mánadagur 6. september 2010síða 11

11 Mánadagur 6. september 2010 · Nr. 129 Sosialurin Vilmund Jacobsen ”Faroe Seafood - ein nýggj byrjan”. Soleiðis ljóðaði yvirskrift- in í Sosialinum fyri júst tveimum árum síðan, tá felagið seinast hevði brúk fyri umfígging. Yvirskriftin var í blaðnum eftir tíðindafund, sum júst tá hevði verið í felagnum. Nevndarformaður í Faroe Seafood um hetta mundið var Richard Mortensen, og hann kunngjørdi hin 2. september í 2008, at ”felagið nú aftur kann savna seg um at fara í kapping á marknaðinum og soleiðis økja um lønsemi í fyritøkuni...” Á tíðindafundinum segði hann eisini, at ”við nýggja fíggjarliga grundarlagnum er Faroe Seafood ført fyri at standa ímóti sveiggjum sum eru væntandi í vinnuni...” Ársúrslitið hjá felagn- um áðrenn óvanligar niður- skrivingar gjørdist í 2007 – altso árið fyri endurreisnina í 2008 - eitt hall upp á 19 miljónir krónur. Men í sambandi við endur- fíggingina av samtakinum, valdi felagið tá at niður- skriva støðisognirnar við 79 miljónum krónum og at útreiðsluføra hesar í ársrokn- skapinum fyri 2007. Ársúrslitið fyri 2007 gjørdist tískil eitt hall upp á heilar 96 miljónir krónur. Við endurreisnini í sep- tember fyri tveimum árum síðan væntaði táverandi nevndarformaðurin, Richard Mortensen, at Faroe Seafood helst fór at hava eitt hall í 2008 upp á einar 15-20 miljónir krónur. Hann vísti kortini á, at hædd var tikin fyri hesum í endurfíggingini av felagnum. Við endurreisnini í 2008 varð partapeningurin niður- skrivaður til 0 krónur, sam- stundis sum nýggjur parta- peningur var teknaður á tilsamans 40 miljónir krónur. Ein annar partur av fíggjarloysnini tá var, at 60 miljónir krónur av lánum vórðu umløgd til ábyrgdar- lán, og at 40 miljónir krónur vórðu settar til viks ella “parkeraðar”, sum nevndar- formaðurin málbar seg. Á tíðindafundinum legði táverandi nevndarformaður- in dent á, at Faroe Seafood er styrkt fíggjarliga, og at fíggingin aftanfyri felagið er tillagað á ein slíkan hátt, at møguleiki er fyri, at felagið við einum sunnum og góðum rakstri kann svara hvørjum sítt og tjena pening. Richard Mortensen segði seg hava fult álit á leiðslu felagsins og stjóranum, Meinhardi Jacobsen. vilmund@sosialurin.fo Tvey ár – og so var aftur kreppa FAROE SEAFOOD Fyri júst tveimum árum síðan varð Faroe Seafood seinast endurreist eftir, at felagið var komið í svárar fíggjarligar trupulleikar. Eftir umskipingina vóru vónirnar góðar, og táverandi nevndarformaðurin segði, at »nú var felagið ført fyri at standa ímóti sveiggjum sum vóru væntandi í vinnuni...« Góðu útlitini, sum vóru eftir endurreisnina av Faroe Seafood fyri júst tveimum árum síðan, hildu ikki, og felagið var ikki ført fyri at standa ”... ímóti sveiggjum sum vóru væntandi í vinnuni...” www.grafikmaster.fo Vit hava júst latið upp nýggja húðrøktarstovu í hølum okkara í miðbýnum. McGavin Húðrøkt heldur til á 2. hædd Vit lata upp nýggja húðrøktarstovu M. Heinasonargøta 19 · Tel. 31 30 50 mcgavin@mcgavin.fo · www.mcgavin.fo í M. Heinasonargøtu 19. Tað er kosmetologurin Súsan Benjaminsen, ið tekur sær av húðrøktarviðgerðunum. Bílegg tær tíð á tel. 31 30 50