fríggjadagur 8. oktober 2010síða 15

nr. 143 · 8. oktober 2010 15 VIKUSKIFTI Vælkomin. Tak eitt nummar, flyt ing ella kontant og alt annað enn flyting. Og so at bíða, bíða, og bíða, og bíða. Gott at vera fastløntur og ikki tímaløntur, tí so reyk ein tímaløn afturat teimum 200 krónunum, sum tað kostar at flyta 100 krónur úr ríkinum. Hvat var nú mítt nummar aftur? 666. Og uppi yvir kassa­ røðini standa 658 og 659. Sum vant er eingin við kassa 1. Kassi 3 er eisini ómannaður, sum vant mundi eg sagt. Dunggggg. Nummar 660, nummar 660, ljómar ein kvinnu­ rødd innan fyri pengarnar. Jú, tað gongur framá, stig fyri stig, uggi eg meg sjálvan. Eitt fram og tvey aftur. Hugsi um hetta samfelagið, har sum dugnaloysi og seinføri, slendrian, eru fremstu dygdir. Knappliga, sum ein rentu­ lækking fyri innlán, fái eg kalda­ sveitta. Klokkan er nú 15.42. Hvat hendir, um vit bara eru komin til 664, tá klokkan verður 16.00? Ætlaði pínadoyð at fáa hesa flytingina flutta í dag. Tí skundaði eg mær oman, sníkti meg úr arbeiðinum, onga staðni inn á vegnum. Tíverri, klokkan er fýra, nú er stongt, men tú ert vælkomin aftur í morgin. Nei, tíbetur, hatta var bara ein tvangstanki, ein marra í vøku. Klokkan er ikki fýra. Hon er ikki fýra enn. Nummar 658 hevur nú staðið har frammi við diskin í tíggju minuttir, tí kassadaman og daman hinu megin diskin kennast og hava nógv annað at tosa um júst nú og her enn pengaflytingar. Bíða, bíða. Einasta undirhald her á leiðini eru tey, sum tosa í fartelefon, ekshibitionistarnir. Hví gera bankarnir ikki sum flogfeløgini á teimum longu ferðunum, vísa ein film? Ella biðja onkran koma at siga stuttligar søgur. Ella bjóða eitt rúm, har fólk kunnu fara inn at leggja seg, meðan tey bíða. Klokkan gongur. Hon nærk­ ast óhugnaliga hóttandi sekstan nullnull. Nú er hon so mikið sum 15.55. Fimm minuttir, 300 sekund. Mín egna skyld, sjálvandi. Eg kundi fylgt ráðunum frá bankanum og orðnað mínar flytingar á netinum. Tað kostar einki (ikki enn). Eg kundi eisini fylgt ráð­ un um hjá bankanum og keypt partabrøv í honum. Ella tikið allar glæstrilýsingarnar í álvara. Eg kundi so nógv, eg kundi so nógv. Men nú standi eg her. Hey...dungggggg. Nummar 665, nummar 665. Einki hendir. Nummar 665, nummar 665. Nummar 665 misti tolið, tá vit komu til dunggggg 662 og rýmdi. Sjálvvirkandi rennihurð er, so ikki bar til at bresta hurð­ ina aftur. Dungggg. Nummar 666, nummar 666. Ja, her, her. Eg fari við meira enn innanbíggjar hámarksferð til kassan við lep­ anum í hondini. Har stendur 666, ikki 999? Eg sleppi av við pengar, mínar egnu. Tíbetur hevði eg, meira av tilvild enn umhugsni, SWIFT­talið við. Annars kostaði tað 100 krónur afturat teimum 200. Klokkan er 15.58. Nú bíði eg aftur. Bíði og bíði eftir einum nýggjum sáttmála. Tey vistu í fýra ár, at sátt mál­ arnir vardu bara til 1.oktober, 1. oktober í ár, ikki í 2011. Men tað hevur ongan skund at gera nýggjar. Einki hevur skund í Føroyum. Tí hava før­ oyingar so gott tol. Vit áttu øll at fingið bíðipengar. Á veg til hús úr bankanum hugsi eg annars um, at flog­ bóltskappingin byrjar skjótt. Tey vera flúgvandi í Fíggjar­ ligumstøðufestiliguni. Bíða, bíða og bíða UmaftUrafturum høgni djurhuus Skoyta ikki um brúktar seðlar Eik má bjargast við nýggjum pengum Portal.fo Hvat sigur Helgi Abrahamsen nú? Tølini flóta í langhylinum Lesarabræv Man tað liggja við Borg? Síðani var hon við á bonkinum móti Viðborg Norðlýsið Dramatikkur í Hvítu Húsunum Obama missir sína høgru hond Portal.fo Jamen, so druknar tú, maður! Eg fari ikki av eini søkkandi skútu Dimma So verður eingin ballada Gaddafi duravørður hjá ES Portal.fo Upp á tíðina! Minni pengar í lumman hjá tingfólki Portal.fo Kundi neyvan verið øvugt Bilur rendi á lyktarpela Portal.fo Á, dett orðaspæl! Stjørnan er flúgvandi Dimma Fær Dynamit sama tilboð? Vilja gjalda bólki 50 milliónir fyri at gevast Portal.fo Almanakki um seyð Úr álmanakkanum um seyð Dimma ranga í strúpan Øðrvísi parkering Tað er tiltikið, tá ið kvinnur skulu parkera bilar, og vit hava illgruna um, at onkur av teimum øðrvísi parkeringunum, sum vit vísa myndir av her á síðuni, er gjørd av kvinnum. Men vit halda eisini, at onkrar parkeringar eru so aggresivar, at tað mugu hava verið menn, sum hava sitið aftan fyri rattið á onkrum av hesum bilunum.