fríggjadagur 22. oktober 2010síða 8

nr. 149 · 22. oktober 2010 8 VIKUSKIFTI Onkur sigur kanska – makrónir – tær hava vit kunna keypt í føroyskum handlum í nógv ár... Og jú, hesar trendy smákakur hava tað til felags við makrónur, at tað eru mandlur og eggjahvíti í. Men meðan makrónur eru óslættar, er eitt av krøvunum fyri at fáa perfektar macarones, at tær skulu vera heilt slættar ... (ein ikki heilt einføld uppgáva vísti tað seg.) At bíta í eina macaron skal vera, sum tá eitt eggjaskal brotnar. Marengsið skal hava eina harða skorpu, og síðani skal man koma inn á bleyta smørkremið, ið liggur ímillum tær báðar kakurnar. Macarones eru ein fragd fyri eygað, og er tað óivað eisini ein av grundunum til at tær eru vorðnar so vælumtóktar. Søgan um macarones fer líka aftur til renessansuna í Italia, og tað sigst, at kakurnar vóru vælumtóktar í Venedig. Men seinastu hundrað árini eru tað fransmenn, ið hava etið mest av hesum lekru, litríku køkum. Bakríið Ladurée í París byrjaði við køkunum einaferð fyrst í1900- talinum, og enn tann dag í dag selur bakaríið 15.000 macarones dagliga. Ein av loynidómunum aftanfyri hesa succé er, at macarones kunnu gerast í so ymiskum smakkum – og litum – so at øll kunnu finna sína yndis macaron. Tað eru hundraðtals ymiskar uppskriftir uppá macarones at finna. Vit á Vikuskiftinum royndu hesa niðanfyri. Gamaní gjørdust tær ikki serliga slættar, men tær smakkaðu sera væl. Lekkur klassikari í nýggjum klæðum Fyrst komu muffins, síðani cupkakes og nú er tíðin komin at bjóða macarones vælkomnum á kakufatið. macarones eru ikki ein nýggj uppFinning. tær vóru longu á Føtunum Fyri 100-tals árum síðani, men eru vorðnar vælumtóktar aFtur, síðani kvinnurnar í »sex and the city« og marie antoinette, í Filminum við sama navni, ótu hesar lekru køkurnar mynd: InnA TörnrOOS 100 g av mandlum 3 dl av florsukri 3 eggjahvítar smakkur til sjokulátamacarones: 2 súpsk. kakao smakkur til sitrónmacarones: 1 sitrón, rivið skal Flys og hakka mandlurnar sera smátt, tað skal næstan bara vera mandlupulvur. Blanda mandlurnar saman við florsukrinum og tí, tú vilt hava tínar macarones at smakka av. Píska eggjahvítarnar stívar og blanda síðani varliga alt saman. Skeiða tær á bakipapír og baka á tveimum plátum. Baka báðar pláturnar samstundis og so nær miðjuni á ovninum, sum gjørligt. Baka á 150 hitastigum í 30 minuttir. Skift bakipláturnar um, so tær skifta pláss, eftir 15 minuttir og baka í 15 minuttir aftrat. Lat køkurnar kólna. fylla til sjokulátamacarones: 50 g av smøri 1 eggjablomma 1,5 dl av florsukri 1 appelsin, rivið skal 1 súpsk. pressað appelsinsaft 2 súpsk. kakao fylla til sitrónmacarones: 50 g av smøri 1 eggjablomma 1,5 dl av florsukri 1 sitrón, rivið skal 1 súpsk. pressað sitrónsaft Píska smørið, eggjablommuna, florsukrið og tað, tú vilt hava tínar macarones at smakka av. Legg fylluna ímillum tvær kakur, umleið ein tsk. til hvørja kaku. tipp At lata eggjahvítan standa frammi nakrar tímar, áðrenn tú bakar, ger tað lættari at fáa høgar og slættar køkur. Macarones (høvuðsmyndin) (20-24 stk.) lagt tIl rættIs: Inna Törnroos