevur styrki- venjing verið á skránni hjá teimum hvør sær. – Hugsa vit um, hvør tíðin er á ár inum, er tað á einari leið hjá okk- um, men av tí at tað er trupult hjá okkum at fáa dystarvenjing í Før- oyum hesa tíðina, kemur væl við, at vit hava fingið spælt ímóti nøkrum liðum niðri hesar dagarnar, sigur Ingi Olsen. – Serbiskur hondbóltur er so góður, at skulu vit gera nakað við teir, mugu allir hjá okkum spæla upp til sítt allarbesta í senn. Í fjør vóru vit eisini í Serbia og spældu, so vit vita, at óansæð hvussu mót støðu liðini í hesum kapping- unum eita, so er talan um stórar og sterkar spælarar, ið kortini hava skjót leikan. Triðja árið á rað Hetta er triðja árið á rað, at mans- liðið hjá Neistanum roynir seg í europeisku kappingunum. Í fyrra- árið var Neistin við í kappingini fyri meistaralið og spældi ímóti HC Lovcen úr Montenegro, og í fjør var Neistin í kappingini fyri steypa- vinnarar, tá mótstøðuliðið var HC Kolubara úr Serbia. Hesa ferð, eins og í fjør, verða báðir teir europeisku dystirnir hjá Neistanum spældir á útivølli, og tað er fyrst og fremst av fíggjarligum áðum. Men í fyrraárið var talan fyrst um útidyst og síðani heimadyst, sum varð spældur í ítróttarhøllini á Hálsi, tá Neistin framdi tað bragd at vinna 33-32 á montenegrinska mótstøðuliðnum. – Ítróttarliga er eingin ivi um, at tað hevði verið ein fyrimunur hjá okkum, um vit kundu spælt í øllum førum annan dystin heima í Før oyum. Stuðulin frá okkara áskoðarum hevði hjálpt væl til, um- framt at lið frá Balkan hava tað fyri, at tey gjarna spæla munandi verri úti enn heima, sigur Ingi Olsen. – Niðri í Serbia er tað soleiðis, at har er mestsum alt loyvt, so áskoðararnir buldra og gera øgiliga nógv um seg. Eitt øgiligt trýst verður lagt á dómararnar, sum tí kunnu hava ilt við at standa ímóti – uttan at tað kortini skal vera nøkur um bering. Men tað kann vera sera torført at fáa líkinda úrslit undir slík um umstøðum. Óansæð úrslitið av teimum báð- um dystunum niðri í Serbia um viku skiftið, heldur Neista-venjarin tað vera ein góðan fyrimun undan einum longum vetri við bæði lands- og steypa kapping, at lið hansara fær fleiri venjingardystir, áðrenn kapp ingin heima í Føroyum fer í gongd. Serliga heldur hann tað koma væl við, at hetta alt eru dystir ímóti sterkari liðum. hilmarjan@sosialurin.fo Neistin á veg til Serbia Hondbóltur Triðja árið á rað er Neistin farin av landinum at spæla europeiskar dystir um vikuskiftið. Eins og í fjør, gongur leiðin hesa ferð til Serbia, har Neista-venjarin, Ingi Olsen, væntar at fáa sera sterka mótstøðu StórIr oG StErKIr – Serbiska mótstøðulið okkara telur spælarar, sum eru yvir tveir metrar høgir, og spælarar, sum viga yvir 100 kilo, so tað verður øgiliga tungt at koyra ímóti teimum, sigur venjarin hjá Neistanum, Ingi Olsen Savnsmynd: Álvur Haraldsen Heri Simonsen Francisco Antonio Varallo, sum var føddur í La Plata í Argentina tann 5. februar í 1910, spældi við tí argen- tinska fótbóltslandsliðnum, árini 1930 til 1937, og spældi hann við í tí fyrstu HM-finaluni í søguni, sum var millum Uruguay og Argentina. Finalan var spæld á Centenario leik- vøll inum í tí uruguanska høvuðs- staðnum, Montevideo tann 30. juli í 1930. Uruguay vann finaluna 4-2, eftir, at Argentina hevði verið á odda 2-1 í steðginum. Francisco Varallo var tann sein- asti, sum var á lívi av teimum, sum spældu við í tí fyrstu HM-finaluni í 1930. Varallo – sum var tað teir nevndu centre-forward á tí gamla fótbóltsmálinum – skoraði eitt mál í HM-endaspælinum, og var tað í bólkaspælinum, tá Argentina vann heili 6-3 á Meksiko. Varallo, sum hevði kelinavnið »Pancho« spældi 16 landsdystir fyri Argentina, har hann skoraði sjey mál. Í 1937 vann hann suður- amerikanska meistaraheitið – Copa America – við argentinska lands- liðnum. Francisco Varallo var yrkis- spæl ari við tí kenda liðnum, Boca Juniors, har Diego Maradona er tann størsta legendan í søguni. Árini 1931-1940 spældi Francisco Varallo 210 dystir fyri Boca Juniors, har hann skoraði heili 181 mál. Hann gjørd ist argen tinskur meistari við Boca Juniors tríggjar ferðir. Hetta var í 1931, 1934 og í 1935. Tá Varallo fylti 100 ár tann 5. februar í ár, var nógv gjørt burturúr í Argentina, og var hann rættiliga væl fyri tá, og skemtingarsamur segði hann við argentinsku press- una, at hann ætlaði at gera eitt »come back« í ár. Seinasti HM-finalisturin frá 1930 er deyður Fótbóltur Fyrrverandi argentinski fótbóltsspælarin, Francisco Varallo gjørdist 100 ára gamal 100 ár Fyrrverandi argentinski landsliðsleikarin, Francisco Antonio Varallo, leikti við í fyrstu HM-finaluni í 1930